Црна хроника
Изгазена старица и повредено шестгодишно дете во две сообраќајки

Старица од Тетово загина, а шестгодишно дете е повредено во две одделни сообраќајки што се случиле во реонот на Тетово, соопштуваат од СВР Тетово
Едната сообраќајка се случила утрово околу 9:30 часот во тетовското село Камењане кога камион „мерцедес“ со тетовски регистарски таблички удрил во осумдесет ичетири-годишната старица Исние Ајвази.Со тешки телесни повреди, старицата била пренесена во тетовскиот клинички центар, каде што подоцна им подлегнала на повредите.На местото на несреќата направен е увид и се работи на утврдување на точните причини поради кои настанала сообраќајката. Неофицијално, трагедијата се случила додека камионот се враќал наназад и не забележувајќи ја старицата удрил во неа.Другата сообраќајка се случила вчера околу 15 часот на улица „Кузман Јосифовски-Питу“ во Тетово кога автомобил „сузуки витара“ удрило шестгодишно дете и побегнал. Детето е пренесено во тетовската болница, а полицијата трага по возачот на „сузукито“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен жител на Кичево, возел пијан и предизвикал сообраќајна незгода

Полицијата, синоќа во 00:35 часот на улица „Јанко Михајлоски“ во Кичево, го уапсија М.Ц.(42) од Кичево, соопшти МВР.
Претходно, тој, управувајќи патничко возило „рено“ без регистарски таблички, удрил во паркирано возило „мицубиши“ со скопски регистарски ознаки. При преземање мерки во врска со настанот, извршено е алкотестирање, при што полициските службеници констатирале дека го управувал возилото по дејство на алкохол, односно измерени му се 1,72 промили алкохол во крвта.
По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.
Црна хроника
Нелегално поседувал воздушна пушка: пријава против маж во Охридско

Вчера при претрес во домот на С.Т.(32) од охридското село Лескоец, извршен со судска наредба, полициските службеници од СВР Охрид пронашле и одзеле воздушна пушка „Славија“ калибар 4,5 милиметри, која нелегално ја поседувал.
Според полицијата, по целосно документирање на настанот, против него ќе биде поднесена соодветна пријава.
Црна хроника
Пијан возач удрил во паркирано возило во Кичево

Утрово во 00:35 часот на улица „Јанко Михајлоски“ во Кичево, полициски службеници од ОВР Кичево го лишија од слобода М.Ц.(42) од Кичево.
Претходно, тој, управувајќи патничко возило „рено“ без регистарски таблички, удрил во паркирано возило „мицубиши“ со скопски регистарски ознаки.
При преземање мерки во врска со настанот, извршено е алкотестирање, при што полициските службеници констатирале дека го управувал возилото по дејство на алкохол, односно измерени му се 1,72 промили алкохол во крвта.
По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“, соопшти полицијата.