Спорт
Федерер: Напорниот тениски календар влијае лошо на менталното здравје
Легендарниот освојувач на 20 гренд слем титули, Роџер Федерер вели дека напорниот календар на АТП и ВТА турнеите придонесува негативно на менталното здравје на тенисерите и тенисерките. 41-годишниот Федерер се повлече од спортот оваа година по повеќе од 20 години како професионален меч, и признава дека бркањето на победи и титули секоја недела има своја цена.
„Треба да покажеш сила, но ние не сме машини, туку сме обични луѓе. Кога некој тенисер ќе се пензионира млад, имам целосно разбирање за него. Го гледаме тоа од време на време и мислам дека е штета што ќе продолжи така. Турнејата е тешка – патувањето, тренинзите… Никој не смее да каже:’Денеска сум уморен’, бидејќи ако покажеш дека си слаб, ќе загубиш. Така остануваш со ментални проблеми“, вели Федерер при посетата на Јапонија.
За менталните проблеми во тенисот повеќе се зборува во последно време, откако Наоми Осака и Ник Кирјос признаа дека се мачат постојано, додека Австралијката Ешли Барти се пензионираше само два месеци откако ја освои титулата од Австралија на само 25 години. Федерер вели дека стриктниот анти-допинг режим, со кој тенисерите и тенисерките треба секојдневно да ги информираат анти-допинг властите каде се, не помага.
„Секој ден пополнуваш формулар за тоа каде ќе си еден час по полноќ во текот на денот. И мораш да бидеш свесен дека еден ден може да се појават токму тогаш. Таа мисла е постојано со тебе“, додава Федерер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Ова е совршено изведен пенал
Многумина тврдат дека ова е најдобро изведениот пенал во историјата на фудбалот.
Често велат дека пеналите се лотарија и не постои перфектно изведен пенал. Сепак, за шутирање од белата точка е потребен и тренинг, а не само талент. И ако ги комбинирате двете, тој пенал навистина може да биде совршен.
Во шпанската Сегунда на четири кола пред крајот се води голема борба за пласман во Ла Лига. Во моментов водат Леганес и Ваљадолид со по 67 бодови, а зад нив е Еибар со 64 бодови.
Токму Еибар, викендов славеше со убедливи 5:0 против Аморебиета, а мечот го одбележа пеналот на Агер Акече.
Otro ángulo del gol de Aketxe. #SDEibar pic.twitter.com/n40j2V88t5
— El Milagro de Valencia (@EibarXtra) May 6, 2024
Спорт
Просинечки ги издвои најдобрите од поранешна Југославија, не го спомна Модриќ
Роберт Просинечки (55) пред три месеци стана селектор на црногорската фудбалска репрезентација. Откако ги победи Белорусија и Македонија во првите пријателски натпревари, тој одговараше на прашања за социјалните мрежи на Фудбалскиот сојуз на Црна Гора.
Најинтересен е одговорот на прашањето кое Црногорците го нарекоа ултимативно: Кој е најдобриот екс-ју фудбалер на сите времиња?
„Тешко ми е да го кажам. Знаете, ако кажам Дејо Савиќевиќ, тогаш ќе кажат дека тој е мојот претседател. Имаше многу добри играчи на овие простори, секој од нив обележа еден период. Ги имаше многу, за никој да не се налути или да помисли нешто. Имаше неверојатен број на одлични играчи од генерацијата на Хрватска, а да не зборуваме за играчите кои направија неверојатни кариери, играа во најголемите клубови толку години, па тешко ми е да кажам кој е најдобриот, но еден од нив е Шукер, па Шукер, Бобан потоа Папе Сушиќ. Ова го кажав на брзина. Тоа беа играчите кои го обележаа фудбалот не само во Хрватска туку и во поранешна Југославија.”
Интересно, Просинечки не го ни спомна Лука Модриќ, единствениот добитник на Златна топка од просторот на поранешниот југ и најтрофејниот фудбалер во историјата на Реал.
Спорт
Словенец во рекорден трансфер доаѓа на „Сан Сиро“?
Милан во летниот преоден рок ќе остане без Оливие Жиру. Ветеранот како слободен играч се сели во САД, а клубот ќе мора да најде замена. Тројца играчи се поврзуваат со Милан: Бенјамин Шешко, Џошуа Зиркзе и Серху Гираси, а според медиумите рв пик е репрезентативецот на Словенија.
„Газета дело спорт“ во своето денешно издание пишува дека Шешко има излезна клаузула од 65 милиони евра, која може да се зголеми за дополнителни десет милиони доколку играчот не го напушти клубот во раната фаза од летниот преоден рок.
Овој извор пишува дека ситуацијата во Милан одамна е таква што клубот прво мора да заработи пари од продажба на играчи за да инвестира дел од нив во засилувања, како и дека многу англиски клубови се заинтересирани за Шешеко (20).
Словенецот оваа сезона постигна 16 гола на 40 натпревари.
Доколку трансферот биде реализиран, Милан ќе го урне клупскиот рекорд. Трансфер рекордот го држи Рафа Леао за кого клубот издвои 49 милиони евра.