Црна хроника
Четириесет навивачи нападнале малолетници во автобус во Скопје
Група од 40 лица членови на навивачката група „Комити“ околу 17 часот во автобус кој сообраќал на линијата број два без повод и причина нападнале неколку малолетни лица и го оштетиле автобусот, соопштуваат од МВР.
За време на натпреварот на ракометните екипи на „Вардар“ од Скопје и „Динамо Минск“ од Украина, кој се одржуваше во СЦ „Борис Трајковски“ повторно дошло до нарушување на јавниот ред и мир по меѓусебна пресметка на две групи од редовите на навивачката група „Комити“ кои фрлале ситни предмети кон теренот и гледалиштето.
По интервенција на полициските службеници, група навивачи почнале да ги навредуваат и омаловажуваат по што едно лице од групата извадило цврст предмет и со него погодило еден полициски службеник во глава од што полицаецот се здобил со видлива телесна повреда
По преземени мерки во врска со двата настана приведени се 21 лице од кои 12 малолетни.
Се работи на целосно расчистување на случајот по што ќе бидат поднесени соодветни поднесоци./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена жена во Охрид, разбојник ја турнал и ја ограбил
СВР Охрид поднесе кривична пријава против 36-годишниот Д.М. од Охрид поради постоење основи на сомнение за сторени кривични дела „разбојништво“ и „тешка кражба на дрзок начин“, извести СВР Охрид.
„Тој, на 28.03.2024 на улицата „Марко Нестороски“ во Охрид турнал 84-годишна жена од Охрид и ѝ одзел чанта со пари и лични документи. Притоа, таа паднала и се здобила со тешки телесни повреди. Исто така, пријавениот на улица „Богомолска“ на сличен начин од 65 – годишна жена одзел чанта со пари и лични документи“, соопшти СВР Охрид.
Црна хроника
Физичка пресметка меѓу охриѓанки: по кавга меѓу две деца, се истепаа мајките
Вчера во 14.50 часот во СВР Охрид е пријавено дека на улицата „Ванчо Питошески“ во Охрид, поради меѓусебно недоразбирање помеѓу две малолетни лица, нивните родители 36-годишната П.В. и 35-годишната М.Т., двете од Охрид, го нарушиле јавниот ред и мир со меѓусебна физичка пресметка, извести СВР Охрид.
По целосно документирање на настанот, ќе биде поднесена соодветна пријава.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.