Спорт
Мусијала ја креираше победата на Баерн против Шалке
Баерн, во Гелзенкирхен, го победи Шалке со 2:0 во последниот натпревар од саботната програма во Бундеслигата. По 15. рунди заврши првиот дел од сезоната во Германија. Баерн на пауза замина како лидер на табелата.
Без многу напор лидерот го доби дуелот со фенерџијата. Серж Гнабри и Ерик Чупо-Мотинг ги искористија асистенциите на Џамал Мусијала.
Чупо-Мотинг ја повтди добрата форма, против Шалке го постигна десеттиот гол на последните девет натпревар сезонава, во сите натпреварувања. Камерунецот вкупно од стартот на сезоната има постигнато 12 голови.
Баерн има шест последователни победи во германското првенство и пред паузата поради Мундијалот во Катар ќе биде водечки тим со 34 бода, шест повеќе од вториот РБ Лајпциг. Унион Берлин и Фрајбург имаат по 27 бода и натпревар помалку. Шалке остана последен со девет бода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Гол“: Трансферот на Миленковиќ е еден од најдобрите во историјата на Премиер лигата
Специјализираниот фудбалски портал „Гол“ го оцени трансферот на Никола Миленковиќ во Нотингем Форест како најдобар сезонава во Премиер лигата.
Миленковиќ летово им се приклучи на „шумарите“ од Фиорентина за 12 милиони фунти.
„Миленковиќ не само што е најдоброто засилување во сезоната 2024/25, туку и едно од најдобрите во целата историја на Премиер лигата, според она што клубот доби за парите што ги издвои за трансферот“, пишува „Гол“.
Со Миленковиќ на чело, Форест значително го подобри одбранбениот рејтинг и прими само 19 гола на 17 натпревари, само Арсенал и Ливерпул имаат подобар дефанзивен учинок.
„Човек планина“, го нарече Џејми Карагер. Силен, брз, присебен , одлично ја чита играта
„Дваесет и седумгодишникот е голема закана и за противничкиот гол, веќе постигна два гола за Форест“, пишува „Гол“.
На листата на најдобри засилувања во Премиер лигата оваа сезона, веднаш зад Миленковиќ е неговиот соиграч Елиот Андерсон, а зад него се Сандер Берге и Нусаир Мазрауи.
Топ 10 најдобри трансфери во Премиер лигата според поратлот „Гол“:
1. Никола Миленковиќ (Фиорентина – Нотингем Форест, 12 милиони фунти)
2. Елиот Андерсон (Њукасл – Нотингем Форест, 35)
3. Сандер Берге (Барнли – Фулам, 25)
4. Нусаир Мазрауи (Баерн – Манчестер Јунајтед, 13)
5. Лиам Делап (Манчестер сити – Ипсвич, 20)
6. Факундо Буонаноте (позајмица од Брајтон во Лестер)
7. Џејдон Санчо (позајмица од Манчестер јунајтед во Челзи)
8. Максенс Лакроа (Волфсбург-Кристал Палас, 15)
9. Жоржинио Ратер (Лидс – Брајтон, 40)
10. Илиман Ндијаје (Шефилд јунајтед – Евертон, 15)
Спорт
Глувци на „Олд Трафорд“
Манчестер Јјунајтед не само што се соочува со слаба форма, туку и со наезда на глувци.
Измет од глувци бил откриен на култниот стадион „Олд Трафорд“ при инспекциска посета. Поради ова, наместо максималните пет, стадионот доби само две ѕвезди.
Претставниците на клубот работат со партнерите за контрола на штетници и локалниот совет за да спроведат мерки за решавање на проблемот.
Стадионот се наоѓа на проблематична локација во Манчестер, помеѓу канал и железничка линија.
Јунајтед го имаше овој проблем и во 2015 година, а се влошува во зимскиот период кога температурите се ниски.
Клубот сака што поскоро да си го врати добриот рејтинг, а ниту еден од наодите не беше во областа каде што се подготвува храна.
„Манчестер Јунајтед работи со силен систем за контрола на штетници на „Олд Трафорд“, соопшти ПР на клубот.
За потсетување, стадионот е изграден во 1910 година, а сегашниот капацитет е околу 74.000 седишта.
Спорт
Доделени наградите за најуспешните атлетичари во Македонија
Денес се одржа свеченото прогласување на најуспешните атлетичари, тренери и клубови во Македонија за постигнувањата во атлетскиот спорт во 2024 година.
Овој значаен настан е во организација на Атлетската Федерација на Македонија, а беше одбележан во присуство на најдобрите и најталентирани спортски личности, како и почитувани гости како градоначалникот на Општина Гази Баба, Бобан Стефковски, голем поддржувач на атлетиката и спортот, Проф .д-р Влатко Неделковски, декан на Факултетот за физичко образование, спорт и здравје, новинари и други.
По поздравните зборови на водителот, присутните ги поздрави и претседателката на Атлетската федерација на Македонија, Александра Војнеска Зикова, која ја истакна успешноста на атлетиката во Македонија во изминатата 2024 година. Таа нагласи дека Македонија има бројни успеси на меѓународната сцена, со учество на Олимписките игри, Светски и Европски првенства, како и бројни рекорди поставени во различни дисциплини.
„Навистина сум среќна и горда што можам да застанам исправено пред вас, да дискутираме за напредокот и успесите на атлетиката, спортот со кој што пораснав, спортот за кој што живеам, спортот кој што ме дефинираше како личност и спортот кој што сакам да го видам на највисокиот пиедестал. 2024 беше година на нови рекорди, нови таленти и извонредни спортски резултати. Им се заблагодарувам на сите македонските атлетичари кои продолжуваат да ја предводат атлетиката во регионалните и европските натпревари, што даваат тежина на самата федерација, што го уважувате спортот и сигурна сум дека заеднички ќе продолжиме да креираме една убава заедничка приказна за атлетиката. Оваа вечер е прилика да ги наградиме најуспешните во сите категории,“ истакна Војнеска Зикова во својот говор.
Признанија и награди
На денешниот настан беа доделени наградите за најуспешните атлетичари, тренери и клубови. Во различни категории, беа наградени најдобрите во младинските и сениорските категории, како и најуспешните атлетски клубови и поединци за особени придонеси во развојот на спортот.
Признанијата беа доделени во следните категории:
• Млади пионери – Тина Доневска, клуб : Работнички и Парис Златановски клуб: Куманово
• Пионери – Ева Митевска, клуб: Работнички и Дамјан Ѓоргиевски., клуб: Работнички
• Млади младинци – Лина Исени, клуб: Лириа и Брајан Авија, клуб: 7миМај
• Младинци – Mелиса Димитриоски, клуб: Дрини Старт и Владимир Битољану, клуб: Центар
• Сениори – Дрита Ислами; клуб: Работнички и Дарио Ивановски
Наградите за најуспешни атлетичари и клубови беа доделени на основа на нивните исклучителни резултати постигнати на домашни и меѓународни натпревари, вклучувајќи рекорди, освојувања медали на Балкански, Европски и Светски првенства.
Признание за најуспешен атлетски клуб за 2024 година беше доделено на Атлетски клуб Делта од Скопје. Овој клуб, кој доминираше во атлетиката на државно ниво, се истакна со 6 државни рекорди и 6 атлетичари во националниот тим.
Признанието за најдобар тренер од Европската атлетска федерација во 2024 година му беше доделено на Алим Хајредини од АК Дрини Старт за неговиот значаен придонес во развојот на атлетиката и успешната работа со атлетите.
Признание за животно дело беше доделено на Мире Ивановски, легенда на македонската атлетика и долгорочен предводник на Атлетски клуб Вардар, кој остави незаменлив траг во развојот на атлетиката во Македонија.
Свеченото прогласување заврши со заедничка слика на наградените и присутните гости.
Наградените атлетичари, тренери и клубови ќе продолжат да го носат името на Македонија на врвот во светската атлетика.
Со ова, заврши свечената програма, а Атлетската федерација на Македонија им посака успешна нова 2025 година, исполнета со нови рекорди и медали.
Честитки за сите наградени и продолжуваме да веруваме во успехот на македонската атлетика!
ПОСТИГНАТИ РЕКОРДИ ВО 2024 ГОДИНА
ЖЕНИ :
Во Сениорска категорија :
10км – Сениорки :
Адријана Поп Арсова од АК Делта со истрчани 34.42 сек го подобри сопствениот национален рекорд на 10км на пат, за време на трката Халк Еко Скопје Трча 10км одржана на 12.05.2024 во Скопје.
3000м стиплчес – Сениорки
Миљана Ристиќ од АК Делта го собори Македонскиот рекорд на 3000м стиплчес кој сега гласи 11 минути 58 секунди и 61 стотинка, поставен на Националното првенство за сениори на 18.05.2024.
Во Младинска категорија :
Ѓуле 4кг. – Младинки
Јумна Фетаху од АК 7ми Мај го собори младинскиот рекорд во ѓуле со резултат од 12.26 поставен на атлетскиот митинг во Бар, Црна гора на 06.04.2024
Јумна Фетаху од АК 7ми Мај го собори младинскиот рекорд во диск со резултат од 38.44 поставен на атлетскиот митинг во Косовска Митровица на 23.03.2024
Диск 1кг. – Младинки
Јумна Фетаху од АК 7ми Мај го собори младинскиот рекорд во диск со резултат од 38.44 поставен на атлетскиот митинг во Косовска Митровица на 23.03.2024
МАЖИ :
Во Сениорска категорија :
Маратон – Сениори
Дарио Ивановски од АК Корранерс со резултат 02:08.26 го собори сопствениот рекорд во маратон за време на мартонот за времен а интернационалниот маратон Севиља , Шпанија на 18.02.2024
Полумаратон – Сениори
Дарио Ивановски од АК Корранерс со резултат 1.04,01 го собори сопствениот рекорд во полумаратон за време на полумаратонската трка на Европското првенство во Рим на 09.06.2024.
Скок во далечина во сала – Сениори
Андреас Трајковски од АК Работнички со резултат 7,79м го собори сопствениот државен рекорд во сала за време на Балканското првенство во сала во Истанбул на 10.02.2024
400м со пречки – Сениори
Јован Стојоски од АК Охрид со резултат 52.33 секудни го собори сопствениот државен рекорд на 400м со пречки на атлетски митинг во Марибор Словенија на 19.06.2024
Десетобој – Сениори
Огнен Стефановски од АК Делта со резултат од 6384 поени во Десетобој го собори националниот рекорд за време на Балканското првенство во Измир Турција на 26.05.2024
Седмобој во сала – Сениори
Огнен Стефановски од АК Делта со резултат од 4353 поени во Седмобој го собори националниот рекорд во атлетскиот митинг во Белград, Србија 25.02.2024
Скок со стап во сала – Сениори
Огнен Стефановски од АК Делта со резултат од 3.65м во скок со стап го собори националниот рекорд во атлетскиот митинг во Белград, Србија 18.02.2024
2000м Стиплчес – Сениори
Леонид Вандевски од АК Делта со резултат од 6:00.49мин, го собори националниот рекорд на 2000м Стиплчес на атлетскиот митинг во Пилзхаусен, Германија 05.05.2024
4х100м Штафета
Во состав: Јован Стојоски, Андреас Трајковски, Владимир Битољану и Огнен Стефановски беше соборен државниот рекорд на 26.05.2024 на Балканското првенство во Измир Турција.
Во Младинска категорија :
100м – Младинци
Владимир Битољану од АК Центар со резултат 10.78сек, го собори младинскиот рекорд, за време на Купот на Македонија за сениори на 29.06.2024г. Скопје
200м – Младинци
Владимир Битољану од АК Центар со резултат 21.64сек, го собори младинскиот рекорд, за време на Купот на Македонија за сениори на 30.06.2024г. Скопје
Во категорија Млади Младинци :
100м – Млади Младинци
Марко Алексовски од АК Центар со резултат 10.95сек, го собори младинскиот рекорд под 18 години, за време на Балканското Првенство за Млади Младинци во Марибор, Словенија на 06.07.2024г.
200м – Млади Младинци
Марко Алексовски од АК Центар со резултат 22.29сек, го собори младинскиот рекорд под 18 години, за време на Купот на Македонија за Младинци на 14.09.2024г. Скопје
300м – Млади Младинци
Марко Алексовски од АК Центар со резултат 35.12сек, го собори младинскиот рекорд под 18 години, за време на Купот на Македонија за Пионери на 21.09.2024г. Скопје
Скок во Далечина – Млади Младинци
Брајан Авиа од АК 7ми Мај со скок од 6.94м, го собори младинскиот рекорд под 18 години, за време на атлетскиот митинг во Босна и Херцеговина на 17.06.2024г.
Скок во Височина – Млади Младинци
Брајан Авиа од АК 7mi Maj со резултат 2.01м, го собори младинскиот рекорд под 18 години, за време на атлетскиот митинг во Белград Србија на 19.01.2024г.
Во категорија Пионери :
400м – Пионери
Дамјан Ѓоргиевски од АК Работнички со резултат 51.89сек, го собори младинскиот рекорд под 16 години, за време на Купот на Македонија за Младинци на 14.09.2024г. Скопје
(Видео) Има преживеани во авионот што се урна во Казахстан: во леталото имало 72 лица
Во патничкиот авион што се урна во Казахстан имало 72 лица, соопшти тамошната служба за итни случаи. Според првите податоци...
(Видео) Се урна патнички авион, испратил СОС сигнал над Каспиското Море: драма во Казахстан
Се урна патнички авион на АЗАЛ кој летал од Баку за Грозни, јавува АПА. Авионот испратил сигнал „СОС“ над Каспиското...
Само оваа година во Саудиска Арабија беа егзекутирани најмалку 330 луѓе: бројот на казните нагло се зголеми, една третина се странци
Најмалку 330 луѓе беа егзекутирани оваа година во Саудиска Арабија, што е најголем број на егзекуции досега забележани, покажуваат податоците...
Данска ја зајакнува одбраната на Гренланд по изјавата на Трамп дека сака да го купи: купуваат дронови и бродови, инвестираат големи пари
Данската влада најави огромно зголемување на буџетот за одбрана на Гренланд, неколку часа откако новоизбраниот американски претседател Доналд Трамп ја...
Забрана за сообраќај за тешки товарни возила на неколку патни правци
Како што извести АМСМ, забрани за сообраќај за тешки товарни возила има на патните правци Крива Паланка – г.п.Деве Баир,...
(Видео) Масовен руски напад врз Харков: одекнаа десетина експлозии, објавени првите снимки
Русија изврши масовен ракетен напад врз градот Харков во источна Украина, каде во средата наутро беа пријавени серија експлозии. „Од...
Антикорупциска нема да постапува против директорот на АНБ, Бојан Христовски – за веродостојноста на сертификатот велат дека не се надлежни
Антикорупциската комисија го затвори предметот за именувањето на директорот на АНБ, Бојан Христовски. За сертификатот по англиски јазик, издаден од...
Одлуката за притвор за Груби останува во важност: Кривичниот суд ја одби жалбата
Кривичниот совет при Основниот кривичен суд Скопје, ја одби жалбата на одбраната на поранешниот вицепремиер, Артан Груби. „Кривичниот совет при...
Мицкоски најави робусна акција и за покачените цени: Апелирам големите трговски синџири да се преиспитаат, срамота е ова што го прават пред празниците
Вонредни инспекции и робусна акција ќе има во следниот период против девијантното однесување на маркетите, кои на сметка на новогодишната...
72-годишна скопјанка загина по удар од возило: била прегазена на раскрсница
Синоќа во 20.15 часот во СВР Скопје било пријавено дека на крстосницата од бул.„Партизански одреди“ и ул.„Франклин Рузвелт“ во Скопје,...
(Видео) ДПМНЕ го пушти Груби да избега: „случајно“ не работеле камерите, „случајно“ полицајците не знаеле кого треба да проверуваат, „случајно“ згрешил службеникот на границата, вели Кузеска
„Со потсмев ги следиме обидите на ДПМНЕ да ја префрли вината за бегството на Груби врз СДСМ. Тоа е само...
Мисајловски најави вработувања: В година ќе има оглас за 300 нови професионални војници и 60 луѓе со цивилни факултети
В година Армијата ќе вработи нови професионални војници, граѓани со цивилни факултети, но и администрација потребна на Министерството за одбрана,...
По 12 години пауза, Скопје ќе се поврзе со авиолинија со Амстердам
ТАВ Македонија, подружницата на ТАВ Аеродроми, објави дека по 12 години пауза Скопје ќе се поврзе со авиолинија со Амстердам,...
(Видео) Снежно невреме парализира колона возила со 70 лица во БиХ, спасувачката акција траеше 10 часа
Снегот кој непрекинато паѓа повеќе од 24 часа во поголемиот дел од БиХ, денеска предизвика бројни потешкотии во патниот сообраќај,...
СДС и Венко Филипче знаеја, молчеа и го одобруваа криминалот на Груби, вели ВМРО-ДПМНЕ
„СДС му слугуваа на ДУИ и на Артан Груби. Тоа го знаат сите и се беше на очиглед на целата...
Храната е прескапа, со ДПМНЕ и Мицкоски граѓаните осиромашуваат, велат од СДСМ
„Храната е прескапа, цените на основните производи вртоглаво се зголемуваат. Освен трговците граѓаните немаат никаква корист од новогошната кошничка. Последните...
Најмногу снег на Попова Шапка
Утрово најладно било на Попова Шапка каде што се измерени -5 степени. -2 било во Маврови Анови, -1 во Тетово...
Судењето за обидот за атентат врз Трамп е одложено
Американски судија го одложи судењето на осомничениот за вториот атентат на новоизбраниот претседател Доналд Трамп до септември 2025 година, според...
Израел првпат потврди дека стои зад атентатот на лидерот на Хамас
Израелскиот министер за одбрана Израел Кац за прв пат потврди дека Израел стои зад атентатот на лидерот на Хамас Исмаил...
Зеленски: Бројот на загинати и ранети севернокорејски војници надмина 3.000
Украинскиот претседател Володимир Зеленски соопшти дека бројот на загинати и ранети севернокорејски војници во областа Курск надминува 3.000 луѓе. „Постојат...
