Спорт
УФЦ ја истражува победата на Нуерданбике над Дарик Минер
Шaјилан Нуерданбике го победи Дарик Минер во перо категорија на настанот на УФЦ во Лас Вегас. Најпознатата организација за боречки вештини најави дека ќе ги истражи сомнителните уплати во обложувалниците. Нуерданбике победи со технички нокаут во првата рунда.
Пред натпреварот се шпекулираше дека Минер има повреда, поради што наеднаш биле уплатени големи суми на пари за победа на Нуерданбиек со нокаут во првата рунда, што и се случи.
УФЦ испрати соопштение, кое го пренесе ЕСПН.
„Како и многу професионални спортски организации, УФЦ работи со независна обложувачка агенција која ги следи обложувачките активности на нашите настани“, рекоа тие и продолжија:
„Нашиот партнер, водечки снабдувач на податоци за спортско обложување во реално време во Северна Америка, ќе спроведе истрага и ќе ги објави резултатите. Во овој момент немаме причина да веруваме дека некој од спортистите вклучени во борбата или некој поврзан со нивните тимови постапија на неетички или неодговорен начин“.
Контроверзната ситуација настана откако УФЦ минатиот месец објави дека борците и нивните тимови повеќе не можат да се обложуваат на борби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рома на Азурниот брег најде спортски директор
Французинот Флорен Гизолфи ќе стане нов спортски директор на фудбалскиот клуб Рома.
Оваа вест ја потврди и претседателот на Ница каде до крајот на сезоната ќе работи на истата позиција.
„Флорен Гизолфи нè напушта, се сели во Рома и ние сме среќни поради него. Поминавме неколку добри месеци заедно, тој е добар човек и тоа многу го цениме. Му посакуваме се најдобро. Тој побара да си замине и ние прифативме“, изјави Жан-Пјер Ривер.
Гизолфи ќе го раскине договорот со Ница и на тој начин ќе и олесни на Рома која нема да мора да го откупи неговиот договор од Ница.
Местото спортски директор на Рома е испразнето откако Тиаго Пинто поднесе оставка на крајот од јануарскиот преоден рок.
Спорт
Алегри прифатил понуда од Саудиска Арабија
Масимилијано Алгери доби отказ во Јувентус по 48 часа откако го освои Купот на Италија. Алегри имаше свое шоу крај аут-линијата во финалето против Аталанта и токму неговото недолчно однесување ги натера клупските челници да му врачат отказ.
Јувентус разаочара сезонава и покрај тоа што избори место во Лигата на шампионите и го освои Купот.
Алегри во петокот доби отказ, а дел од италијанските медуми во понеделникот објавија дека тој веќе добил понуда за работа.
Понудата била испратена од Саудиска Арабија, не се наведува за кој клуб станува збор, но како што пишуваат медиумите Алегри решил да ја прифати само поради изворедните финансиски услови што му биле понудени.
Спорт
Златко Далиќ го објави списокот на Хрватска за ЕУРО 2024
Селекторот на Хрватска, Златко Далиќ го објави спискот со играчи кои ќе настапа на Европсото првенство во Германија.
Хрватска на континеталниот шампионат е во групата Б со селекциите на Шпанија, Италија и Албанија.
Првиот меч на ЕП, Хрватска ќе го одигра на 15 јуни од 18 часот против Шпанија, а натпреварот ќе се игра во Берлин на Олимпискиот стадион.
Во второто коло, на 19 јуни, Хрватска ќе игра против Албанија во Хамбург на „Фолкспарксштадион“.
Избраниците на Златко Далиќ групната фаза ќе ја завршат на 24 јуни на дуелот против Италија. Тој натпревар се игра од 21 часот во Лајпциг на „Ред Бул“ арена.
Во осминафиналето ќе се пласираат двете првопласирани репрезентации од секоја група, а ќе им се придружат четирите најдобри третопласирани репрезентации од шесте групи.
Европското првенство во Германија се игра од 14 јуни до 14 јули.
Спикото на Хрватска за ЕУРО 2024:
Голмани: Доминик Ливаковиќ (Фенербахче), Ивица Ивушиќ (Пафос), Недиљко Лабровиќ (Риека)
Одбрана: Јосип Јурановиќ (Унион Берлин), Јосип Станишиќ (Баер Леверкузен), Мартин Ерлиќ (Сасуоло), Јосип Шутало (Ајакс), Домагој Вида (АЕК), Марин Понграчиќ (Лече), Јошко Гвардиол (Манчестер Сити), Борна Соса (Ајакс)
Среден ред: Лука Модриќ (Реал Мадрид), Марсело Брозовиќ (Ал Наср), Матео Ковачиќ (Манчестер Сити), Ловро Мајер (Волфсбург), Марио Пашалиќ (Аталанта), Лука Иванушец (Феенорд), Мартин Батурина (Динамо), Лука Сучиќ ( Салцбург), Никола Влашиќ (Торино)
Напад: Анте Будимир (Осасуна), Андреј Крамариќ (Хофенхајм), Бруно Петковиќ (Динамо), Иван Перишиќ (Хајдук), Марко Пјаца (Риека), Марко Пашалиќ (Риека).