Спорт
Ред бул поминаа само со казна од 7 милиони долари за пречекорување на буџетот
Ред бул рејсинг добија казна од 7 милиони долари и намалување од 10 отсто на тестирањето во воздушен тунел следната сезона како казна за прекршување на правилата за ограничен буџет во Формула 1 од 145 милиони долари во 2021. Ред бул го прифатиле договорот со ФИА, што значи дека казната не може да биде обжалена.
ФИА утврди дека Ред бул го пречекориле буџетот за 432.652 фунти откако се зеде во предвид даночното олеснување во Велика Британија од 1.4 милиони фунти, што значи дека пречекорувањето било за 0.37 отсто. Ривалите на Ред бул од Ферари и Мерцедес бараа строга казна за тимот, бидејќи според правилата на ФИА Макс Ферстапен можеше да ја загуби освоената титула, но ФИА одлучи дека се немало намера за да се добие нефер предност.
„Нема обвинување, ниту докази дек Ред бул рејсинг во било кој момент делувале со лоша намера, неискрено или со обид за измама, ниту дека намерно криеле податоци од ФИА“, се вели во одлуката на ФИА.
Единствена значителна казна за Ред бул е намалувањето на тестирањето во воздушен тунел, бидејќи според правилата на ФИА, Ред бул како шампион кај конструкторите и така ќе имаше најмало време за тестирање.
Accepted Breach Agreement between Red Bull Racing Team and the FIA for Breach of the 2021 FIA Formula One Financial Regulationshttps://t.co/vDsMU7qrp8
— FIA (@fia) October 28, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Роналдо во Јувентус сакаше да покаже дека е посилен од Реал Мадрид“
Еден од легендарните фудбалери на Јувентус, Џорџо Кјелини, во интервју за домашен подкаст зборуваше за времето кога Кристијано Роналдо пристигнал во Торино. Летото во 2018 година, Роналдо за 117 милиони евра од Реал пристигна во Јувентус.
„Неговиот карактер во тешките моменти ме импресионираше. За време на неговата прва година во Јувентус сакаше да го стресе целиот свет и да им покаже на сите дека е поголем од целиот Реал Мадрид“, изјави Кјелини за подкастот „БСМТ“.
Сезоната беше таква што Јувентус ја имаше можеби најголемата шанса да дојде до европската титула, на крајот сето тоа заврши со елиминација од Ајакс веќе во четвртфиналето.
„Немавме среќа со повреди и тој пораз од Ајакс навистина тешко ни падна. Да го поминевме Ајакс и да стигневме до финалето, Роналдо ќе не водеше до титулата“.
Кјелини не крие дека годините полека го земале данокот на играта на Кристијано, но дека тоа не е главната причина поради која Јувентус речиси 30 години нема титула во Лигата на шампионите.
„Во следната сезона падна квалитетот во неговата игра, поради годините повеќе не можеше да го носи тимот на својот грб. Тој беше црешата на врвот на тортата, но му недостасуваше поголема торта“.
И покрај ова, Кристијано го заврши престојот во Јувентус со две Скудета, два Суперкупа на Италија и еден Куп. Тој постигна 101 гол на 134 натпревари и стана 14-ти најефикасен стрелец во историјата на клубот.
„Го ценивме неговиот напор и посветеност. Тој е мултинационален играч, но одлично се вклопи во тимот. Не е како другите и не може да биде. Не можеше да бараш од него да одите на ручек, но на теренот никогаш не разочара. Дури ни на тимските вечери. Имаше почит кон сите, беше опседнат да се грижи за своето тело и како да го сочува што подолго. И денес сака да постигнува голови, да победува и да освојува трофеи. Ми беше чест да бидам негов капитен во Јувентус и да живеам дел од мојата кариера со таков шампион“, изјави Киелини.
Спорт
До мечот со Пол, Тајсон се откажа од с.кс и марихуана
Неповторливиот Мајк Тајсон (57) ќе се врати во рингот две години по егзибицискиот меч со Рој Џонс Јуниор и ќе се бори со ѕвездата на Јутјуб, Џејк Пол (27) на 20 мај во Арлингтон за хонорар од 20 милиони долари.
Дали ќе биде егзибиција или професионален натпревар е сè уште под знак прашалник (поминаа 19 години од последната професионална борба на Тајсон), но поранешниот апсолутен светски шампион во тешка категорија се подготвува за Пол како да е Евандер Холифилд, Ленокс Луис или Бастер Даглас. .
За да биде максимално подготвен за борбата, Тајсон привремено се откажал од работите во кои најмногу ужива – марихуаната и сексот.
„Живеам дисциплиниран живот. Поминаа шест недели откако последен пат се „напушив“ и имав секс. Тоа не се случило од кога бев дете“, изјави Тајсон во интервју за магазинот „Форбс“ и додаде дека тренира три пати на ден.
„Не ми се допаѓа што не можам да спијам со жена ми, но се лажам себеси дека тоа ми се допаѓа“, изјави Тајсон.
Спорт
Ројс по 12 години заминува од Дортмунд
Марко Ројс, поранешниот капитен на Борусија Дортмунд, го напушта клубот од „Вестфален“.
Челниците на „милионерите“ и 34-годишниот Ројс постигнаа договор да не ја продолжат соработката која исткекува на крајот од сезоната.
Во изминатите 12 години го носеше дресот на Борусија и постигна бројни успеси со клубот.
„Марко Ројс е еден од најголемите играчи на овој клуб. Роден е во Дортмунд, играше десет години во нашите јуниорски категории и 12 за првиот тим, долги години беше капитен на тимот. Неговата приврзаност кон Борусија е огромна. Му посакуваме се најдобро на Марко во иднина, се надеваме дека ќе ни се врати по завршувањето на кариерата бидејќи го чекаат уште предизвици во Дортмунд“, изјави првиот човек на клубот Ханс-Јоакаим Вацке.
Ројс беше капитен од 2018 до 2023 година.
На 424 натпревари за Борусија, тој постигна 168 гола и забележа 128 асистенции.