Спорт
Голден стејт Вориорс вредат седум милијарди долари
![](https://makfax.com.mk/wp-content/uploads/2022/10/0x0-1-2.jpg)
Актуелниот шамшпиони Голден стејт Вориорс се највредната франшиза во НБА лигата, објави магазинот „Форбс“. Според анализите што ги направиле новинарите Мајк Озанијан и Џастин Тејтелбаум, Вориорс вредат седум милијарди долари. Во САД, кога се во прашање франшизите во сите професионални спортови, Вориорс се на второто место, зад Далас Каубојс. Вредноста на оваа НФЛ франшиза изнесува осум милијарди долари.
„Форбс“, појасни дека Голден стејт генерирал повеќе приходи во сезоната 2021/2022 од кој било друг тим во историјата на НБА, со 150.000.000 долари во спонзорства и реклами на арената и 250.000.000 долари во премиум седишта.
Како највреден тим, Голден стејт успеа да стави крај на повеќе деценискиот дуалитет меѓу Њујорк Никс и ЛА Лејкерс, кои се менуваа на врвот од 1999 година.
Од 30-. НБА тимови, само еден, Бруклин Нетс, работел со загуба минатата сезона.
Во извештајот на „Форбс“, се вели дека рекордните приходи од спонзорство и рекламирање (1.350.000.000 долари минатата сезона) ја вратиле лигата на нејзиниот раст пред коронавирусот.
Понатамошен раст се очекува во наредниот период, со новиот договор за ТВ права (преговорите се во тек) кој ќе стапи на сила во 2025 година.
Бројките на „Форбс“ се само проценки и честопати не се совпаѓаат со продажните цени на франшизите.
Вредноста на НБА франшизите:
Голден стејт Вориорс 7.000.000.000
Њујорк Никс 6.100.000.000
Лос Анџелес Лејкерс 5.900.000.000
Чикаго Булс 4.100.000.000
Бостон Селтикс 4.000.000.000
Лос Анџелес Клиперс 3.900.000.000
Бруклин Нетс 3.500.000.000
Далас Маверикс 3.300.000.000
Хјустон Рокетс 3.200.000.000
Филадефија 76ерс 3.150.000.000
Торонто Репторс 3.100.000.000
Мајами Хит 3.000.000.000
Феникс Санс 2.700.000.000
Вашингтон Визардс 2.500.000.000
Милвоки Бакс 2.300.000.000
Портланд Трејл Блејзерс 2.100.000.000
Кливленд Кавалирс 2.050.000.000
Сакраменто Кингс 2.030.000.000
Јута Џез 2.025.000.000
Сан Антонио Спарс 2.000.000.000
Атланта Хокс 1.975.000.000
Денвер Нагетс 1.930.000.000
Детроит Пистонс 1.900.000.000
Оклахома сити Тандер 1.875.000.000
Орландо Меџик 1.850.000.000
Индијана Пејсерс 1.800.000.000
Шарлот Хорнетс 1.700.000.000
Минесота Тимбервулфс 1.670.000.000
Мемфис Гризлис 1.650.000.000
Њу Орлеанс Пеликанс 1.600.000.000
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.