Спорт
Газдата на Интер богати ги награди фудбалерите
Фудбалерите на Интер со победата над Викторија Плзен изборија пласман во осмина-финалето во Лигата на шампионите. Интер ја мина групата во која беа и Баерн, односно Барселона.
Газадата на Интер, Жанг Кангјанг, реши богато да ги награди фудбалерите за изборениот пласман меѓу најдобрите 16 екипи во Европа.
Секој играч ќе добие по 2.000.000 евра, што е дупло повеќе од сумата што ја добија минатата сезона за пласманот во осмина-финалето.
„Пласманот во осмина-финалето е доказ за работата што ја работиме. Никој не се осмелуваше да го замисли ова пред шест години. Ние секогаш работиме на растот и на подобрувањето на нашата структура. Ние сме победнички тим, на теренот и надвор од него. Успехот им го посветувам на навивачите кои секогаш нè поддржуваат, на сите што работат со мене, како и на моето семејство“, изјави по натпреварот за „Скај спорт“, беше ентузијаст по натпреварот Жанг Јуниор, чиј татко Жанг Џиндонг е високо рангиран во Комунистичката партија на Кина.
Како лидер на групацијата „Санинг Холдингс“, неговиот син поседува нешто помалку од 70 отсто од Интер и нема намера да го напушти клубот.
„Интер се продава? Тие шпекулации кружат веќе две-три години. Секогаш има многу шпекулации, но мора да се фокусираме на себе. Не разговарам со ниту еден инвеститор, клубот не е на продажба. Ќе бидеме фокусирани на победите сè додека јас сум претседател“, изјави Жанг, во Европа познат како Стив.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.