Македонија
„Не сум знаел за софтверот“ – Спасовски сведочеше за Рашковски
![](https://makfax.com.mk/wp-content/uploads/2022/11/spasovski-3.jpg)
Министерот за внатрешни работи, Оливер Спасовски, не знаел за набавките на Драги Рашковски, кој купил софтвер за мерење просечна брзина во сообраќајот, кабини, уреди за биометриска идентификација, камери. Спасовски сведочеше во случајот „Софтвери“, каде што првообвинет е ексгенералниот секретар на Владата, Драги Рашковски. Беше испитуван од Ивана Трајчева, обвинителката што го гони Рашковски заедно со другите лица за кои смета дека се вклучени во набавката, вклучително и фирмата „Инвока груп“, која ги добивала тендерите. Спасовски одговорите ги даваше како министер и технички премиер во периодот на набавката.
„Не сум бил запознаен за ваков софтвер“, рече Спасовски одговарајќи на прашањето дали знаел за набавката на софтверот и додаде: „Не се сеќавам дека сме разговарале за ова прашање“.
Според Спасовски, на владина седница никогаш не било дискутирано за ова прашање.
„Мислам дека не е дискутирано бидејќи набавките што ги прави Владата се во надлежност на Генералниот секретаријат. Доколку има план за јавни набавки, одлуките ги носи сам“, додаде Спасовски.
Министерот рече дека изрекувањето на казните и утврдувањето точна брзина и изрекувањето казни е надлежност на МВР по што одговори кусо: „Не“, кога беше прашан од Спасовски дали имало план за имплементација на ваков софтвер.
Спасовски посочи дека се правеле анализи во МВР за да се подобри безбедноста во сообраќајот. Едната опција била и набавка на софтвер.
„Во мандатното писмо од Зоран Заев стоеше да се изврши анализа за подобрување на состојбите во сообраќајот преку надградба на системот. Сме правеле анализи за начинот и модели за надградба на системот ‘Безбеден град’, кој егзистира, надградбата да биде и во делот на сообраќајот. Една од опциите е да се набави нов софтвер, втората опција е да се изврши надградба на системот“, додаде Спасовски.
Обвинителката Трајчева се интересира и дали се дискутирало Владата да ја презеде надлежноста од МВР за изрекување казни, на што министерот рече дека тоа не е задача на оваа институција.
Во одговори на прашањата на обвинителката, Спасовски рече дека не знаел ниту дека е набавен систем за биометриска идентификација.
За набавката на камери за софтверот за просечна брзина и кабини за софтверот и системот за биометриска идентификација, Спасовски рече: „Не сум бил запознаен“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Мисајловски – Агелер: Нашето стратешко партнерство ќе продолжи со засилен интензитет
![](https://makfax.com.mk/wp-content/uploads/2024/06/Sredba-Misajlovski-Ageler-2.jpeg)
Благодарност за досегашната континуирана поддршка од нашиот стратешки партнер Соединетите Американски Држави за развој на нашата земја особено за развој на одбранбените капацитети, изрази министерот Мисајловски на денешната средба со амбасадорката на САД, Анџела Агелер, новото одбранбено аташе полковник Даниел Сквајерс и потполковник Шон Руфоло, шефот на Канцеларијата за одбранбена соработка, која се реализираше во Министерството за одбрана.
„Заедно со нашиот стратешки партнер ја зацврстуваме националната, регионалната безбедност и колективната одбрана во Алијансата. Мирен и стабилен регион е од особена важност за прогрес на сите земји од Западен Балкан, а македонската Армија како докажан сојузник ќе продолжи активно да придонесува во операциите за поддршка на мирот“, потенцира министерот Мисајловски.
Тој посочи дека САД во изминатите 30 години активно придонесуваат за стабилен регион, а благодарение на програмите за обука, тренинг и стручно усовршување, како и поддршката за модернизација и опремување на Армијата, денес припадниците на Армијата даваат значаен придонес во рамки на командните структури на Алијансата и во мировните мисии предводени од НАТО, ЕУ и ООН.
Од двете страни беше искажано уверување дека одличната одбранбена соработка помеѓу двете земји ќе продолжи со засилен интензитет.
На состанокот меѓу другото се разговараше и за актуелната безбедносна состојба во регионот и на Европскиот континент во насока на зачувување на безбедноста, стабилноста и мирот на граѓаните, како и за претстојниот Самит на НАТО кој ќе се одржи наредниот месец во Вашингтон.
Македонија
Тошковски – Ониди: Наша цел е членство во ЕУ преку исполнување на критериумите и целосно владеење на правото
![](https://makfax.com.mk/wp-content/uploads/2024/06/3-10.jpg)
Министерот за внатрешни работи Панче Тошковски коj присуствува на министерската конференција во рамки на „Салзбуршкиот форум“ во Австрија, денеска на маргините на конференцијата оствари средба со Оливер Ониди, заменик генералниот директор на Генералниот директорат за миграција и внатрешни работи при Европската комисија.
Министерот Тошковски на средбата истакна дека нашата цел како држава е членство во ЕУ преку исполнување на сите критериуми и целосно владеење на правото.
Македонија
Мицкоски оствари средба со Амбасадорката на САД, Ангела Агелер
![](https://makfax.com.mk/wp-content/uploads/2024/06/SREDBA_MICKOSKI_AGELER-26.06-3.jpg)
Претседателот на Владата на Република Северна Македонија, Христијан Мицкоски, оствари средба со Амбасадорката на САД, Н.Е. Ангела Агелер.
На средбата беа разменети мислења и ставови за тековните политички и економски прашања, како и за напредокот на демократските процеси во земјата.
Претседателот Мицкоски ја истакна важноста на стратегиското партнерство помеѓу двете држави, потенцирајќи дека поддршката од американската страна е клучна за развојот и стабилноста на регионот.
Амбасадорката Агелер ја потврди посветеноста на САД за продолжување на одличната соработка со Северна Македонија и изрази подготвеност за поддршка во клучните реформи и проекти што се предвидени во наредниот период.
Средбата заврши со согласност за натамошно зајакнување на билатералните односи и интензивирање на соработката во различни области од заеднички интерес.