Спорт
Холанѓанките ја декласираа Црна Гора и ги задржаа шансите да играат за петто место на ЕП
Женската ракометна репрезентација на Холандија убедливо ја победи Црна Гора (42:25) и остана во игра за натпревар за петтото место на Европското првенство што може да донесе и настап на следното Светско првенство.
Сега Холанѓанките треба да чекаат победа на Франција против Шпанија за да играат за петтото место на ЕП.
Црногорките на овој меч ги одморија своите најдобри ракометарки затоа што веќе се пласирани ви полуфиналето.
Смитс кај Холандија беше најефикасна со седум гола, пред Ван Дер Хајден со шест. Јауковиќ беше убедливо најдобра на теренот, постигнувајќи 11 гола за Црна Гора.
Шведска ја победи Хрватска со 31:27 и ќе игра дефинитивно за петтото место на ЕП 2022. Хагман со осум гола беше најефикасна во победничката селекција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мурињо во шок: „Скандал, скандал, скандал, вакво нешто не сум видел во 25-годишната кариера“
Тренерот на Фенербахче, Жозе Мурињо изрази видливо незадоволство од состојбата во турскиот шампионат.
„Скандал, скандал, скандал“, грмеше Мурињо на прес-конференцијата откако актуелниот шампион Галатасарај го победи Гезтепе со 2-1.
Како што беше соопштено, многу судиски одлуки отидоа во корист на Галатасарај, што влијаеше на конечниот исход.
На домаќинот му беше досуден пенал во сомнителна ситуација, додека на другата страна тоа не беше случај кај очигледното играње со рака на Лукас Тореира.
По мечот изби познатата војна на изјави, а се вклучи и Мурињо.
„Единствено што можам да кажам е дека во мојата 25-годишна тренерска кариера, никогаш не сум видел вакво нешто. Ова е димензија која оди подалеку од сè што е разбирливо. Мислам дека ова не е ситуација во која еден клуб, борец, ќе уништи состав кој е неверојатно силен и ефикасен. Сите говореа исто: ‘Скандал, скандал, скандал’, научив нов збор“, рече па продолжи:
Скандал, скандал, но мислам дека на некои од вас ви се допаѓа. Во оваа земја го сакаат. Тоа го сакаат дури и победниците, што е најлошо, затоа што да се победи по секоја цена и на овој начин е најлошо. Немам што да кажам за посветеноста на играчите. Во смисла на доверба и чувство дека нешто е токсично? Чувствуваме, очигледно чувствуваме, но мислам дека и противниците тоа го чувствуваат“, рече Мурињо.
Фенербахче заостанува осум бода зад Галатасарај, кој по 17 одиграни натпревари се уште е непоразен.
РЕ-Наши фаци
(Видео) Македонските ракометари со распеана божиќна честитка пред патувањето во Хрватска
Македонските ракометари го честитаа големиот празник Божиќ и запеаја песна пред нивното патување во Хрватска.
Открија дека како мали му пишувале писма на Дедо Мраз, а омилена божикна песна им е „Елко, елко“, која и ја запеаја.
Утре од 20:15 часот во Вараждин, ќе се одигра пријателскиот натпревар против Хрватска.
Повеќе во ВИДЕОТО.
РЕ-Џет сет
Медведев стана татко по вторпат
Рускиот тенисер Данил Медведев изненади со новогодишна честитка за 2025 година.
Медведев ретко е виден во јавноста, не учествува на ниту еден подготвителен турнир за Австралија опен, а сега е позната причината.
Данил стана татко по вторпат.
Тој објави фотографија од болница, на која се гледаат тој, неговата ќерка Алиса и бебето.
Светскиот рекет број пет е видно отсутен и допрва треба да отпатува за Мелбурн.
Првиот Грен слем е закажан за 12-26 јануари, а Медведев минатата сезона стигна до финалето каде по голем пресврт беше поразен од Јаник Синер.