Спорт
Куп-пресметка на големите ривали: Кој ќе „преживее“, Шкупи или Шкендија?
Шкупи и Шкендија денеска на Чаир ќе имаат голем четврт-финален дуел во Купот на Македонија. Екипите со големи амбиции ќе мора да го елиминираат најголемиот ривал во битката за еден од трофеите. Натпреварот ќе се одигра од 13 часот на стадионот Чаир, а Шкупи очекува триумф со помош на фановите.
„Верувам во квалитетот на нашиот тим, играме пред нашите фанови и очекувам победа и пласман во полуфиналето на Купот. Шкендија е силен тим, но верувам дека од нашето издание зависи пласманот во следната рунда од Купот“, изјави Валид Хамиди, крилниот напаѓач на Шкупи.
Голманот на Шкендија, Костадин Захов, вели дека неговиот тим може да слави триумф на Чаир.
„Ова е големо дерби, а кај нас има огромен мотив за успех. Посакуваме победа ио пласман во полуфиналето во Купот на Македонија“, истакна голманот на Шкендија.
Во Кратово, Силекс ќе го пречека најтрофејниот македонски клуб Вардар, кој меѓу овие екипи е единствениот второлигаш.
Брегалница по оставката на тренерот Илчо Ѓорѓиоски гостува кај лидерот во шампионатот, Струга Трим Лум. Тимот ќе го води неговиот досегашен асистент Лазар Илиев. Во Ѓорче Петров се среќаваат Македонија ЃП и Академија Пандев.
Во случај на нерешен резултат по регуларниот тек од натпреварите, веднаш ќе се изведуваат пенали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристијано не запира, 950 голови во кариерата
Португалскиот фудбалер Кристијано Роналдо направи нов чекор кон бројката од 1.000 голови во кариерата.
Неговиот Ал Наср ја забележа шестата победа во исто толку натпревари во новата сезона на Про лигата. Во шестата рунда, Ал Наср го победи Ал Хазем (2:0).
Жоао Феликс ја најави победата на Ал Наср со својот деветти гол во само шест натпревари, додека Роналдо ја заврши работата во 88-та минута.
Тоа беше 950-от гол во кариерата на Кристијано и шести во лигата во сезона која се чини дека конечно ќе биде онаа што ќе ја освои титулата во Саудиска Арабија.
Во 2025 година, на 40-годишна возраст, Роналдо веќе постигна 34 гола и има три асистенции во 38 натпревари.
Неговиот Ал Наср е лидер со 18 бода, три повеќе од Ал Тавон.
Спорт
(Видео) Герасимовски: Во завршна фаза е реконструкцијата на „Работнички“, на 13 декември ќе го победиме МЗТ
Градоначалникот на Општина Центар, Горан Герасимовски, информира дека реконструкцијата на салата „Работнички“ е во завршна фаза и дека на 13 декември ќе се одигра натпреварот против МЗТ, кадешто „Работнички“ ќе издвојува голема победа.
„Ова е нашата сала „Работнички“, нашиот храм за победи. Во моментов е во завршна фаза нашата реконструкција според ФИБА стандарди, со подземно греење. Воедно сакам да ви најавам дека салата свечено ќе ја отвориме против МЗТ на 13 декември и најавувам голема победа на Работнички“, истакнува Герасимовски.
Додаде дека 80 отсто од реконструкцијата е завршена. Поставен e централен семафор, а целосно се завршени осветлувањето и озвучувањето во салата. Се комплетираат трибините. Сите приоди се изведени, тоалетите се целосно опремени, се прават подготовки за поставување подно греење, а инсталациите и горниот простор наменет за федерациите се финализираат.
Спорт
(Видео) Баерн го израмни рекордот на Милан од 1992 година
Баерн ја победи Борусија во Менхенгладбах со 0:3, во осмото коло од Бундеслигата. Баварците ја забележаа 13-та победа од почетокот на сезоната, со што го израмнија рекордот на Милан за најдобар старт во сезоната во петте најдобри национални првенства.
Баварците се лидери во германското првенство со максимални 24 бода и гол-разлика од 30:4. Баерн го израмни рекордот на Милан од сезоната 1992/1993, ја отвори сезоната со 13 последователни победи.
Избраниците на тренерот Винсент Компани можат да станат рекордери доколку во среда го победат Келн во Купот на Германија.
Резултати на Баерн оваа сезона:
Суперкуп: Штутгарт – Баерн 1:2
Бундес лига: Баерн – РБ Лајпциг 6:0
Куп на Германија: Вехен – Баерн 2:3
Бундеслига: Аугсбург – Баерн 2:3
Бундеслига: Баерн – ХСВ 5:0
ЛШ: Баерн – Челзи 3:1
Бундеслига: Хофенхајм – Баерн 1:4
Бундеслига: Баерн – Вердер 4:0
ЛШ: Пафос – Баерн 1:5
Бундеслига: Ајнтрахт Франкфурт – Баерн 0:3
Бундеслига: Баерн – Борусија Дортмунд 2:1
ЛШ: Баерн – Клуб Бриж 4:0
Бундес лига: Борусија Менхенгладбах – Баерн 0:3

