Министерот за правда Игор Филков оствари средба со Јавниот обвинител на Република Северна Македонија Љупчо Коцевски на која се дискутираше за тековните активности на двете институции.

Обвинителот Коцевски ги презентираше состојбите и предизвиците со кои се соочува Јавното обвинителство, особено во сферата на дигитализацијата, недостатокот на човечки ресурси, како од редот на обвинителите, така и стручната служба кои со години стојат непополнети.

Министерот Филков изрази подготвеност во рамките на своите надлежности да даде поддршка на активностите на јавното обвинителство во перидот кој претстои со цел унапредување на владеењето на правото во државата.

Советот на Општина Кисела Вода ја поддржа одлуката за имплементација на физибилити студијата за модернизација на јавното осветлување во Кисела Вода. Оваа инсталација на паметни светилки на територијата на целата општина ќе овозможи паметно и штедливо управување со електричната енергија и сузбивање на досегашните чести проблеми со уличното осветлување поради застарената и дотраена мрежа.

Целосната имплементација на проектот овозможува и бесплатни „wi-fi“ зони на територијата на општина Кисела Вода, полначи за електрични автомобили како и информативни дигитални дисплеи. Ова, потенцираше градоначалникот Ѓорѓиевски, се крупни чекори кои водат до зацртаната цел- Кисела Вода да стане целосно смарт општина и тоа првата во Македонија.

„Денес Советот на општина Кисела Вода ја донесе одлуката за имплементација на физибилити студијата за модернизација на јавното осветлување во Кисела Вода, која ќе донесе огромни придобивки за сите наши жители. Имено, се работи за инсталација на паметни светилки на територијата на целата општина со нова технологија која има за цел паметно и штедливо управување со електричната енергија. Дополнително, со ова заминуваат во историјата проблемите со уличното осветлување, бидејќи онаа стара, нефункционална и дотраена мрежа комплетно ќе биде променета. Ако се земе предвид дека уличната мрежа придонесува со огромен процент на сметките за електрична енергија, со оваа нова технологија која за кратко време започнуваме да ја инсталираме, сметките значително ќе бидат намалени, овозможувајќи значајни придобивки за нашите жители. Овој проект исто така, со неговото комплетно имплементирање подразбира и бесплатни „wi-fi“ зони на територијата на нашата општина, полначи за електрични автомобили како и информативни дигитални дисплеи.

Во рамки на ова, морам да нагласам дека претходно ги опремивме и сите училници и кабинети во основните училишта со смарт уреди, што даде огромен придонес во поквалитетно образование на нашите дечиња. Ваквите проекти не запираат, продолжуваме и понатаму се до нашата зацртана цел – а тоа е Кисела Вода да стане целосно смарт општина и тоа првата во Македонија“, изјави градоначалникот Орце Ѓорѓиевски.

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е зголемен. На ГП Табановце времето на чекање за влез и излез од државата е околу 45 минути до 1 час. На другите гранични премини од македонска страна нема подолги задржувања за влез и излез од државата.

АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Од 1 јули до 31 август на државните патишта во Македонија се воведува летен привремен режим на сообраќај, со кој се забранува движење тешки товарни возила со вкупна маса над 15 тони за време на деновите од викендот и за денови при екстремно високи температури.

Термините се следни:

– петок од 17 до 22 часот,

– сабота од 9 до 18 часот и

– недела од 9 до 22 часот.

На магистралниот пат А2 делница: Скопје – Охрид – Скопје се забранува движење тешки товарни возила, чија вкупна маса преминува 7,5 тони за време на викендите, и тоа во следните интервали:

– петок од 15 до 22 часот,

– сабота од 7 до 12 и од 18 до 24 часот и

– недела од 7 до 22 часот.