Европа
Првите луѓе на ЕУ не разговараат еден со друг, соработката помеѓу институциите на најниско ниво, пишува „Политико“
Претседателката на Европската комисија, Урсула фон дер Лаен, и претседателот на Европскиот совет , Шарл Мишел, не се во добри односи.
Комуникација меѓу нив речиси и да не постои, тврди влијателниот европски портал „Политико“.
Двајцата врвни функционери на ЕУ не патуваат заедно, дури и кога се поканети на ист настан, тие се избегнуваат еден со друг, а нивните соработници вклучени во организирањето на патувањето работат под строги упатства за да избегнат какво било преклопување во времето на патување.
Несогласувањата се толку силни што двајцата функционери ги блокираат меѓусебните средби со странски претставници, а нивните соработници комуницираат со другата страна само кога е потребно.
„Еден од клучните состаноци на Г20 на Бали ќе биде средбата меѓу Мишел и кинескиот лидер Шји Џјинпинг, која треба да се одржи на маргините на самитот. Со оглед на поделбите во ЕУ за тоа како да се соработува со Пекинг, ќе биде исклучително важна средба. Но, Фон дер Лаен не беше поканета. Причината? Нејзиното одбивање да му дозволи на Мишел да присуствува на состанокот со индискиот премиер Нарендра Моди на Г7 во Германија во јуни“, пишува „Политико“.
Европската комисија е извршно тело на Унијата и таа предлага закони. Претседателката Фон дер Лаен на оваа функција дојде од германската влада, каде што беше министерка за одбрана. Татко ѝ бил висок функционер на Европската комисија, а Урсула е родена во Брисел.
Лидерите на земјите членки се среќаваат во Советот на ЕУ, а нивната мисија е да ги трансформираат предлозите на Комисијата во закони, кои потоа треба да бидат прифатени од членките и имплементирани дома.
Претседателот на Советот, Мишел, е поранешниот белгиски премиер и син на поранешниот министер за надворешни работи на Белгија, Луис Мишел.
Овие две функции се преклопуваат во повеќе области, но денес речиси и да нема координативни состаноци меѓу Фон дер Лаен и Мишел, што ја отежнува работата на двете институции.
Според официјални лица, пренесува „Политико“, врската почнала мирно.
„Имаше мали турбуленции, но ништо неочекувано“, рече претставник на ЕУ. Во првите месеци секретаријатот на Советот закажа неделен попладневен состанок меѓу Мишел и Фон дер Лаен секој понеделник.
Дека нивниот личен однос не е добар и не е толку страшно, но кога ќе почне да се пренесува на нивната работа, тогаш тоа е друга приказна. Дијалог за политички прашања меѓу лидерите и нивните блиски кадри речиси и да не постои, според „Политико“.
„Тоа е постојана борба да се натераат двете страни да споделуваат информации“, рече еден функционер на Советот, кој додава дека вработените во Советот се принудени „да бркаат информации како новинари“.
Конфликтот стана јавен за време на посетата на Фон дер Лаен и Мишел на Турција во април 2021 година, настан што стана познат како „Софагејт“.
Сите телевизиски станици ја пренесоа шокираната реакција на Фон дер Лаен кога сфати дека на официјалната средба со Ердоган нема столче резервирано за неа.
Мишел без двоумење и без да ѝ понуди на Фон дер Лаен место до Ердоган, седна на фотелјата додека таа седеше на каучот спроти турскиот министер за надворешни работи.
Сцената ја шокира европската јавност.
Неколку дена подоцна, во Европскиот парламент, Фон дер Лаен ја искористи шансата да каже што мисли за овој инцидент. Таа рече дека е повредена“ од инцидентот, кој е одраз на сексизмот. Таа не го спомена Мишел.
Речиси една година подоцна, повторно се случи сличен инцидент.
Во февруари 2022 година европски видеосервис го емитува влезот на африканските лидери на самитот во Брисел.
Додека се ракуваше со африканските официјални лица, министерот за надворешни работи на Уганда помина покрај Фон дер Лаен и се поздрави со Мишел, а потоа и со Емануел Макрон. Францускиот претседател дискретно му сугерира на африканскиот политичар дека би било добро да разговара со претседателката на Комисијата, а Мишел остана без посебна реакција.
Оние што не се запознаени со нетрпеливоста меѓу овие двајца високи функционери беа изненадени од остриот тон на Мишел кога тој неодамна јавно, преку медиумите, ја обвини Комисијата дека не предлага ограничување на цената на природниот гас откога националните лидери го побараа тоа на нивниот самит во октомври.
Во Брисел во ходниците се водат приватни дискусии за тоа кој е повеќе виновен за ваквата состојба.
Според „Политико“, администрацијата на Бајден има блиски односи со тимот на Фон дер Лаен, особено во однос на санкциите против Русија, а Мишел „се бори да се пробие“.
Официјалните лица, генерално, се согласуваат дека и двајцата лидери се виновни. Мишел за неговото лошо справување со инцидентите, како „Софагејт“, и Фон дер Лаен за нејзината тенденција да одржува контрола на сметка на соработката.
Меѓуинституционалниот однос никогаш не бил на толку ниско ниво. Некои функционери на Унијата дури изјавија дека итно е потребно „возрасно лице“ во институциите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Путин се закани на Западот со нуклеарно оружје, „но овој пат заканата беше малку поинаква“, наведува Скај њуз
Вчерашниот говор на Владимир Путин, во кој тој му се закани на Западот со нуклеарно оружје, не беше прв, а веројатно ниту последен пат кога прибегна кон таков пристап. Но, како што наведува московскиот дописник на Скај њуз Ајвор Бенет, овој пат заканата беше малку поинаква од оние што имавме можност да ги слушаме откако Русија започна целосна инвазија на Украина во февруари 2022 година.
Како што наведува, тоа бил „поконкретен, подефиниран обид на Москва да ги прекрои црвените линии“. Сето ова е поврзано со руската нуклеарна доктрина – документ кој дефинира кога и како Москва може да го користи својот нуклеарен арсенал.
Putin's new nuclear bluff.
Putin has announced changes to Russia's nuclear doctrine. The proposal is to include a clause, according to which a war against Russia by a non-nuclear country with the support of a nuclear power will become grounds for using Russian nuclear weapons.… pic.twitter.com/V7cy5tmIuI
— Anton Gerashchenko (@Gerashchenko_en) September 25, 2024
„Во моментов тоа е само ако е загрозено постоењето на државата. Но вчера Путин рече дека сака да ја промени оваа доктрина, така што, теоретски, Русија може да одговори со нуклеарни бомби на напад од која било држава што користи конвенционално оружје – како на пр. проектили, беспилотни летала и авиони“, јави дописникот на Скај њуз од Москва.
Ова е значајно бидејќи токму тоа се случува со Украина, посочува тој. Путин, исто така, рече дека Кремљ ќе го разгледа секој напад од ненуклеарна сила поддржана од нуклеарна сила како заеднички напад. Тоа е всушност предупредување, или закана за сојузниците на Украина.
Кремљ денеска дополнително ја нагласи оваа закана, па портпаролот на Путин, Дмитриј Песков, тврди дека вчерашната најава за промена на руската нуклеарна доктрина „Западот треба да ја сфати како специфичен сигнал“.
Но, треба да се има на ум дека Путин претходно се закануваше дека ќе возврати на Западот, а не „само“ нуклеарно и не реализираше ниту една од овие закани. Испраќањето проектили, тенкови и борбени авиони во Украина дојде и пројде без никакви последици.
Имаше, се разбира, многу руски закани за нуклеарен Армагедон и можеби сега двете страни чувствуваат дека овој вид јазик изгубил дел од своето влијание, вели дописникот на Скај њуз и заклучува дека веројатно тоа е уште еден блеф на Путин.
Европа
Објавени имињата на мажите кои ја силуваа 71-годишната Французинка на покана на нејзиниот сопруг
Во Франција во тек е судењето за болниот случај за масовно силување на 71-годишната Жизел Пелико, која една деценија била дрогирана од нејзиниот сопруг Доминик Пелико, а во исто време повикувал непознати луѓе да ја силуваат.
Пелико често ги снимал овие сцени, а во последниве недели се редат признанијата на обвинетите за ова грозоморно злосторство.
Сега се објавени идентитетите и професиите на злосторниците, пренесува францускиот медиум NZ Herald.
Jätiste pildil kujutatud mehi ühendab see, et nad on kohtu all, süüdistatuna teadvusetu võõra naise korduvas vägistamises. Naine on 71-aastane Gisele Pelicot, keda tema abikaasa Dominique Pelicot, ilma tema teadmata uimastas ja seejärel kutsus teisi mehi oma majja naist vägistama pic.twitter.com/eqaJLdx86i
— kadi estland (@EstlandKadi) September 26, 2024
Меѓу нив се мотоциклистот Хјуг Малаго (39), земјоделскиот работник Енди Родригез (37), Матје Дартус (53), пензионираниот пожарникар Жак Кубо, ИТ работникот Лионел Родригез (44), сликарот Хусаметин Доган (43) и Тиери Парисис (54) локален бизнисмен.
Седумте се дел од пошироката група од околу 50 мажи кои повеќе од една деценија беа регрутирани преку интернет од Доминик Пелико, пензиониран електричар сега познат како „Чудовиштето од Авињон“, кој ги канел во својот дом за да ја силува сопругата, откако таа била онесвестена од силните седативи што и ги давал.
Некои обвинети тврдат дека Пелико ги измамил со тоа што ги убедувал да ја силуваат Жизел, но тој при признанието дека е силувач, тврдеше дека и сите други соучесници се силувачи како него.
Европа
(Видео) Сè уште нема трага од бабата и нејзиниот внук, кои исчезнаа за време на поплавата во Италија
Сè уште нема трага од баба Сабина и нејзиниот петмесечен внук Ноа, кои исчезнаа за време на поплавата во Италија.
Во понеделникот вечерта, околу 21 часот, огромен бран на поројот Стерца, кој тече меѓу ридовите Монтекатини Вал ди Чечина, во областа Пиза, ги однесе од куќата.
Мајката, таткото и дедото на детето се безбедни бидејќи имале време да се фатат за столбовите од тремот од куќата и за дрвјата. Првите информации беа дека тие се качиле на покривот на куќата, од каде што биле спасени.
❌#Maltempo #Pisa, prosegue la ricerca di nonna e nipote dispersi a Montecatini Val di Cecina: #vigilidelfuoco con sommozzatori, soccorritori fluviali, droni, cinofili ed elicottero in azione tra loc. Lagabella e Canneto.
Situazione migliorata tra Pisa e Livorno [#23settembre 9] pic.twitter.com/x5b6Yeill0— Vigili del Fuoco (@vigilidelfuoco) September 24, 2024
Семејството е по потекло од Минхен и беше на одмор во Тоскана 10-ина дена. Веднаш е почната потрага по нив со помош на повеќе од 100 лица, меѓу кои и пожарникари и Црвениот крст. Освен кучиња трагачи, се користат и дронови и хеликоптер. Потрагата засега е неуспешна.
Непрестајниот дожд во понеделникот беснееше низ Вал ди Чесина, на границата меѓу провинциите Пиза и Ливорно, а нивото на реките се зголеми за неколку часа. Кога водата почна да надоаѓа во изнајмената куќа на фармата кај Стерза, надвор веќе беше темно темно, објавија италијанските медиуми.
Според медиумите, германското семејство ги повикало пожарникарите на помош во понеделникот околу 21.30 часот, но јазичната бариера ја отежнала комуникацијата. Врската била прекината, а неколку минути подоцна бебето и бабата биле однесени од силната струја на надојдениот бран.