Спорт
Жозе Мурињо тренер со најмногу европски победи
Фудбалерите на Рома во петтото коло од Лига Европа го совладаа финскиот тим ХЈК Хелсинки со 2:1, а тренерот на римјаните, Жозе Мурињо, го забележа 107. триумф во меѓународните клупски натпреварувања.
Португалскиот стручњак го престигна легендарниот Алекс Фергусон и со тоа стана тренер со најмногу триумфи во европските натпреварувања.
Пред да пристигне во „вечниот град“, Мурињо ги тренираше Порто, Челзи, Интер, Реал Мадрид, Манчестер јунајтед и Тотенхем. Со португалскиот клуб ја освои Лигата на шампионите во сезоната 2003/2004, шест години подоцна со Интер триумфираше во истото натпреварување, со „црвените ѓаволи“ славеше во Лигата на Европа 2017 година, а со Рома минатата сезона ја освои Конференциската лига.
Римјаните имаат седум бода на колото пред крајот на групната фаза и го делат второто место со Лудогорец. Во последното коло овие два тима ќе решат кој ќе биде втор. Лидер во групата Ц е Бетис со 13 бода, додека ХЈК има само еден поен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: Не одлучувам јас дали ќе го напуштам Челзи
Тренерот на Челзи, Маурисио Покетино изјави дека не е сигурен дали ќе има време да го врати клубот на врвот на англискиот фудбал.
Челзи на домашен терен го победи Тотенхем со 2:0 во натпреварот од Премиер лигата и ги задржа шансите за пласман во европските натпреварувања.
„Сините“, речиси цела сезона се справуваат со повреди, а во моментов дури 14 играчи поради повреди се надвор од тимот. Се шпекулира дека аргентинскиот стручњак би можел да го напушти клубот на крајот на сезоната.Тој не сакаше да одговори на ова прашање.
„Мислам дека е доста“, изјави Покетино за Скај на прашањето за шпекулациите околу неговата иднина.
„На сите тренери им треба време за да пренесат идеи и филозофии. Уште повеќе кога екипата е ваква. Ни треба време. Тоа не е моја одлука. Тешко е бидејќи секоја недела сум под лупа. Но, тоа не е моја одлука. Ако сакаме да испишеме историја со Челси, не чека многу работа. Ќе бидиме дали ќе имаме доволно време“.
Челзи моментално е осмо на табелата со 51 бод од 34 натпревари во Премиер лигата и заостанува три бода зад шестопласираниот Манчестер Јунајтед, кој го држи последното место кое обезбедуа пласман во европските купови.
Спорт
Тренерот на Бенфика сега е прв фаворит за нов тренер на Баерн
Баерн беше подготвен да го претстави Ралф Рангник како тренер кој ќе го наследи Томас Тухел следната сезона, но австрискиот тренер се премисли во последен момент и реши да остане на кормилото на репрезентацијата на Австрија. Претходно Баерн го одбија Чаби Алонсо и Јулијан Нагелсман.
Баерн ја продолжува потрагата по наследникот на Тухел, а според „Билд“ следен кандидат е Роџер Шмит (57), актуелниот тренер на Бенфика.
„Билд“ тврди дека Баерн сега со сите сили ќе тргне по Шмит, чиј договор со Бенфика е со важност до 2026 година и има откупна клаузула од 30 милиони евра. Сепак, португалскиот клуб наводно не е целосно задоволен од неговата работа, па постои можност Баерн да го добие на друг начин, наместо да плати голема сума.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“