Свет
Шефот на „Вагнер“ призна дека се мешал во американските избори
Рускиот бизнисмен Евгениј Пригожин призна дека се мешал во американските избори и рече дека ќе продолжи да го прави тоа и во иднина, што е прво вакво признание од човек кој е формално обвинет од Вашингтон за тоа.
„Ние се мешавме (во американските избори), се мешаме и ќе продолжиме да се мешаме. Внимателно, прецизно, хируршки и на наш начин, како што го правиме тоа“, рече Пригожин во изјавата од медиумската служба на неговата компанија „Конкорд“ објавено на VKontakte, руската верзија на „Фејсбук“.
Соопштението е објавено еден ден пред изборите за американскиот Конгрес како одговор на барањето за коментар на руски портал. Пригожин, познат како „готвачот на Путин“ бидејќи неговата компанија се занимава со кетеринг за Кремљ, е формално обвинет за спонзорирање на „трол-фарми“ во Русија кои се обидуваат да влијаат врз политиката.
Во јули Стејт департментот понуди награда од 10 милиони американски долари за информации за Пригожин во врска со „мешање во американските избори“. Тој е опфатен со американски, британски и европски санкции.
До неодамна Пригожин не се истакнуваше во јавноста, но за време на војната во Украина стана погласен и ги критикуваше достигнувањата на руските генерали. Во септември тој призна дека ја финансира платеничката организација Вагнер, која дејствува во Сирија, Африка и Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.