Спорт
Роналдо удри по Тен Хаг: Извини, но јас не сум играч за три минути
Кристијано Роналдо признава дека можеби не требал да реагира со одбивање да влезе во игра против Тотенхем, но посочува дека бил испровоциран од менаџерот Ерик Тен Хаг и дека одлуката на клубот да го казни со тридневна суспензија била „престрога“.
„Жалам што си заминав од стадионот. Можеби, или можеби не, не знам. Тешко е да се кже дека жалам, но исто така да посочам дека бев испровоциран од тренерот. Да ме стави во игра во послендите три минути од мечот. Извини, но јас не сум таков играч. Знам што можам да дадам за тимот. Се извинив на соиграчите, објавив на Инстаграм. Но, тренерот не ме респектираше. Затоа е односот таков. Тој велеше за медиумите дека зборувал со мене, бла, бла, но тоа е само за пред новинарите. 100 отсто“, вели Роналдо.
По инцидентот со Тотенхем, Роналдо беше суспендиран три дена и не беше во тимот за 1:1 ремито со Челси. Но, веднаш потоа, тој беше вратен во тимот и играше на мечевите со Вест хем и Астон вила (како капитен), како и во мечевите со Шериф и Реал Сосиедад во Лига Европа.
„Мислам дека ова беше стратегија од клубот да реагирам така. Навистина сум разочаран од реакцијта на Манчестер јунајтед. Никогаш не сум имал проблем во моите клубови, со ниту еден тренер. И ме суспендираат на три дена, што беше премногу. Тоа беше штета. Се вратив дома и Кристијано ме праша: ‘Тато, не одиш на мечот’. Му кажав: ‘Не, бидејќи ме казнија три дена’. Тој се смееше: ‘Ти си најдобриот играч на светот и нема да играш’. Му кажав: ‘Не се однесував убаво’“, додава Роналдо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024
Спорт
Де Зерби заминува од Брајтон
Италијанскиот тренер Роберто де Зерби (44) ќе го напушти Брајтон на крајот од актуелната сезона, потврдија од клубот.
Де Зерби ќе се прости од навивачите на неделниот натпревар помеѓу Брајтон и Манчестер јунајтед.
Италијанецот го предводеше Брајтон од средината на септември 2022 година.
Ќе биде интересно да се види каде Де Зерби ќе ја продолжи кариерата. Медумите тврдат дека заминува бидејќи има понуда од некој поголем, посилен и поамбициозен клуб.
Спорт
(Видео) Баер без пораз ја заврши сезоната, дебакл на Баерн Минхен, Унион Берлин се спаси од испаѓање
Заврши сезоната 2023/2024 во Бундес лигата. Последното 34. коло го даде конечниот одговор на сите непознати. Најдраматично беше во борбата за опстанок, покрај Дармштад од лигата испадна Келн, а Бохум ќе игра бараж за опстанок против Фортуна Диселдорф. Унион Берлин на волшебен начин се спаси, победи против Фрајбург со 2:1 и покрај тоа што голманот на Франјбург одбрани два пенали. На табелата зад Баер Леверкузен заврши Штутгарт, а Баерн Минхен лошата сезона ја заврши со пораз кај Хофенхајм.
Унион Берлин сезонава играше во Лигата на шампионите, а во Бундес лигата едвај се спаси од испаѓање. Со победата над Фрајбург од 2:1, Унион го избегна баражот за опстанок. Фрајбург со овој пораз остана без место во европските купови и тажно се прости од тренерот Кристијан Штрајх (тој беше тренер на првиот тим од 2011 година).
Унион промаши два пенали но по вториот (го изведе Фоланд во 90+3. минута), Јаник Хаберер налета на топката трча и го постигна голот за опстанок.
Новиот шампион Баер Леверкузен ја заврши сезоната во голем стил, без ниту еден пораз. „Фармацевтите“ го пречекааа Аугсбург и победија со 2:1. Тоа беше 28-та победа во една незаборавна сезона, со шест ремија за тимот на Чаби Алонсо.
Финалистот во Лигата на шампионите, Борусија Дортмунд, убедливо го совлада одамна отпишаниот Дармштад, а капитенот Марко Ројс го постигна прошталниот гол на „Вестфален“.
.
И Штутгарт одигра сезона за паметење. „Швабите“ убедливо славеа над Борусија Менхенгладбах (4:0). Два гола постигна фантастичниот Гираси.
Баерн и во последното коло ги разочата своите навивачи и покрај тоа што кај Хофенхајм по само шест минути водеше со 0:2.
Баерн во второто полувреме со хет-трик го нокаутира хрватскиот напаѓач Андреј Крамариќ. Два од трите гола Крамариќ постигна по лошите рекции на Мануел Ноер.