Спорт
Последниот танц на Себастијан Фетел
Четирикратниот Ф1 светски шампион Себастијан Фетел и официјално ја заврши кариерата. Тој на крајот на јули годинава објави дека се пензионира на крајот на сезоната.
Денеска во Абу Даби заврши на десеттото место, освои еден бод и беше избран за возач на денот во неговата последна трка во кариерата. Како што обично се случува, Фетел ги „изгоре гумите“ и се повлече со многу аплаузи и овации.
A final flourish for Seb! #AbuDhabiGP #DankeSeb pic.twitter.com/X4NrZBQxZF
— Formula 1 (@F1) November 20, 2022
„Последните две години бев многу разочаран од моите спортски резултати, но бев исклучително среќен за се што ми се случи надвор од патеката. Многу сум привилегиран што имав можност да бидам тука и со тоа доаѓа и голема одговорност. Факелот им го предавам на помладите и среќен сум што можеме да влијаеме на луѓето и да пренесеме важни работи. Ви благодарам на сите за поддршката, пораките и писмата, сето тоа ќе ми недостига. Беше задоволство, благодарам“, изјави Фетел.
He always finds the right words #AbuDhabiGP #DankeSeb pic.twitter.com/k3FCOT5KFy
— Formula 1 (@F1) November 20, 2022
Фетел го држеше рекордот по бројот на победи во една сезона, имаше 13 триумфа во 2013. Сега рекордот му припаѓа на Макс Верстапен кој има 15 успеси оваа сезона.
Donuts for Seb too, and then a salute to the crowd ❤️#AbuDhabiGP #DankeSeb pic.twitter.com/zGm5Rw7IAg
— Formula 1 (@F1) November 20, 2022
Рекордот на Фетел од девет последовни победи во сезоната 2013 е сè уште недопирлив. Во 2011 година тој девет пати победуваше тргнувајќи од пол-позицијата, успех кој исто така е недостижен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).