Спорт
Шпанците со закон ќе спречуваат да им се случи нов Пике-скандал
Бизнис-одлуките на Жерард Пике ќе предизвикаат воведување нови правила во шпанскиот фудбал по контроверзиите по кои Шпанскиот суперкуп се играше во Саудиска Арабија.
Во април 35-годишниот дефанзивец на Барселона беше под лупата на јавноста по обвинувањето дека добил милионска исплата за селење на Суперкупот на Блискиот Исток. Неговата компанија „Космос“ била посредник на договорот помеѓу Саудијците и Луис Рубијалес, контроверзниот претседател на Шпанската фудбалска федерација (РФЕФ). Во разговорот што го објави весникот „Ел конфиденсијал“ се тврди дека компанијата на Пике заработила 24 милиони евра за договорањето на шестгодишниот договор, а бидејќи нема трансфер на пари помеѓу Рубијалес и Пике, кој бил платен од Саудиска Арабија, договорот бил легален.
Според „Ас“, во новиот спортски закон, кој е во изработка во Шпанија, ќе се забрани активните фудбалери да имаат комерцијални врски со натпреварувања во кои би можеле да настапуваат. Пике, секако, нема да биде обвинет за ништо бидејќи работел според постојните правила и тој јасно кажува дека не се чувствува виновен.
„Секоја активност беше легална и немаше никаков конфликт на интерес. Горд сум на мојата работа со ‘Космос’, сакавме да го смениме форматот на натпреварувањето и тој да биде поинтересен за гледачите. Саудиска Арабија не беше единствената опција, имаше понуди и од Катар и од САД и тоа беше одлука на Федерацијата. Провизијата? Во бизнис-светот тоа е нормално, од 10 до 15 отсто“, вели Пике.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кирјос: Останаа само уште неколку поглавја
Австралискиот тенисер Ник Кирјос наскоро би можел да ја заврши професионалната кариера, барем ако може да се верува на неговата објава на социјалните мрежи.
Кирјиос објави црно-бела слика од себе покрај неколку фотографии со Рафаел Надал, Новак Ѓоковиќ и Венус Вилијамс со интересен опис.
„Тенис… Проклетство. Беше ова лудо патување!!! Се започна поради тебе. Засекогаш благодарен. Ги сакам сите мои навивачи. Остнаа уште неколку поглавја..“, напиша Кирјос.
Истиот ден Австралиецот објави дека планира да игра на Австралија опен во јануари 2025 година, а многумина протолкуваа дека кариерата ќе ја заврши по турнирот во Мелбурн.
Беше најавено и дека 29-годишниот најверојатно ќе одигра неколку турнири пред Грен слемот во својата татковина, за да биде максимално подготвен за Австралија опен.
Најдобриот пласман во кариерата Кирјиос го забележа во 2016 година кога го држеше 13. место на АТП листата. Вкупно освои седум титули, но се верува дека не го искористил целиот талент што го поседува.
Спорт
„Граѓаните“ поставија рекорд во Лигата на шампионите
Манчестер сити го совлада Слован со 4:0 во Братислава во натпреварот од 2.коло од Лигата на шампионите. Тоа беше прва победа на избраниците на Пеп Гвардиола оваа сезона во најсилното европско фудбалско натпреварување, откако во првото коло одиграа 0:0 против Интер.
Избраниците на Пеп Гвардиола со триумфот на стадионот во престолнината на Словачка ја продолжија рекордната серија.
Сити ја подобри својата серија без пораз во натпреварите во Лигата на шампионите на 25. Серијата беше изградена на 17 победи и осум нерешени со што клубот го израмни рекордот од Купот на шампионите/Лигата на шампионите поставен од Манчестер јунајтед под водство на Сер Алекс Фергусон. Серијата на Јунајтед траеше од септември 2007 до мај 2009 година.
Последниот тим кој го победи Сити во 90 минути беше Реал Мадрид во полуфиналето на натпреварувањето во сезоната 2021/22. Шпанскиот тим тогаш славеше со 3:1.
Најдолги серии без пораз во натпреварите од Купот на шампионите/Лигата на шампионите:
25 натпревари – Манчестер сити (6 септември 2022 година – во тек)
25 натпревари – Манчестер јунајтед (19 септември 2007 – 5 мај 2009 година)
20 натпревари – Ајакс (2 октомври 1985 – 20 март 1996 година)
19 натпревари – Баерн (18 септември 2019 – 17 март 2021 година)
19 натпревари – Баерн (14 март 2001 – 2 април 2002 година)
17 натпревари – Црвена Звезда (07.09.1988 – 6.11.1991)..
Спорт
Роналдо: Повеќе не ме интересираат личните рекорди
Фудбалерот на Ал Наср, Кристијано Роналдо, кој го постигна 904. гол на натпреварот против Ал Рајан, изјави дека повеќе не го интересираат личните рекорди, објави францускиот спортски весник „Лекип“.
Роналдо во понеделникот вечерта постигна еден од двата гола против Ал Рајан во Лигата на шампионите на АФЦ.
Португалскиот фудбалер, петкратен добитник на Златната топка, изјави дека сега само сака да биде совршен соиграч.
„Веќе не бркам индивидуални рекорди. Добро е играчот да постигнува голови, но најважно ми е денес да уживам во играта и да му помогнам на Ал Наср и моите соиграчи да победат“, изјави 39-годишниот Роналдо. .