Спорт
Роналдо бил шокиран од недостатокот на инвестиции и однесувањето на соиграчите во Јунајтед
Кристијано Роналдо го опишал своето враќање на „Олд Трафорд“ како „катастрофално“ во новата книга „Меси VS Роналдо, едно ривалство“, тврди британскиот таблоид „Сан“, објаснувајќи дека тој бил шокиран од недостатокот на инвестиции во тренинг-центарот на клубот, но и од однесувањето на неговите соиграчи.
Според книгата, која излегува од печат следниот месец, Роналдо се пожалил на член на ФИФА на висока позиција посебно за преодниот тренер Ралф Рангник, но и за недостатокот на прогрес во клубот кој го напушти во 2009 година за да направи трансфер во Реал Мадрид. И покрај сите овие забелешки, тој лани во катастрофална сезона за „ѓаволите“ беше најдобар стрелец со 24 гола во 39 меча.
Но, разочарувањето било толку големо што тој од стартот немал доверба во новиот менаџер, Ерик Тен Хаг и затоа се обиде да си замине во летниот преоден рок. Оваа сезона, работите за Португалецот тргнаа уште полошо, откако Тен Хаг му дава ограничено време на теренот, а беше и казнет со тренинзи со У-21 тимот откако одби да влезе во игра на мечот со Тотенхем.
Британските медиуми очекуваат Роналдо да се обиде да замине од „Олд Трафорд“ веќе во јануарскиот преоден рок.
Cristiano Ronaldo dubbed Man Utd return 'a disaster' after fuming at team-mates and facilities https://t.co/20icUjRr5L pic.twitter.com/gYWUqZ4hTJ
— The Sun Football ⚽ (@TheSunFootball) October 29, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Арсенал лесно со ПСЖ, Борусија го понижи Селтик, Звезда го честеше Интер, Милан падна во Леверкузен
Лесни победи на фаворитите во вечерашните седум натпревари од второто коло во Лигата на шампионите. Во дерби натпреварите Арсенал го порази ПСЖ со 2:0, а Милан падна во Леверкузен 1:0. Вечерашните натпревари ја обележа победата на Борусија Дортмунд над Селтик (7:1) и хет-трикот на Карем Адејеми постигнат во првото полувреме.
Манчестер сити лесно се справи со Слован во Братислава, запиша победа од 4:0, со ист резултат Интер ја победи Црвена звезда. Спектакуларен гол постигна Чалханоглу од слободен удар, а во второто полувреме играчите на српскиот шампион ги честеа противниците со три гола.
Барселона славеше во дуелот со Јанг Бојс со 5:0.
Победник единствено немаше во Ајндховен каде ПСВ и Спортинг Лисабон одиграа 1:1.
Резултати:
Салцбург – Брест 0:4 (0:1)
Сима 24, 70; Камара 66, Переира 75
Штутгарт – Спарта Прага 1:1 (1:1)
Мило 7 — Каиринен 32
Арсенал – ПСЖ 2:0 (2:0)
Хаверц 20, Сака 35
Барселона – Јанг Бојс 5:0 (3:0)
Левандовски 8, 51; Рафиња 34, Мартинез 37, Камара 81г
Леверкузен – Милан 1:0 (0:0)
Бонифејсј 51
Дортмунд – Селтик 7:1 (5:1)
Џан 7п, Адејеми 11, 29, 42; Гираси 40p, 64; Нмека 79 — Маеда 9
Интер – Црвена Звезда 4:0 (1:0)
Чалханоглу 11, Арнаутовиќ 59, Мартинез 71, Тареми 81п
ПСВ – Спортинг 1:1 (1:0)
Шоутен 15 — Браганка 84
Слован – Манчестер сити 0:4 (0:2)
Гундоган 8, Фоден 15, Халанд 58, Мекати 74
Спорт
Реал ќе го отпушти Канаѓанецот Рејтан-Мејс?
Канадскиот кошаркар Ксавиер Рајтан-Мејс би можел да го напушти Реал Мадрид, бидејќи во клубот не се задоволни од него.
Почетокот на сезоната за тимот на Чус Матео не е добар. Реал загуби во финалето на шпанскиот Суперкуп од Уникаха (90:80), а потоа и на стартот од АЦБ лигата од дебитантот Лејмо Коруња (86:85). ).
Рајтан-Мејс не импресионира од неговото доаѓање, постигна само осум поени во три натпревари. На последниот меч нула, против Барселона шест и Уникаха само два со два скока.
Како што наведува „Мундо Депортиво“, податокот дека Рајтан-Мајес неодамна влегол во клинч со некои од играчите на клубот на тренинг покажува дека разделбата е блиску.
Доколку дојде до разделба, Реал ќе има отворено место за доведување ново засилување и тоа ослободува место за играч кој не е од Европа.
Спорт
ФА го поништи црвениот картон на Бруно Фернандеш
Манчестер јунајтед, во неделата, доживеа дебакл на домашен терен од Тотенхе (0:3). Јунајтед целото второ полувреме го одигра со играч помалку. Капитенот Бруно Фернандеш доби директен црвен картон.
Клубот веднаш се жалеше на оваа одлука, а информациите од Англија говорат дека Фудбалската асоцијација (ФА) ја првифатлиа жалбата.
Капитенот на Јунајтед првично требаше да ги пропушти натпреварите против Астон Вила, Брентфорд и Вест Хем, но Ерик Тен Хаг сепак ќе го има на располагање еден од најдобрите играчи во тимот.
Ваквата одлука само донесе повеќе критики на сметката на англиските судии кои постојано се на удар за лоши одлуки и критериуми кои не се исти за сите тимови.