Спорт
Интер ѝ ги урна соништата на Барса, Порто го уништи Бриж
Сите надежи на Барселона дека ќе се случи фудбалско чудо и ќе обезбеди пласман во осмина-финалето на Лигата на шампионите беа сурово урнати од Интер, кој со 4:0 го совлада чешкиот тим Викторија Плзењ за да осигури билет во елитата.
Барселона се надеваше дека Интер нема да победи и потоа со победи вечерва против Баерн Минхен и следната недела против Викторија ќе го прескокне Интер на табелата, но наместо тоа, втора сезона во низа ќе го продолжи натпреварувањето во Лига Европа. Вечерашниот меч против Баерн станува ревијален.
Интер, пак, по лошиот почеток на сезоната, може да здивне бидејќи има гарантирано место меѓу најдобрите 16 европски тима. Нервозата траеше до 35. минута кога по одличниот продор на Бастони, Хенрик Мхитарјан го постигна првиот гол, за пет минути подоцна, Един Џеко да осигури 2:0 предност. На 3:0 зголеми повторно Џеко во 66. минута за во 85. минута својот камбек на фудбалските терени Ромелу Лукаку да го прослави со гол по убавата соработка со Хоакин Кореа.
Во Белгија, пак, се урна митот за непобедливиот Клуб Бриж, кој загуби со високи 0:4 од Порто комплицирајќи ја ситуацијата во групата Б. Бриж останува лидер со 10 поени, Порто сега има 9, а фаворитот Атлетико Мадрид има 4 пред вечерашниот дуел со Баер Леверкузен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Алегри е фаворитот на Фергусон за нов тренер на Манчестер јунајтед
Англиските медиуми во средата пишуваат дека следните два натпревари ќе ја одредат судбината на Ерик тен Хаг во Манчестер јунајтед.
Јунајтед утре ќе гостува кај Порто во Лига Европа, а потоа и во Бирмингем кај Астон Вила во Премиер лигата.
Англичаните пишуваат дека Тен Хаг не смее да загуби ниту еден од тие натпревари доколку сака да ја задржи работата и дека веќе се познати двајца фаворити за негов привремен наследник, но и долгорочно решение.
Имено, желбата на луѓето во Јунајтед е на крајот од сезоната да го ангажираат Симоне Инзаги од Интер, а дотогаш како привремено решение би го ангажирале Томас Тухел или Масимилијано Алегри.
Наводно, доколку Тен Хаг добие отказ, фаворит да го замени е Алегри, бидејќи има подрршка од Алекс Фергусон, пишуваат англиските медиуми.
Алегри (57) со Милан го освои Скудетото, а потоа со Јувентус пет пати ја освои Серија А и Купот. Двапати со Јувентус играе во финалето во Лигата на шампионите. Тој е без работа од летото, кога го заврши вториот мандат во Јувентус.
Спорт
Панчев: Црвена звезда се самоуништи против Интер
„Тенка двојка (благодарение на впечатокот од првите 45 минути на „Џузепе Меаца“), или еден на два“,вака легендарниот Дарко Панчев за „Спорт клуб“ го оцени синоќешното издание на Црвена звезда против Интер. Црвено-бечите, благодарение на почетничките грешки загуби од фаворитот со 4:0.
„Сами си дадоа четири гола, сами се победија, се уништија. Наивно, многу наивно. Грешки кои ретко ги има во натпреварите од понизок ранг и што е најлошо, на Звезда и се повторуваат на најголемата сцена. Одбраната беше под очекувањата, средниот ред не беше толку лош…“, вели Панчев и додаде.
„Интер е повисоко ниво во однос на Звезда, и не само на Звезда, туку и на огромното мнозинство на клубови. Она што важи за Интер важи и за Барселона, Реал, Борусија, Баерн… Разликата е видлива. А неодамна се зборуваше дека Динамо Загреб одамна нема посилен тим… И што се случи? Во првото коло прими девет гола во Минхен! Синоќа Селтик, Слован, Јанг Бојс и… Колку да се потврди класата на великаните“.
Спорт
Кирјос: Останаа само уште неколку поглавја
Австралискиот тенисер Ник Кирјос наскоро би можел да ја заврши професионалната кариера, барем ако може да се верува на неговата објава на социјалните мрежи.
Кирјиос објави црно-бела слика од себе покрај неколку фотографии со Рафаел Надал, Новак Ѓоковиќ и Венус Вилијамс со интересен опис.
„Тенис… Проклетство. Беше ова лудо патување!!! Се започна поради тебе. Засекогаш благодарен. Ги сакам сите мои навивачи. Остнаа уште неколку поглавја..“, напиша Кирјос.
Истиот ден Австралиецот објави дека планира да игра на Австралија опен во јануари 2025 година, а многумина протолкуваа дека кариерата ќе ја заврши по турнирот во Мелбурн.
Беше најавено и дека 29-годишниот најверојатно ќе одигра неколку турнири пред Грен слемот во својата татковина, за да биде максимално подготвен за Австралија опен.
Најдобриот пласман во кариерата Кирјиос го забележа во 2016 година кога го држеше 13. место на АТП листата. Вкупно освои седум титули, но се верува дека не го искористил целиот талент што го поседува.