Спорт
Мартинез го објави спискот – Белгија е фаворитот од сенка
Катар е последната шанса за за „Златната генерација“ на Белгија да направи некој голем успех. Засега, најголемиот успех оваа генерација го постигна на минатото Светско првенство во Русија.
Селекторот Роберто Мартинез на десет дена пред почетокот на Мундијалот го објави списокот на патници за Катар, а на него е и Ромелу Лукаку.
Белгија во Катар патува како втора репрезентација на ФИФА листата.
Мартинез требаше да донесе неколку тешки одлуки. на списокот ги нема Ориги, Бојат, Денајер. Но не се откажа од услугите на Ромелу Лукаку и Томас Мение. Овие двајца се уште не се целосно рехабилитирани од повредите.
„На почетокот ќе бидеме без Лукаку. Затоа со нас имаме уште двајца напаѓачи, специјалци. Батшуаји има искуство од репрезентацијата. Опенда е сосема поинаков профил на играч. Работи напорно и отвора простор. Тоа е интересно. Против Полска покажа дека е подготвен“, изјави Мартинез и потсети дека на Мундијалот во Русија повреден отпатува и Винсент Компани, кој се опорави до третиот меч.
Голмани: Тибо Куртоа (Реал Мадрид), Симон Мињоле (Клуб Бриж), Коен Кастелс (Волфсбург);
Одбрана: Јан Вертонген (Андерлехт), Тоби Алдервирелд (Антверпен), Леандер Дендонкер (Астон Вила), Зено Дебаст (Андерлехт), Артур Теат (Рен), Воут Фаес (Лестер)
Среден ред: Ханс Ванакен (Клуб Бриж), Аксел Витсел (Атлетико Мадрид), Јури Тилеманс (Лестер), Амаду Онана (Евертон), Кевин Де Брујне (Манчестер сити), Јаник Караско (Атлетико Мадрид), Торган Азар (Борусија Дортмунд), Тимоти Кастањ (Лестер), Томас Муние (Борусија Дортмунд)
Напад: Ромелу Лукаку (Интер), Миши Батшуаји (Фенербахче), Шарл Де Кетеларе (Милан), Еден Азар (Реал Мадрид), Жереми Доку (Рен), Дрис Мертенс (Галатасарај), Леандро Тросар (Брајтон), Лоис Опенда (Ленс).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.