Спорт
„Некои Французи се радуваат дека Бензема нема да игра на Мундијалот“
Добитникот на „Златната топка“ за 2022 година, Карим Бензема, нема да биде дел од Светското првенство поради повреда. Тој дојде во Катар, но ја обнови повредата и замина назад во Мадрид на рехабилитација.
Поранешниот капитен на Уругвај, Диего Лугано, тврди дека некои француски фудбалери се радуваат на отсуството на Карим Бензема.
„Сигурен сум дека некои француски фудбалери се среќни што Бензема нема да игра на Светското првенство. Знам за што зборувам, бидејќи бев соиграч на некои француски фудбалери, кои се среќни што Бензема нема да биде во тимот“, изјави Лугано.
Лугано играше за репрезентацијата на Уругвај од 2003 до 2014 година
„Тоа што се случува во француската репрезентација никогаш не би се случило во Уругвај, Бразил или Аргентина. Се зависи од начинот на кој селекторот ќе го одбере и состави тимот. Селекторот мора да води сметка за профилите на играчите, но не само за техничките предиспозиции, туку и за карактерните црти на играчите“, додаде Лугано.
Франција има огромни повреди со повредите. Покрај Бензема, Мундијалот ќе го пропуштат и Погба, Канте, Нкунку, Кимпембе и Мањан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.
Спорт
(Видео) Барди погоди од слободен удар
Енис Барди постигна гол за Трабзон, но неговиот клуб доживеа пораз од Самсин 3:1.
Капитенот на македонската репрезентација, во 32.минута погоди од слободен удар, ја намали предноста на 2:1, но само четири минути подцна Фернандес со авто-гол го постави конечниот резултат.
На три кола до крајот на сезоната, Трабзон се наоѓа на третото место со 58 бода, четири повеќе од Бешикташ. Доколку остане на третото место, Трабзон наредната сезона ќе се натпреварува во Лига Европа.
👌🏻👌🏻👌🏻 Trabzonspor 🔥Enis Bardhi pic.twitter.com/hnuPvPkxks
— 61post (@61post) May 4, 2024
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.