Свет
Зеленски им порача на Американците да го зачуваат непоколебливото единство
Украинскиот претседател, Володимир Зеленски, ги повика Американците да зачуваат непоколебливо единство до враќањето на мирот во Украина, а оваа порака ја испрати денес, на денот на американските т.н. меѓуизбори, чии резултати можат да влијаат на позицијата на Вашингтон кон Киев.
„Ве молам да го зачувате непоколебливо единство, како што правите сега до денот кога ќе ги слушнеме тие големи зборови за кои сонуваме, дека мирот конечно е вратен“, рече тој во видеоповик од Киев.
Зеленски им се заблагодари на „претседателот Џо Бајден, двете партии во Конгресот и секој американски граѓанин“ за големата финансиска, воена и дипломатска поддршка што и’ ја дадоа на Украина од почетокот на руската инвазија на 24 февруари.
Вашингтон всушност е главниот сојузник на Киев веќе осум месеци, помагајќи му со строго санкционирање на Москва и голем дел од руската економија и снабдување на украинската армија со оружје и воена опрема, како и разузнавачки податоци клучни за операциите на фронтот.
Кон средината на мај, американскиот Конгрес деблокираше 40 милијарди долари за помош за Украина.
„Слободата е главниот збор за нас и таа навистина ги обединува сите Украинци“, рече Зеленски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку две лица загинаа, а голем број се повредени во торнадото во Тексас и Оклахома
Најмалку две лица загинаа, а голем број се повредени во торнадото што ги погоди американските сојузни држави Тексас и Оклахома.
Торнадото предизвика штети на автопатот што ги поврзува двете држави, како и на домови и далноводи во бројни градови во Тексас, Оклахома и Арканзас, оставајќи 250.000 домаќинства без струја.
„Торнадо го погоди округот Дентон во саботата вечерта, а нема извештаи за повредени“, соопштија локалните власти.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.