Македонија
Тренчевска: СДСМ продолжува со грижата за сите, обезбедуваме повисоки пензии и поддршка за ранливите категории граѓани
Претседателката на форумот на жени, Јована Тренчевска денеска се обрати пред граѓаните на трибината „Силно и одлучно кон иднината” во Крушево.
„Сакаме да разговараме со сите, во сите општини, во сите населени места, да дадеме отчет што е направено во овие 10 месеци, но и да ги слушнеме вашите проблеми, предлози, забелешки и мислења“ порача Тренчевски. каде присуствуваше и државната секретарка на Министерството за економија, Размена Чекиќ Дуровиќ. Трибината ја отвори со поздравно обраќање градоначалникот Томе Христоски.
Таа истакна дека СДСМ има визија за економски силна и стабилна држава, полноправна членка на ЕУ со заштитен македонски јазик и идентитет, додавајќи дека Владата предводена од СДСМ е континуирано посветена на грижа за граѓаните.
„Уште во првите денови од мандатот ја зголемивме минималната плата на 18.000 денари, што е двојно повеќе отколку пред 5 години кога таа изнесуваше 9.000 денари. Три месеци над 320.000 граѓани добиваа по 1.000 денари дополнителна помош, а од септември имаат рекордно покачување од 6,8 отсто. Во следните четири месеци ќе им помагаме на над 200.000 граѓани од ранливите категории за полесно да се справат со последиците од кризата. Тоа е одговорно и државничко постапување, тоа е СДСМ“ посочи Тренчевска.
Претседателката на Форумот на жени на СДСМ повика членовите на партијата да се посветат и да помагаат на граѓаните.
„Ве повикувам како социјалдемократи, подавајте рака секому, помагајте, обединувајте, допрете до секој член, до секој граѓанин, заедно да делуваме, затоа што така полесно и побрзо ќе ја надминеме и оваа криза.“ порача Тренчевска во Крушево.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.