Свет
Руска новинарка загина за време на вежба со пукање на Крим
![](https://makfax.com.mk/wp-content/uploads/2022/10/1666987065-babaeva-svetlana-2-360x360-1536x1049-1-e1666991071204-1000x560.jpg)
Светлана Бабаева, шефица на кореспонденцијата на медиумската групација „Северна Русија“ во Симферопол загина во несреќа за време на вежба за гаѓање на стрелиште на Крим, пренесува РИА Новости.
Агенцијата наведува дека Бабаева била убиена од заскитан куршум на воениот полигон каде вежбала пукање.
Светлана Бабајева, меѓу другото, беше и шеф на дописникот на РИА Новости од Лондон и во САД, пренесува Нова.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Фицо на првото официјално патување надвор од Братислава по атентатот
![](https://makfax.com.mk/wp-content/uploads/2023/10/robert-fico-epa.jpg)
Словачкиот премиер Роберт Фицо денеска ја посети областа надвор од главниот град Братислава првпат по враќањето на функцијата по атентатот.
Фицо заедно со министерот за земјоделство Ричард Такач посети фарма во Нова Веса, североисточно од Братислава, за да ја проверат жетвата на житото. Тој во краток говор изјави дека Словачка не е подготвена да ја укине забраната за увоз на земјоделски производи од Украина и им се заблагодари на земјоделците за вложените напори.
Користеше бастун и не одговараше на прашања од медиумите. Тоа беше негово прво официјално патување по закрепнувањето од нападот на 15 мај кога беше застрелан во стомакот додека се поздравуваше со поддржувачите во градот Хандлова, 140 километри од главниот град.
Фицо, кој долго време важеше за поларизирачка политичка фигура во Словачка, се врати на власт по четврти пат минатата година по победата на неговата левичарска партија СМЕР по парламентарните избори во септември. Партијата ги стави проруските и антиамериканските пораки во фокусот на кампањата.
Регион
Топлотен бран на Балканот, во Албанија и Србија температурата надминува 40 степени
![](https://makfax.com.mk/wp-content/uploads/2024/07/toplo-vreme.jpg)
Нов топлотен бран го зафати Балканот во понеделникот, три недели откако претходниот бран предизвика прекин на електричната мрежа во неколку земји во регионот.
Во Албанија, каде што температурите надминуваат 40 Целзиусови степени, владата утринава предупреди дека „намерно или случајно предизвикување пожар“ се казнува со 15 години затвор.
Во Србија хидрометеоролошкиот институт РХМЗ денеска предупреди на силен топлотен бран прогнозирајќи дека ќе трае цела недела со температури до 40 степени и тропски ноќи во градските средини. Институтот прогласи портокалова тревога за добар дел од земјата.
Во Косово горештините се придружени со ветер и песок, а на граѓаните им се препорачува да не излегуваат на сонце.
„УВ-индексот ќе биде многу висок“, предупредија властите апелирајќи до возачите да бидат внимателни.
За време на претходниот топлотен бран, на 21 јуни, електричната мрежа се расипа во Црна Гора, Босна и Херцеговина, Хрватска и Албанија.
Свет
Бројот на жртвите од рускиот напад на Киев се искачи на 15, повредени 37 лица, меѓу кои и едно дете
![](https://makfax.com.mk/wp-content/uploads/2024/07/fds-3.jpg)
Бројот на жртвите во рускиот напад на Киев се зголеми на 15, а повредени се најмалку 37 лица, меѓу кои и едно дете.
Пациентите од детската болница погодена од руската ракета се евакуирани во општинските болници во градот, изјави градоначалникот на Киев, Виталиј Кличко, пренесува „Унијан“.
Како резултат на ракетен напад во реонот на Днепар, оштетена е повеќекатната зграда на медицинскиот центар, во нападот загинале четири лица, а три други се ранети, соопштија локалните власти.