Свет
Доналд Трамп и претседателските избори: „Враќањето на Америка почнува токму сега“
Поранешниот американски претседател Доналд Трамп ја почна својата трета претседателска кампања за Белата куќа велејќи: „Враќањето на Америка почнува токму сега. Мора да ја спасиме нашата земја“.
Синоќа, во салата на неговиот приватен клуб на имотот на Флорида, Трамп официјално потврди дека влегува во кампањата за претседателските избори во 2024 година, каде што, сосема веројатно, повторно би можел да го има Џозеф Бајден, кој го победи во 2020 година како негов противник.
Трамп сега има 76 години, а Бајден за неколку дена ќе наполни 80 години.
Се разбира, Трамп првин треба да ги победи другите потенцијални кандидати во Републиканската партија, а медиумите претходно ја споменаа можноста гувернерот на Флорида, Рон Десантис, кој ја врати довербата на гласачите на минатонеделните избори, да размисли за претседателска кандидатура.
Трамп веднаш му порача на три децении помладиот Десантис да не размислува ни за тоа бидејќи, како што рече, тоа нема да ѝ се допадне на базата на партијата.
Трамп ја почна својата трета претседателска кампања за Белата куќа велејќи: „Враќањето на Америка почнува токму сега. Мора да ја спасиме нашата земја“.
Објавата на Трамп за неговата претседателска кандидатура дојде откако некои републиканци ја обвинија слабата работа на партијата на минатонеделните избори за Конгресот во САД.
Иако беше најавен црвен бран – црвената е бојата на републиканците – што ќе ги преплави демократите во Конгресот, тоа не се случи.
Републиканците имаат предност во Претставничкиот дом, но сепак го немаат потребното мнозинство за целосна контрола, а демократите го задржаа Сенатот.
„За да ја направам Америка повторно голема и славна, вечерва ја објавувам мојата кандидатура за претседател на САД“, најави Трамп.
„За милиони Американци, изминатите две години под Џозеф Бајден беа време на болка, тешкотии, вознемиреност и очај. Ние сме нација во опаѓање“, додаде тој.
Непосредно пред говорот тој достави документи до Сојузната изборна комисија, со кои официјално се изјасни за кандидатурата за претседател и отвора сметка за собирање средства.
Во меѓувреме, пред Мар-а-Лаго, неговиот имот, се поддржувачите на претседателската кандидатура на Трамп.
Говорот на Трамп траеше повеќе од еден час и се осврна на многу исти теми што тој ги повторува со месеци, како што се безбедноста на границите, енергетската независност и борбата против криминалот, но и справувањето со корупцијата во администрацијата на Бајден, односно матноста во работата на неговиот син.
На крајот од говорот, на сцената му се придружи и неговата сопруга Меланија Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Пасатот“ го паркирал во море: капачите во Неум изненадени од несекојдневна сцена
Арогантното паркирање по улиците на градовите во БиХ веќе е секојдневие, но не се гледа често некој да паркира автомобил во морето, пишуваат тамошните медиуми.
Според написите, токму таква неверојатна слика ги изненадила неколкуте капачи на плажата во Неум, кои гледале како „Пасат“ буквално влегува во морето.
Според фотографиите објавени на социјалните мрежи, возачот го паркирал автомобилот во морето за да го извади скутерот на вода од приколката.
Фотографиите од автомобилот според медиумите, брзо се рашириле на Интернет, а корисниците на социјалните мрежи коментираат дека никогаш не виделе нешто слично.
Свет
Свештеник во Флорида гризнал жена која се обидувала да се причести
Свештеник од Флорида се соочува со обвиненија за напад откако гризнал жена за време на неделната миса.
Жената дошла на мисата во 10 часот, која се одржала во црквата Свети Тома Аквински и се обидела да се причести, објави епархијата Орландо, како што пренесува „NBC News“.
Свештеникот и рекол дека не се подготвила соодветно за причест, и дал благослов и ја замолил да си оди.
Жената подоцна се вратила и се обидела повторно да се причести, велат од бискупијата, а кога Родригез ја прашал дали ги презела сите неопходни чекори за да се причести, таа му рекла дека тоа не е негов проблем.
Свештеникот потоа ја причестил. „Во тој момент жената ја ставила раката во сад што го држел свештеникот, тој се обидел да ја оттурне со слободната рака, по што жената го оттурнала. Свештеникот ја каснал за раката“, наведуваат од епархијата.
Полицијата го истражуваше инцидентот во црквата и го сомничи Родригез за злоупотреба, пренесува медиумот.
Свет
Израелски министер: Мораме да ја продолжиме борбата и покрај наредбата на Меѓународниот суд на правдата
И покрај денешната наредба на Меѓународниот суд на правдата. Израел веднаш да ги прекине воените операции во градот Рафаh, во Појасот Газа, израелскиот министер Бени Ганц, член на Воениот кабинет, изјави дека Израел мора „да ја продолжи борбата“.
Ганц телефонски разговарал со американскиот државен секретар Ентони Блинкен од штабот на израелската армија во Тел Авив, а потоа најавил дека Израел ќе продолжи „да постапува во согласност со меѓународното право“ во Рафа – пренесоа израелските медиуми.
„Државата Израел води праведна и неопходна кампања откако бруталнаta терористичка организација масакрира наши граѓани, силуваше наши жени, киднапираше наши деца и испука ракети во центарот на нашите градови“, рече Ганц.
Тој тврди дека оваа земја е „должна да ја продолжи борбата за враќање на своите граѓани“ кои се заложници на Хамас и да ја обезбеди безбедноста на сите граѓани насекаде, вклучително и Рафах.
„Ние ќе продолжиме да дејствуваме во согласност со меѓународното право во Рафах и каде и да оперираме и ќе правиме напори да избегнеме повреди на цивили, не поради Хашкиот трибунал, туку пред се поради тоа што сме ние“, најави Ганц, поранешен началник на Генералштабот на Израел.
Лидерот на израелската опозиција Јаир Лапид ја осуди наредбата на Меѓународниот суд на правдата бидејќи тој суд не го поврза барањето за прекин на воената акција со барањето за враќање на израелските заложници приведени во Газа.
Лапид, кој е остар критичар на премиерот Бенјамин Нетанјаху, рече дека „неуспехот на тој суд“ на ОН да ги поврзе овие две работи е „морален колапс и морална катастрофа“.