Спорт
Првпат во историјата на фудбалот: На СП во Катар ќе судат и жени
На Светското првенство во Катар фудбалската правда ќе ја делат 36 судии, 69 помошници и 24 ВАР судии. Првпат во 92-годишната историја на светските првенства, на списокот има и шест жени – три главни судијки и три помошнички.
Честа да бидат главни судии на најголемото фудбалско шоу во светот ќе ја имаат Французинката Стефани Фрапар, Салима Мукансанга од Руанда и Јапонката Јошими Јамашита, а како помошници ќе бидат Бразилката Неуза Бак, Мексиканката Карен Дијаз Медина и Американката Кетрин Несбит.
„Со ова се заокружува процесот што го почнавме пред неколку години со воведување на женски судии на машките натпревари, прво во младинските категории, а потоа и кај сениорите. Сите тие си го заслужија своето место на Светското првенство бидејќи секогаш судат на високо ниво. Како и секогаш, нашата селекција на судиите се заснова пред се на квалитетот“, изјави неодамна претседателот на судиската комисија на ФИФА, Пјерлуиџи Колина.
„Навистина сум трогната бидејќи ништо не може да биде поголемо од Светското првенство“, изјави 38-годишнината Фрапар.
Таа беше првата жена што судеше во француската Лига 1 во 2019 година, истата година кога го водеше финалето на Светското првенство за жени во нејзината родна земја. Таа го судеше и Суперкупот на Европа во 2019 година помеѓу Ливерпул и Челси, а пред две години стана првата жена која го судеше во Лигата на шампионите, а потоа и во финалето на Купот на Франција оваа година.
„Веќе не се работи за вашиот пол, туку за вашата способност“, додава Французинката.
Јамашита, која е две години помлада од Фрапар, имаше сличен развој во елитното ниво на јапонскиот фудбал, со што стана првата жена која судела натпревар од Лигата на шампионите во Азија во 2019 година.
Јамашита вели дека судењето на Светското првенство е „голема одговорност, но среќна сум што ја имам“, додавајќи дека „никогаш не замислувала“ дека ќе и се даде таква можност.
34-годишната Руанда Мукансанга (34) 20 години веќе судеше во домашната женска фудбалска лига во својата земја. Судеше на Олимписките игри во Токио, Светското првенство за жени, африканската женска Лига на шампиони, а оваа година стана првата жена која судела натпревар на Африканскиот куп на нации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Без победник во Минхен, Реал е поблиску до големото финале
Баерн Минхен и Реал Мадрид одиграа 2:2, во првиот полуфинален натпревар во Лигата на шампионите. На „Алијанц арена“ во Минхен, Реал се спаси од пораз во 84.минута, кога Винисиус Жуниор од пенал го изедначи резултатот. Претходно, Бразилецот погоди за Реал во 24.минута, а Баерн во вториот дел, во само четири минути со головите на Сане и Кејн од пенал, направи пресврт.
Натпреварот на „Алијанц Арена“ беше извонреден, онака како што двете екипи сезонава играат во Лигата на шампионите.
На крајот заврши без победник, што пред реваншот на „Сантијаго Бернабеу“ му носи поголема предност на „кралскиот клуб“.
Сепак, Баерн покажа дека не е за отпишување и ќе има што да каже за осум дена во шпанската престолнина.
Спорт
Ферари демне: Наскоро ќе биде официјално – Њуи си заминува од Ред Бул
Еден од најзаслужните за успехот на Ред Бул во Формула 1 шампионатот, главниот инженер на австрискиот тим Адријан Њуи ќе го напушти актуелниот шампион во конкуренција на конструктори.
Како што пренесуваат многу европски медиуми, се е договорено и се очекува Ред Бул да ја потврди оваа вест пред почетокот на Големата награда на Мајами.
Њуи е најуспешниот дизајнер на автомобили во модерната Формула 1 и е член на Ред Бул од неговото основање во 2006 година. Причините за разделбата се наводно незадоволство од улогата што ја има во тимот и несогласување со тимскиот шеф Кристијан Хорнер.
Овој 65-годишник има актуелен договор кој е со важност до крајот на 2025 година, а за тоа досега не се огласил. Исто така, Ферари наводно веќе разговарал со Њуи и му испратил понуда за соработка.
Покрај загубата што би ја претставувало заминувањето на Њуи, тоа исто така потенцијално би го доведе во прашање статусот на трикратниот последователен светски шампион Макс Верстапен, кој е бескомпромисно лојален на Њуи и советникот Хелмут Маркo.
Њуи учествуваше во освојувањето на седум титули за возачи и шест конструктори за Ред Бул.
Во генералниот пласман сега води Верстапен со 110 бодови, а зад него е соиграчот Перез со 85.
Овогодинешниот шампионат во Формула 1 продолжува со Големата награда на Мајами од 3 до 5 мај.
Спорт
Турски милионер го купува Марибор
Турскиот милионер Ацун Иликали наскоро ќе го заврши преземањето на словенечки Марибор.
„Ги почитувам и другите клубови, Мура е успешен клуб, Олимпија е добро познато име во Европа, исто така и Марибор“, изјави тој за Спортклу Словенија“.
„На крајот морате да донесете одлука, баравме и размислувавме два месеци, но сега мислам дека тимот и јас одлучивме дека ова е вистинскиот проект со одлични навивачи, одлични луѓе и голем град. Ми беше многу важно да имам аеродром во близина бидејќи постојано патувам. Мал аеродром да доаѓам и заминувам, а работа да не трпи. Јас сум луд по фудбал и сакам да гледам што повеќе натпревари“.
Ова значи дека Марибор за прв пат во својата историја ќе има странски инвеститор.
Марибор 16 пати беше шампион на Словенија, освои девет Купа и четири словенечки Суперкупа, а три пати играше во групната фаза од Лигата на шампионите. Сезонава не им оди баш најдобро, се само третопласирани зад Целје и Олимпија.
Иликали веќе е сопственик на англиски Хал Сити, а претходно раководеше со холандската Фортуна Ситард и ирскиот Шелбурн.
Сопственик е на ТВ каналите TВ8 и TВ8.5, како и на турската дигитална платформа „Ексен“. Од 2018 до 2021 година тој беше на листата на 500 највлијателни бизнисмени во медиумскиот и забавниот сектор.