Спорт
Чави: Не очекувавме ваква ситуација во ЛШ
Во последното, шесто коло од групата Ц во Лигата на шампионите, Барселона вечерва гостува кај Плзен. Избраниците на тренерот Чави Ернандез не можат да се пласираат во нокаут фазата бидејќи имаат четири бода, шест помалку од Интер, што значи дека напролет ќе играат во Лига Европа.
„Имавме се во наши раце, но пропуштивме многу поради наши грешки, како и грешки на судиите. Но, така ќе растеме. Важно е да победиме, да играме добро и да го задржиме ритамот. Мора да славиме против Плзен. Мотивиран сум и за овој натпревар, кој ќе наликува на пријателски меч. Играчите треба да покажат дека заслужуваат место во Барселона. Не ја очекувавме оваа ситуација, но тоа е нов тест за нас“, изјави Чави.
Тој е сигурен дека каталонскиот клуб ќе ја надмине оваа ситуација и ќе освојува трофеи.
„Без разлика дали тоа беше среќа или несреќа, го преживеав најлошиот период во историјата на клубот, од 2000 до 2003 година, но потоа и најдобриот. Мора да веруваме, не е време за сомневање во себе. Ова веќе ми се случи како играч, па јас сум многу позитивен, на добар пат сме. Ќе освојуваме трофеи следната година, треба да почекаме. Добри сме во првенството, но не бевме на ниво во ЛШ. Правиме помали чекори отколку што мислевме, но трофеите ќе се решаваат следната година“, изјави тренерот на Барселона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Арсенал лесно со ПСЖ, Борусија го понижи Селтик, Звезда го честеше Интер, Милан падна во Леверкузен
Лесни победи на фаворитите во вечерашните седум натпревари од второто коло во Лигата на шампионите. Во дерби натпреварите Арсенал го порази ПСЖ со 2:0, а Милан падна во Леверкузен 1:0. Вечерашните натпревари ја обележа победата на Борусија Дортмунд над Селтик (7:1) и хет-трикот на Карем Адејеми постигнат во првото полувреме.
Манчестер сити лесно се справи со Слован во Братислава, запиша победа од 4:0, со ист резултат Интер ја победи Црвена звезда. Спектакуларен гол постигна Чалханоглу од слободен удар, а во второто полувреме играчите на српскиот шампион ги честеа противниците со три гола.
Барселона славеше во дуелот со Јанг Бојс со 5:0.
Победник единствено немаше во Ајндховен каде ПСВ и Спортинг Лисабон одиграа 1:1.
Резултати:
Салцбург – Брест 0:4 (0:1)
Сима 24, 70; Камара 66, Переира 75
Штутгарт – Спарта Прага 1:1 (1:1)
Мило 7 — Каиринен 32
Арсенал – ПСЖ 2:0 (2:0)
Хаверц 20, Сака 35
Барселона – Јанг Бојс 5:0 (3:0)
Левандовски 8, 51; Рафиња 34, Мартинез 37, Камара 81г
Леверкузен – Милан 1:0 (0:0)
Бонифејсј 51
Дортмунд – Селтик 7:1 (5:1)
Џан 7п, Адејеми 11, 29, 42; Гираси 40p, 64; Нмека 79 — Маеда 9
Интер – Црвена Звезда 4:0 (1:0)
Чалханоглу 11, Арнаутовиќ 59, Мартинез 71, Тареми 81п
ПСВ – Спортинг 1:1 (1:0)
Шоутен 15 — Браганка 84
Слован – Манчестер сити 0:4 (0:2)
Гундоган 8, Фоден 15, Халанд 58, Мекати 74
Спорт
Реал ќе го отпушти Канаѓанецот Рејтан-Мејс?
Канадскиот кошаркар Ксавиер Рајтан-Мејс би можел да го напушти Реал Мадрид, бидејќи во клубот не се задоволни од него.
Почетокот на сезоната за тимот на Чус Матео не е добар. Реал загуби во финалето на шпанскиот Суперкуп од Уникаха (90:80), а потоа и на стартот од АЦБ лигата од дебитантот Лејмо Коруња (86:85). ).
Рајтан-Мејс не импресионира од неговото доаѓање, постигна само осум поени во три натпревари. На последниот меч нула, против Барселона шест и Уникаха само два со два скока.
Како што наведува „Мундо Депортиво“, податокот дека Рајтан-Мајес неодамна влегол во клинч со некои од играчите на клубот на тренинг покажува дека разделбата е блиску.
Доколку дојде до разделба, Реал ќе има отворено место за доведување ново засилување и тоа ослободува место за играч кој не е од Европа.
Спорт
ФА го поништи црвениот картон на Бруно Фернандеш
Манчестер јунајтед, во неделата, доживеа дебакл на домашен терен од Тотенхе (0:3). Јунајтед целото второ полувреме го одигра со играч помалку. Капитенот Бруно Фернандеш доби директен црвен картон.
Клубот веднаш се жалеше на оваа одлука, а информациите од Англија говорат дека Фудбалската асоцијација (ФА) ја првифатлиа жалбата.
Капитенот на Јунајтед првично требаше да ги пропушти натпреварите против Астон Вила, Брентфорд и Вест Хем, но Ерик Тен Хаг сепак ќе го има на располагање еден од најдобрите играчи во тимот.
Ваквата одлука само донесе повеќе критики на сметката на англиските судии кои постојано се на удар за лоши одлуки и критериуми кои не се исти за сите тимови.