Спорт
„Трите лава“ на Герет Саутгејт го понижија Иран
Англиската фудбалска репрезентација стигна до фантастична 6:1 победа над Иран во својот прв натпревар на Светското првенство, зголемувајќи ги надежите на „трите лава“ за добар мундијалски напад. Тимт на Герет Саутгејт беше доминантен во текот на целиот меч и тој може да биде загрижен само за повредата на дефанзивецот Хери Мегваер во второто полувреме.
На почетокот, Англичаните се жалеа на одлуката да не се досуди пенал по фаулот над Мегваер во шестнаесетникот, а потоа во 20. минута, следуваше долга пауза откако иранскиот голман Алиреза Беираванд се судри со свој соиграч и доби повреда на главата. По ова следуваше фуриозна игра на Англичаните. Тинејџерот Џуд Белингем го постигна својот прв гол во 30. минута, за до крајот на полувремето во листата на стрелците да се запишат и Букајо Сака во 43. и Рахим Стерлинг во 45. минута ја осигураа победата на Англија.
И покрај замените во тимот на Карлос Кеирош на стартот во второто полувреме, Сака во 62. минута го постигна својот втор гол за 4:0. Три минути подоцна Мехди Тареми постигна убав утешителен гол за Иран, за Маркус Рашфорд, само што влезе во игра во 76. минута доби убава топка од Хери Кејн за 5:1. Во самиот финиш на мечот уште еден играч кој влезе од клупата, Џек Грилиш зголеми на 6:1, а во судиското надополнувањето, кое траеше невообичаени 10 минути беше досуден и пенал, за Мехди Тареми да ги постави конечните 6:2 во 113. минута од мечот (откако во првото полувреме имаше 14 минути продолжување).
Во вториот меч од групата Б од 20 часот, Велс се „судира“ со САД.
Графика: Sofascore за Топспорт.мк
(function (el) {
window.addEventListener(“message”, (event) => {
if (event.origin.startsWith(“https://www.sofascore”)) {
if (el.id === event.data.id) {
el.style.height = event.data.height + “px”;
}
}
});
})(document.getElementById(“sofa-standings-embed-3955-41087”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.