Македонија
ВМРО-ДПМНЕ: СДС е најбугарската партија во Македонија

„СДС е најбугарската партија во Македонија, тие не се оградија од ставот на Заев и коалицискиот партнер Георгиевски дека Бугарите биле ослободители. Првин Заев, сега и Георгиевски вели дека Бугарите се ослободители. Ковачевски само ги следи и спроведува нивните политики. Ковачевски е послушник на Заев и Георгиевски и затоа не смее да ги осуди негаторските изјави на неговите ментори“, соопштија од опозициската ВМРО-ДПМНЕ.
Од таму апелираат „Ковачевски да се образува историски, да смогне сили и да се одрече од коалицијата со луѓе што тврдат дека Скопје е ослободено заедно со Бугарите, а во крајна линија што побргу да распише предвремени парламентарни избори, на кои, конечно, комунистичката партија СДС ќе замине од политичката сцена во Македонија, а на сцена ќе дојдат политиките на ВМРО-ДПМНЕ, кои ќе носат иднина за Македонија“.
„СДС е најбугарската партија, која предводи пробугарска коалиција. Жални и очајни се сите тезите на СДС, тие се партијата чиј претседател Заев рече дека македонскиот јазик и бугарскиот се ист јазик. Тие се партија која е во коалиција со Љубчо Георгиевски. СДС, злоупотребувајќи ја историјата, им донесе болна сегашност на македонските граѓани“, велат од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од скопски Карпош

ЈП Водовод и Канализација известуваат дека денеска ( четврток) поради изведување на водоводен приклучок од ф – 100 мм на ул. Осло бр. 15б, во периодот од 09.00 часот па се до завршување на работата, без вода ќе останат корисниците од ул. Осло. ( општина Карпош )
Македонија
Катерина Мирчовска именувана за нова директорка на болницата во Кочани

Катерина Мирчовска е именувана за нова директорка на болницата во Кочани, објави директорот на ФЗОМ, Сашо Клековски.
„Силно лидерство за болницата во Кочани!
Вчера за директорка на Општата болница Кочани е именувана Катерина Мирчовска, хирург. Веста помина штуро, со појаснување дека тоа е на барање на повредените од трагедијата за Кочани.
Катерина ја запознав низ работата за повредените од трагедијата во Кочани. Импресионира на прв впечаток. Полна со енергија, посветена, професионална, со големо срце, ги знае во детали сите најразлични потреби на повредените. Катерина се откажа од својот трансфер во ГОБ 8 септември Скопје за да се посвети на повредените“, објави Клековски на „Фејсбук“.
Тој додава дека Катерина е најдобар можен избор за водење на болницата во периодот на опоравување на повредените и ветува силно лидерство за болницата во овој критичен период.
Македонија
Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот „Украина – Југоисточна Европа“ што се одржа во Одеса, Украина.
Самитот, кој беше отворен од претседателот на Украина, Володимир Зеленски, претставува продолжение на претходните средби одржани во Атина, Тирана и Дубровник, со учество на високи претставници од земјите на Југоисточна Европа. Главната цел на самитот е поддршка за Украина и зајакнување на регионалната соработка и безбедноста.
Во своето обраќање, вицепремиерот Меџити изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Вицепремиерот Меџити ја нагласи и посветеноста на земјата за продлабочена регионална соработка и изградба на безбедна, мирољубива и демократска Европа.