Спорт
Сместување во навивачкиот град во Катар 200 евра, едно пиво во бар 100 евра!
Иако Катар претходно призна дека ќе плати група навивачи да присуствуваат на мундијалот, оние што ќе решат индивидуално да патуваат на Блискиот Исток за најдобриот фудбал, ќе треба да имаат длабоки џебови.
Спортските барови, една од ретките локации каде што ќе може да се пие алкохол, веќе најдоа шанса за добра заработувачка – „Чемпионс спортс бар“ во хотелот „Мериот“ во Доха веќе постави цена од 1.000 ријали (околу 270 евра) за пристап за гледање на полуфиналето и финалето, со ваучер за три пијачки. Мечевите од групната фаза се поевтини – 200 ријали (околу 50 евра), но доколку сакате да добиете уште пијачки – секоја ќе ве чини по 100 евра. Цените на алкохолот во Катар се меѓу највисоките во светот поради таканаречениот данок на гревот.
Доколку не сте по алкохолот, сепак, ќе морате да најдете сместување, а организаторите се погрижија со формирање таканаречени села за навивачите, каде што сместувањето е по 200 евра од вечер.
Views of one of the World Cup fan villages in Doha, Qatar.
A stay at Al Emadi costs over $200 per night 📸 pic.twitter.com/yh6QfIpcBZ
— B/R Football (@brfootball) November 9, 2022
🍺 £80 for a bottle of Budweiser or Corona
🍷 £80 for a glass of house wine
📺 £240 to watch World Cup games💵 Football fans will face extortionate cover charges to watch World Cup games in Qatar’s hotel bars.
Exclusive from @PeteHall86 👇https://t.co/xsIv7B7hpR
— i sport (@iPaperSport) November 8, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Победникот на Тур де Франс призна дека се дрогирал
Поранешниот германски велосипедист Јан Улрих (50) го искоментира неодамнешниот документарен филм во кој признал дека користел допинг во текот на неговата кариера.
Улрих победи на Тур де Франс во 1997 година, кога во пет етапи заврши на второто место. Тој за германската телевизија WDR изјави: „Документарниот филм Der Gejagte (Ловениот) беше еден вид терапија за мене и сега можам отворено да разговарам со моите деца за тоа.
Она што луѓето мора да го знаат е дека дури и спонзорите знаеја се, допингот беше систематски, бев добро платен и договорот беше да не зборувам за тоа. Згрешив, бев негативец“.
Пеколот започнал кога ја завршил кариерата.
„Алкохол, дрога, паднав во дупка и за малку ќе завршеше катастрофално. Практично бев мртов и го видов пеколот. Тогаш си реков дека следната недела или ќе бидам мртов или ќе си го вратам животот. Љубовта на моите деца беше одлучувачкиот фактор“.
Професионалната кариера на Улрих траеше од 1995 до 2006 година.
Спорт
Јовиќ си оди од Милан
Српскиот репрезентативец Лука Јовиќ не е во плановите на тренерот на Милан, Пауло Фонеска, а големи се шансите тој да го напушти „Сан Сиро“ во зимскиот преоден рок.
Ова го тврди познатиот италијански новинар Никола Шира, кој нагласува дека поранешниот центарфор на Реал Мадрид бил блиску до заминување од клубот летово, но дека ги одбил сите понуди.
Центафор Милан сезонава одигра само два натпревари во дресот на клубот од „Сан Сиро“ и собра скромни 64 минути на теренот, без конкретен статистички учинок.
Португалскиот тренер, чија позиција исто така не е сигурна, има многу поголема доверба во некои други играчи, па медиумите на Апенините пишуваат дека сето тоа упатува на сигурна разделба во зимскиот преоден рок, особено што актуелниот договор истекува во јуни следната година и Јовиќ може во јануари да преговара со други клубови.
Спорт
Платини предложи револуционерна промена во фудбалот
Легендата на францускиот и светскиот фудбал, Мишел Платини предложи револуционерна промена. Тој иднината на фудбалот ја гледа во игра10 на 10, а не 11 на 11.
Платини, поранешниот претседател на Европската фудбалска унија, оцени дека натпреварите би биле поатрактивни за гледачите доколку во тимот има десет играчи и дека тоа би создало повеќе простор за игра.
„Можеби треба да повлечеме еден играч и да имаме тим со десет луѓе. Со 11 играчи се игра од 1900 година, но тогаш имаше помалку трчање. Играчите не беа толку силни и играа побавно“, рече Платини.
Платини изрази жалење за досегашниот развој на фудбалот.
„Луѓето од мојата генерација повеќе не гледаат фудбал затоа што не се пронаоѓаат себе си во ваквата игра. Денес има повеќе додавања наназад отколку напред, а во посед на топката има многу додавања. Не критикувам. Но луѓе од мојата генерација кои доживеале поофанзивен фудбал, не сакаат да гледаат таква игра“, додаде славниот Платини.