Спорт
Ферстапен и Ред бул пребрзи и во Мексико, срушен рекордот со 14 победи во една сезона
Макс Ферстапен триумфираше на Мексиканското ГП за да ја забележи рекордната 14. победа во една сезона, покажувајќи ја доминацијата на Ред бул оваа сезона во трка во која најблиски ривали им беа Мерцедес, додека Ферари беа само третиот најбрз тим на трката.
На крајот, Ред бул успеаја да ја добијат тактичката битка со Мерцедес, одлучувајќи да сменат на „средни“ гуми при единственото влегување во боксот, додека Мерцедес останаа на тврди гуми. Ферстапен на крајот победи пред својот стар ривал, Луис Хамилтон во Мерцедес, додека домашниот херој, Серхио Чеко Перез заврши на третото место со вториот Ред бул откако имаше фантастична трка. Во поени беа и Џорџ Расел, двајцата возачи на Ферари, Карлос Саинс Јуниор и Шарл Леклер, кои имаа потпросечна трка, Даниел Рикардо во Мекларен на седмото место, Естебан Окон (Алпин), Лендо Норис (Мекларен) и Валтери Ботас (Алфа Ромео).
Ферстапен успеа тесно да ја заддржи предноста од пол-позицијата, додека зад него, Хамилтон успеа да го помине клупскиот колега Расел во првиот круг и да најави битка со Ред бул. Иако Ферстапен не успеа да се одвои и да направи голема предност, покажувајќи дека во Мерцедес имаат вистински прогрес. Меѓутоа, тој реши прв да влезе во боксот и да постави „средни“ гуми, додека Мерцедес зад нив решија да одат со тврда компонента, сметајќи дека ривалите ќе мора да влезаат двапати во боксот. Но, Ред булот се покажа „лесен“ на гумите, и Ферстапен рутински стигна до победата со речиси 15 секунди предност.
Ова е победа број 14 во 2022 година за Холанѓанецот, со што го помина рекордот на Михаел Шумахер (2003) и Себастијан Фетел (2014) од 13 победи во можеби најсупериорната сезона во историјата на спортот.
Simply unstoppable!@Max33Verstappen makes it an extraordinary FOURTEEN wins in 2022, breaking the record for the most wins in a season#2TheMax #MexicoGP pic.twitter.com/TE7mOJ9o4b
— Formula 1 (@F1) October 30, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.
Спорт
Вардар 1961 лесно славеше во дербито со Еурофарм Пелистер
Вардар 1961 го доби првото дерби во првенствот против Еурофарм Пелистер оваа сезона. Црвено-црните во Скопје славеа со 27:24 (15:11).
Првото полувреме, во кое Вардар1961 одигра речиси беспрекорно во одбраната, со која диригираше голманот Еспиња, му ја трасираше победата на домашниот тим. Еспиња во првото полувреме забележа седум одбрани, а сето тоа го зачини во финишот на второто полувреме кога одбрани два седмеци (Радивијевиќ, Кузмановски) и ги спречи играчите од Битола да внесат неизвесност во натпреварот.
Вардар 1961 прв пат се одлепи од протиникот во десеттата минута кога стекна предност од три гола (5:2, 6:3). На десет минути до крајот на првиот дел црвено-црните дојсоа до највисоката предност 11:6.
Првата половина од вториот дел им припадна на играчите на Пелистер, во 45.минута се доближија на гол негатива (20:19). Црвено-црните експресно се консилидираа и со серија 5:2 го одбија нападот на противникот.
Марко Срдановиќ го предводеше Вардар 1961 со осум гола, три помалку постигна ветеранот Гоце Георгиевски. Кај Пелистер најдобри беа репрезентативците Никола Митревски со десет одбрани и Филип Кузмановски зсо седум гола.