Европа
Германската армија се подготвува за можен конфликт со Русија
Германската армија по повод војната во Украина планира голема реорганизација на својата армија, објави германскиот неделник „Шпигел“.
Генералот Еберхард Корн уште во септември нареди подготовка на армијата за претстојниот конфликт со Русија и дека одбраната на земјата и НАТО мора да биде во центарот на тие планови во иднина.
„Нападите врз Германија би можеле да следуваат потенцијално без предупредување и со големо влијание на штета“, се наведува во документот со наслов „Оперативни упатства за армијата“.
Тој додаде дека нема сомнеж оти способноста за одбрана на националниот и територијалниот сојуз ќе биде клучна за опстанокот и ќе стане уште поважна од порано.
Армијата мора, како што наведува Корн, да биде подготвена за наметната војна.
Странските мисии треба да бидат помалку важни во иднина бидејќи сега, како што се вели, многу поважно е вистинското одвраќање.
Во документот генералот наведува голема реформа на армијата – далеку од странските мисии и кон националната и кон сојузничката одбрана.
„Тридеценискиот фокус на странските мисии, како во Авганистан, повеќе не одговара на сегашната ситуација со нејзините изненадувања опасни за системот“, пишува Корн.
Наместо тоа, наведува тој, „одбраната на сојузот, вклучително и способноста да се обезбеди видливо и веродостојно одвраќање, ќе доминира во германската воена акција“.
Бидејќи директен конфликт на источното крило на НАТО стана „повторно поверојатен“, Германија мора да игра пионерска улога во Европа и да ги направи своите вооружени сили посилни.
Германскиот генерал затоа смета дека треба да се зајакне источното крило на НАТО: Естонија, Летонија, Литванија и Полска, пренесе „Телеграф.рс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.