Свет
Британскиот премиер ѝ понуди поддршка на Украина на состанокот на Г20, ќе се сретне и со Лавров
Британскиот премиер Риши Сунак ја поддржа Украина на самитот на Г20 велејќи дека режимот на рускиот претседател Владимир Путин ќе се соочи со усогласено глобално противење на неговите постапки.
Активностите на Русија нè загрозуваат сите нас“, рече Сунак на самитот во Бали, Индонезија. „Додека на украинскиот народ му ја даваме потребната поддршка, истовремено ја користиме целата широчина и длабочина на британската експертиза за да се заштитиме себеси и нашите сојузници“, додаде тој.
Британскиот премиер и неговите колеги на средбата оваа недела ќе истакнат дека улогата на Русија во меѓународниот систем нема да биде онаква каква што беше сè додека трае војната во Украина, соопшти владата.
Сунак пристигна на самитот в понеделник и се очекува да се сретне со рускиот министер за надворешни работи, Сергеј Лавров, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.