Спорт
Неверојатен натпревар на Лука Дончиќ за 49. трипл-дабл во кариерата
Лука Дончиќ повторно го водеше Далас до триумф постигнувајќи нов рекорд кој го издигнува на шестото место на вечната листа во НБА лигата. Тој дојде до 49. трипл-дабл во кариерата и четврти со најмалку 40 поени.
За споредба, сите останати кошаркари во историјата на Маверикс имаат комбинирано 40 вакви настапи.
Словенечкиот претставник на теренот мина речиси 38 минути и за тоа време постигна 42 поени (13/22) од поле со 13 скока, 10 асистенции и две загубени топки и по една украдена топка во победата на Далас од 117-112. Тој е единствениот кошаркар, заедно со Тре Јанг и Џа Моренто, кој е во топ 10 кога се во прашање и поени и асистенции.
Luka Doncic made history logging his 4th career 40+point triple-double as he powered the @dallasmavs to the W! #MFFL@luka7doncic: 42 PTS, 13 REB, 10 AST, 2 STL pic.twitter.com/sfG7LbeHDt
— NBA (@NBA) November 13, 2022
Го следеше Спенсер Динвиди со 20 поени, седум скока и шест асистенции, додека Кристијан Вуд имаше 19 поени и пет скока.
На другата страна најдобар беше Џерами Грант со 37 поени и шест скока, а Демиен Лилард додаде 29 поени, седум скока и 12 асистенции.
Ова беше седма победа за Далас во 12 меча, додека Портланд и покрај поразот е подобро рангиран со девет победи во 13 меча.
НБА лига резултати:
Лос Анџелес Клиперс – Бруклин 95:110
Вашингтон – Јута 121:112
Детроит – Бостон 108:117
Индијана – Торонто 118:104
Филаделфија – Атланта 121:109
Мајами – Шарлот 132:115
Далас – Портланд 117:112
Њу Орлеанс – Хјустон 119:106
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.
Спорт
Брест не може на својот стадион да биде домаќин во ЛШ
Најголемото изненадување во Франција, Брест, кој како трет во француското првенство директно се пласираше во Лигата на шампионите, европските натпревари ќе ги игра на стадионот „Стад де Рудуру“ во Генгамп, најави градоначалникот на Брест, Франсоа Куиландре. Иако во игра беше и „Роажон парк“ во Рен, Куиландре истакна дека Рудуру е „најблискиот стадион до Брест“.
„Жал ми е што не е во Ле-Бле, но исто така ја зајакнува нашата идеја за изградба на нов стадион“, додаде тој.
„Стад Франсис-Ле-Блеу“, каде Брест игра во Лига 1, не ги исполнува стандардите што ги бара УЕФА за натпревари од Лигата на шампионите, особено затоа што три од неговите четири трибини се цевчести структури, што е забрането со континенталните прописи.
По техничкиот преглед на крајот на април, УЕФА го извести Брест дека, доколку не се изведат градежни работи, ќе им дозволи да играат на совјот стадион но тогаш капацитетот би бил само 5.000 места.
Брест мора да ја извести УЕФА до 22 мај каде ќе биде домаќин.
Брест пред неколку години започна проект за изградба на нов стадион со 15.000 седишта, чија изградба е планирана за 2025 година и кој не треба да биде завршен пред 2027 година.