Спорт
МЗТ Скопје се надева на триумф против Морнар
Кошаркарите на МЗТ Скопје Аеродром вечерва (18 часот) во СЦ „Јане Сандански“ го пречекуваат Морнар и се надеваат дека можат да дојдат до втората победа сезонава во АБА лигата.
Гостите од Бар се во низа од пет порази, од кои три во АБА. Тренерот на МЗТ Скопје Аеродром, Александар Петровиќ, верува дека македонскиот тим може да стигне до успех.
„Против себе имаме тим кој одлично ја отвори сезоната, но кој влезе во резултатска криза поради што во Скопје ќе бара враќање на победите. Главните играчи им се бековите Расел и Михаиловиќ, но одлично се пополнети и на останатите позиции. Морнар е предводен од одличен тренер кој сигурно ќе се обиде да смисли начин како неговата екипа повторно да почне да победува, но наше е да ги спречиме во тоа. Очекувам добар меч во кој треба да покажеме агресивност во одбраната и во нападот да одиграме на ниво како против Студентски Центар. Ако го сториме тоа и ако имаме најмлаку иста поддршка од трибините, тогаш верувам дека ќе дојдеме до целта, а тоа е значаен триумф“, вели тренерот на „металците“, Александар Петровиќ.
Поранешниот член на Морнар, Страхиња Миќовиќ, сега е еден од адут на МЗТ Скопје.
„Зад нас е серија на тешки натпревари против најголемите фаворити во лигата во кои за жал не успеавме да изненадиме, но добро е што победивме против Студентски Центар со што покажавме дека можеме адекватно да се носиме со ова натпреварување. Токму тој дуел треба да ни биде патоказ како да одиграме и против Морнар. Очекувам одлична енергија како на таа средба и мислам дека тоа е клучот за евентуалниот успех. Добро го познавам противникот, знам како размислува нивниот тренер и како инсистира на брза игра со многу шутеви за тројка. Ако ги сопреме нивните бекови тогаш ќе бидеме многу поблиску до триумфот“, вели Миќовиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кошаркарите на Монако се спасија од линч во Истанбул
Монако избори мајсторка која против Фенербахче ќе ја игра на домашен терен. Екипата од Кенежвството славеше во Истанбул со 65:62 во четвртиот натпревар од серијата.
Тешко извојуваната победа кошаркарите на Монако бурно започнаа да ја славата по последниот звук на сирената. Тоа не име=се допадна на домашните навивачи, кои влего на теренот да се пресемтаат со кошаркарите на Монако.
Од трибините фрлаа трврди предмети, а еден навивач со топка го гаѓаше Блосонгејм кој најгласно ја славеше победата.
„Им се извинувам и на Монако и на Евролигата за инцидентот. Ова не е нашата вистинска слика, ова е неприфатливо. Ова не е Фенербахче, ова не сме ние“, рече тренерпт на Фенербаче, Шарунас Јасикевичиус и дополни
„Се обидуваме да изградиме нешто овде… Мора да преземеме одговорност за ова денес.“
A scuffle broke out after the final whistle of GAME 4 in Istanbul 😳 pic.twitter.com/Si2i0v6H5H
— BasketNews (@BasketNews_com) May 3, 2024
Спорт
(Видео) Ирвинг и Дончиќ ги елиминираа Клиперси, Орландо избори мајсторка
Далас Маверикс ноќта меѓу петокот и саботата стигна до полуфиналето на плејофот на Западната конференција, ги елиминираа Лос Анџелес Клиперс со резултат 4:2. На Истокот, Орландо Меџик избри мајсторка против Кливленд Кавалирс.
Здравствената состојба на Дончиќ беше малку подобра од претходниот натпревар кога го мачеше коленото и настинка, одигра одличен натпревар и заедно со Кајри Ирвинг ги соборија Клиперси so 114:101.
Ирвинг мечот го заврши со 30 поени, шест скока и четири асистенции, а Дончиќ постигна 28 поени со 13 асистенции и седум скока.
Вашингтон додаде 14, а Гафорд 13 поени за Далас.
Најдобри играчи во тимот на Клиперс, во поразот кој за нив значеше крај на сезоната, беа Пауел со 20 поени, Џорџ со 18 поени и 11 скока и Ивица Зубац, кој мечот го заврши со 17 поени и 11 скока, и имаше една асистенција. Харден постигна 16 поени со 13 асистенции и седум скока.
Далас, во конференциското полуфинале ќе игра против Оклахома.
Орландо – Кливленд 103:96
Залудна беше фантастичната партија на Донован Мичел за Кливленд Кавалирс, кои постигнаа 50 поени, Орландо беше сигурен и успеа да го изедначи резултатот во серијата на 3:3.
Првото полувреме им припадна на домашните, но пред решавачките 12 минути Кливленд беше на +5. И застана таму. Кавси во последната четвртина постигнаа само 18 поени.
Банчеро го предводеше Орландо со 27 поени, осум скока и четири асистенции, Вагнер додаде поен помалку со пет скока и две асистенции, а Сагс го следеше со 22 поени и шест украдени топки. Картер постигна 11 поени со девет скока.
На другата страна Мичел остана сам, на 50 поени додаде и четири скока и асистенции, а зад него беше Гарланд со 21 поен, шест скока и пет асистенции.
Бостон ќе мора да почека уште малку за да добие противник за полуфиналната серија.
Спорт
Вилбекин трагичар, Монако избори мајсторка
Кошаркарите на Монако го совладаа Фенербахче на гости со 65:62 во четвртиот натпревар од четвртфиналната серија на плеј-офот во Евролигата и се изборија за мајсторка.
Да потсетиме, само Реал Мадрид досега се пласираше на завршниот турнир во Берлин, додека петтиот натпревар ќе го даде победникот и во сериите меѓу Барселона и Олимпијакос, односно Панатинаикос и Макаби.
Исклучително возбудлив натпревар, во кој доминираа одбраните одиграа фенер и Монако.
На крајот Монако победи со многу среќа. Малку фалеше Мајк Џејмс наместо еден од хероите на победата на Монако да биде трагичар. Американецот постигна тројка на 51 секунда до крајот, на гостите 61:57.
Во меѓувреме погодија Вилбекин и Хол, а потоа Марко Гудуриќ со својата тројка ги доведе возбудувањата до точка на вриење. Фенер на 18 секунди до крајот се доближи на 62:63.
Следуваше кулминација на истанбулската драма, Џејмс во предвидените пет секунди не успеа да ја уфрли топката во игра, па Фенер имаше речиси цел напад да ја обезбеди победата,
Вилбекин ја презеде одговорноста, имаше многу време да размисли како ќе ја нападне одбраната на Монако, се обиде да заврши со флотер и промаши.
Топката му припадна на Монако, а Хол со забивање стави точка на натпреварот.
Кај Фенербахче најефикасен беше Марко Гудуриќ со 14 поени (3/3 за три).
Ели Окобо ги предводеше гостите со 13 поени, додека Мотијеунас и Џејмс мечот го завршија со по десет поени.