Спорт
Германците најавуваат тужба против ФИФА за забраната на ЛГБТ-капитенските ленти
Германската фудбалска федерација (ДФБ) може да се реши да ја тужи ФИФА за забраната на капитенските ленти со поддршка за кампањата OneLove во боите на виножитото на Светското првенство во Катар. Бидејќи капитенските ленти на осумте репрезентации од Западна Европа беа видени како провокација и протест за ЛБГТ-правата во Катар, каде што хомосексуалноста е забранета со закон, ФИФА објави паралелна кампања со социјални пораки на капитенските ленти и најави дека ќе им дава жолти картони на капитените по што репрезентациите се откажаа од кампањата.
Штефен Симон, портпаролот на ДФБ, вели дека постоела спортска уцена од страна на ФИФА.
„Директорот на турнирот отиде кај англискиот тим и им се закани со големи спортски казни без одредено да каже какви ќе бидат тие. По ова, другите шест репрезентации во знак на солидарност се откажаа од носењето на капитенската лента. Тоа е многу болно за нас, но остануваме исти луѓе со исти вредности. Бевме во екстремна ситуација, со екстремна уцена и моравме да ја направиме таа одлука“, вели Симон.
ДФБ планира случајот да го однесе до Судот за арбитража во спортот (ЦАС) и ќе бараат итно решение на случајот за капитенот Мануел Ноер да може да ја носи лентата на нивниот втор меч од мундијалот против Шпанија в недела бидејќи е тешко да се очекува одлука до среда кога Германците ја пречекуват Јапонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.