Свет
Орбан: Повиците на ЕУ за дијалог и мир ќе стануваат сè почести
![](https://makfax.com.mk/wp-content/uploads/2022/07/orban-viktor.jpg)
„Завршувањето на војната без јасен договор само ќе го одложи за годините што доаѓаат“, рече Орбан.
Унгарскиот премиер Виктор Орбан денеска изјави дека очекува да бидат почести повиците на Европската Унија за прекин на огнот во Украина и дијалог меѓу завојуваните страни.
Тој во интервју за унгарското државно радио рече дека на последниот самит на ЕУ се зголемиле тензиите меѓу земјите членки, но и дека се погласни се барањата за мирно решение на украинската криза, пренесува МТИ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Орбан пристигна во Москва: „Мировната мисија продолжува“
![](https://makfax.com.mk/wp-content/uploads/2024/07/1720173839-Viktor-Orban-Moskva-750x499.jpg)
Унгарскиот премиер Виктор Орбан денеска пристигна во Москва, само неколку дена по неговото прво патување во Украина од почетокот на руската сеопфатна војна, соопштија за медиумите од прес-службата на Орбан, пренесува „Киев Индипендент“.
„Раша тудеј“ објави дека за војната со Украина ќе разговара со рускиот претседател Владимир Путин. Орбан кратко се огласи на социјалната мрежа Х.
The #peace mission continues. Second stop: #Moscow. pic.twitter.com/kPOkKBsJQm
— Orbán Viktor (@PM_ViktorOrban) July 5, 2024
„Мировната мисија продолжува. Втора станица: Москва“, рече тој.
Портпаролот на Кремљ, Дмитриј Песков потврди дека разговорите меѓу Орбан и Путин ќе се водат во Кремљ и дека една од темите ќе биде Украина.
По пристигнувањето на Орбан во Москва зборуваше и полскиот премиер Доналд Туск.
„Ќе послужиме како важна алатка во правењето на првиот чекор кон мирот. Прашањето е во чии раце е таа алатка“, објави Туск на Х.
Посетата на Орбан на Путин ја коментираше и претседателката на Европската комисија Урсула фон дер Лајен.
„Помирувањето нема да го спречи Путин. Само единството и решителноста ќе го отворат патот за сеопфатен, праведен и траен мир во Украина“, рече таа.
Орбан последен пат ја посети Русија во септември 2022 година за да присуствува на погребот на советскиот лидер Михаил Горбачов, но тогаш не се сретна со рускиот претседател Владимир Путин.
Медиумите потсетуваат дека европските лидери претходно изразија загриженост за посетата на Орбан.
Иако Унгарија го презеде претседавањето со ЕУ, претседателот на Европскиот совет Шарл Мишел посочи дека Орбан нема мандат да разговара со Русија во име на ЕУ, додека полскиот премиер Доналд Туск побара појаснување.
Европа
Русија спроведува воени вежби со нуклеарни лансери
![](https://makfax.com.mk/wp-content/uploads/2024/07/Screenshot-2024-07-05-124849.jpg)
Министерството за одбрана на Русија соопшти дека спроведува воени вежби со мобилни нуклеарни ракетни фрлачи Jars, помалку од еден месец по одржувањето на тактичките вежби за распоредување нуклеарно оружје со сојузникот Белорусија.
Министерството соопшти дека контролните тимови на ракетните фрлачи Jars во најмалку два региони ќе поминат повеќе од 100 километри и ќе вежбаат камуфлажа и распоредување.
Тие објавија видео снимка на која се гледа како мобилниот фрлач маневрира по шумските патишта и зазема позиција пред војниците да го покријат со камуфлажна мрежа.
„Слични вежби ќе одржат и други ракетни единици во блиска иднина“, соопшти Министерството. Во јуни, Русија спроведе вежби за тактичко нуклеарно оружје со Белорусија по „заканите од западните сили“, според руски извори.
Рускиот претседател Владимир Путин тогаш изјави дека Москва нема потреба да користи нуклеарно оружје за да обезбеди победа во Украина, но и дека не исклучува промени во нуклеарната доктрина на земјата.
Свет
Сунак официјално поднесе оставка
![](https://makfax.com.mk/wp-content/uploads/2024/07/gfdg-1.jpg)
Британскиот премиер Риши Сунак денеска му поднесе оставка на кралот Чарлс, по поразот на неговата Конзервативна партија на вчерашните парламентарни избори, пренесува Sky News.
Британскиот премиер во заминување последен пат зборуваше од Даунинг стрит, каде рече дека најважна задача за време на неговиот мандат е да ја врати стабилноста на економијата.
Тој рече дека Велика Британија сега е посилна од порано.