Свет
Трагедија во САД: Осум тела пронајдени во изгорена куќа, меѓу жртвите и четири деца
Осум човечки тела се пронајдени во куќа која изгорела во предградието на американскиот град Тулса, Оклахома, а полицијата го истражува случајот како можно убиство или самоубиство. Меѓу загинатите има и четири деца, како и двајца возрасни кои се сметаат за осомничени, соопштија властите.
Началникот на полицијата Брендон Берихил изјави дека децата биле на возраст од една до 13 години, но не ги идентификуваше ниту ги објасни нивните односи. Тој, сепак, додаде дека зад куќата е пронајдено оружје, пренесе АП.
Шефот на пожарникарската служба Џереми Мур изјави дека нема индикации дека пожарот е причина за трагедијата.
„ Екипите пронајдоа двајца мртви возрасни лица пред куќата со повреди кои се чини дека се од криминална природа, а деца беа пронајдени мртви во друг дел од куќата“ изјави Мур.
Сведоците и рекле на полицијата дека во куќата живеело осумчлено семејство, двајца возрасни и шест деца, но нивните тела се уште не се идентификувани, додаде портпаролот на полицијата Итан Хачинс.
Се вели дека пожарот започнал околу 16 часот во четвртокот во мирното предградие Тулса.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.