Економија
BtoBet ја продолжува поддршката на македонскиот спорт
![](https://makfax.com.mk/wp-content/uploads/2022/11/Dunja-Ivanova.gif)
BtoBet продолжува да го поддржува македонскиот спорт. Во текот на 2022 година компанијата реализираше донации на вкупно три спортски клубови и две индивидуални спортистки во различни спортски дисциплини.
Еден од поддржаните клубови е „Тенис парк поинтер“, кој е еден од најголемите и најуспешни клубови за професионални и аматерски тениски играчи во земјава. „Донираните средства од BtoBet ги наменивме за развој на детските тениски школи и унапредување на школите во јуниорските категории. Ги имаме едни од најдобрите и најталентирани млади тенисери кои континуирано бележат успеси, на што сме особено горди“, вели спортскиот директор на клубот, Цветан Војчески. Тој додава дека по двата успешно реализирани интернационални турнири, планот на клубот е да го продолжи развојот во оваа насока.
Поддршка доби и македонскиот стрелачки клуб „Стрелец“, под водство на Јордан Тасевски, кој е и претседател на Македонската спортска стрелачка федерација.
„Стрелачката федерација, како и државната репрезентација каде што голем број стрелци се од СК ‘Стрелец’ има освоено три таканаречени Б-олимписки минимални норми за можно учество на Олимписките игри во Париз 2024. Во олимпискиот циклус кој ни претстои следната година е планирано учество на европското првенство во Естонија и трите Европски игри во Полска, каде што стрелците ќе се борат за влез во финале и дополнителна борба за медал“, вели Тасевски, потенцирајќи дека Македонија навистина има квалитетни стрелци во повеќе стрелачки дисциплини.
Претседателот на едриличарскиот клуб „Снегар“ Струга, Лазо Ѓоргоноски, истакнува дека донацијата од BtoBet помогна клубот да ја продолжи својата работа и да биде дел од домашни и меѓународни регати. Во однос на плановите за следната година, Ѓоргоноски вели дека ЕК „Снегар“ планира учество на повеќе регати во странство, меѓу кои во Србија, Црна Гора, Турција и традиционално затворање на сезоната на октомвриската регата во Дубровник, Хрватска.
Од индивидуалните спортови, поддржани спортистки за 2022 година се велосипедистката Дуња Иванова и атлетичарката Марија Стојановска.
Иванова, инаку дел од ВК „Енерџи сајклинг“ вели дека од големо значење е секој придонес кој бизнис-заедницата и државата го обезбедува за македонските спортисти. „Среќна сум што можам да споделам дека покрај редовните домашни и меѓународни трки, клубот се подготвува за историски подвиг во текот на 2023 година, за кој поддршка е и повеќе од добредојдена“. Како дел од плановите за претстојната година на атлетичарката Марија Стојановска и АК „Делта“ каде што таа е тренер е подготовката за Европското првенство во атлетика 2023.
Од BtoBet истакнуваат дека можноста да се обезбеди поддршка за спортот воопшто, но и за женскиот домашен спорт е нешто со кое компанијата особено се гордее. Реализираните донации се дел од општествено одговорните практики и активности кои компанијата редовно ги имплементира.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
Реплек со раст на приходите од продажба од 20% во првата половина од 2024
![](https://makfax.com.mk/wp-content/uploads/2024/07/Foto.jpg)
„Реплек АД“ продолжува да бележи позитивни резултати од своето работење. Во првите шест месеци од годината вкупните остварени приходи од продажба во сегментот фармација изнесуваат 13,6 милиони евра, што е за 20% повеќе во однос на приходите остварени во истиот период минатата година. Растот на приходите од продажба е со нагорен тренд и на домашниот и на странските пазари. Во овој период компанијата оствари раст на приходите од продажба на домашниот пазар од 2,97 милиони евра, што е за 46% повисоко во однос на лани. На странските пазари компанијата реализираше продажба во вредност од 10,6 милиони евра, што е за 15% повисоко во однос на истиот период минатата година.
Растот на продажбата се должи на континуираните инвестиции во зајакнување на пазарните позиции, освојување на нови пазари и унапредување на квалитетот на портфолиото на компанијата особено во сегментот фармација.
„Нашата стратегија која е фокусирана на неколку клучни столба – инвестиции и модернизација, унапредување на задоволството на вработените и градење на силно портфолио кое е конкурентно на пазарите, дава резултати. Ние направивме многу промени во компанијата, бидејќи тоа беше неопходно за да ја реализираме нашата визија, а тоа е силна компанија, препознатлива на пазарите, со која ќе се гордеат вработените. Иако промените не се лесни докажавме дека со посветеност, јасен концепт и храброст можеме да го реализираме нашиот сон. Реплек се трансформираше во една нова успешна и динамична приказна која дава сериозни резултати за македонската економија и силно ги гради своите позиции на пазарите, поместувајќи ги границите. Продолжуваме во истата насока, градејќи нови можности за нашите вработени, акционерите и за сите наши партнери “ истакна Душан Пецовски, главен и извршен директор на „Реплек АД“.
Растот на приходите од продажба во првата половина на 2024 година ја прави извесна реализацијата на предвидувањата за очекуваните приходи на продажба кои според финансискиот план се очекува да изнесуваат околу 31 милион евра на годишно ниво, со што ќе се оствари раст од 23,5% во однос на 2023 година. „Реплек АД“ пред извесен период креираше долгорочна развојна стратегија која се темели на зголемување на продажбата на странските и на домашниот пазар, на иновациите во портфолиото на производи, како и на значителни вложувања во технолошкиот напредок и во развојот и добросостојбата на своите вработени. Компанијата во континуитет работи на освојување на нови пазари.
„Реплек АД“ минатата година за прв пат објави и предлог среднорочна дивидендна политика, која се темели на остварување годишна профитабилност на друштвото во распон од 60% до 150% од последниот тригодишен просек, континуирано намалување на релативното ниво на задолженост и проширување и осовременување на работењето преку инвестирање. Преку овој стратешки акт се овозможува поголема предвидливост на исплатата на дивидендата на подолг временски период, што ќе обезбеди и поголем прилив на свеж капитал во компанијата, правејќи ги акциите на компанијата атрактивни за инвеститорите.
„Реплек АД“ пласира 75% од своето портфолио на повеќе од 25 пазари во светот. Производите на компанијата се присутни на пазари во земји членки на ЕУ, Адрија регионот, во земјите на Блискиот исток, во Африка, Југоисточна Азија, како и на пазарите во ЗНД.
ПР
Економија
Министерот Дурмиши оствари средба со претставници на СКСЗМ: Преку блиска соработка со бизнис секторот заеднички ќе креираме политики за поддршка на компаниите
![](https://makfax.com.mk/wp-content/uploads/2024/07/besar-durmishi1.jpg)
Министерот за економија и труд, Бесар Дурмиши денеска оствари состанок со претседателот на Стопанската комора на Северозападна Македонија (СКСЗМ), Менди Ќура.
На состанокот присуствуваа и дел од членовите на Управниот одбор и претставници на компаниите – членки на комората.
Целта на средбата беше прво запознавање на министерот Дурмиши со деловните субјекти членки на оваа комора, како и презентација на мерките, инструментите и активностите предвидени во Буџетот на Министерството за економија и труд до крајот на годината.
Министерот Дурмиши на состанокот истакна дека главниот фокус на Министерството за економија и труд од сега ќе биде блиска соработка со бизнис секторот преку која ќе се креирааат јасни политики за поддршка на компаниите.
Министерот на претставниците од Стопанската комора на Северопзападна Македонија им порача дека Владата и Министерството за економија и труд ќе ги поддржат сите иницијативи кои доаѓаат од страна на Стопанските комори, иницијативи кои што ќе значат пообрување на економскиот амбиент во државата, како и подобрување на животните услови на сите граѓани во Северна Македонија, односно додадена вредност во квалитетот на нивниот живот.
Како што потенцираше Дурмиши, соработката на Министерството за економија и труд со претставници на коморите во иднина ќе се одвива во сите фази на изготвување на закони, програми, стратешки документи и слично. Оваа соработка вклучува земање во предвид и вградување на нивни сугестии, предлози и укажувања во сите документи и законски акти кои се изработуваат.
Министерот Дурмиши изрази надеж и сигурност дека во иднина ќе има интензивна соработка со бизнис заедницата, бидејќи бизнисот и економијата се најважен двигател во функционирањето на една држава.
Во дискусијата со претставниците од Комората на Северозападна Македонија беа разменети мислења и за предизвиците и проблемите со кои се соочува бизнис заедницата со оглед на актуелните економски и политички случувања, како и за потребата од поголема вклученост во подготовка на законските решенија коишто директно го засегаат бизнис секторот.
Економија
Средба Божиновска – Лорковски: Зајакнување на секторот енергетика во државата
![](https://makfax.com.mk/wp-content/uploads/2024/07/02072024_Bozinovska_Lorkovski_sredba_1.jpg)
Плановите во делот на енергетиката поврзани со производство на електричната енергија беа дел од разговорите меѓу Сања Божиновска, министерката за енергетика, и Артур Лорковски, директорот на Европскиот секретаријат за енергетика.
Средбата се одржа во рамките на неформалниот состанок на земјите членки на енергетската заедница – Македонија, Србија, Црна Гора, Албанија, Босна и Херцеговина, Косово, Грузија, Молдавија и Украина.
На состанокот беа усогласени правилата за имплементација на интеграцискиот пакет за електрична енергија и оптимизацијата на алокација на прекуграничните капацитети за пренос помеѓу земјите. Тоа значи координирана пресметка на цените и движењата со цел пазарот да биде попредвидлив и полесно да се порамнува цената. Исто така, се разговараше и за донесување на нов закон за енергетика за што на земјата ѝ е даден нов рок до 15 септември.
Божиновска на состанокот накусо ги објасни планираните проекти на новоформираното министерство, кое има цел да го зајакне овој сектор и притоа да ги намали на минимум можностите за корупција или злоупотреби. Токму корупцијата, како што посочи Божиновска, е причина што немаме значајни инвестиции во делот на енергетиката. Фокусот на новото министерство, објасни министерката, ќе биде ставен на капитални инвестиции, кои на долг рок значат стабилност во однос на производството на електрична енергија во земјата.
За насоките од енергетската заедница за Македонија и моментните состојби во однос на секторот енергетика, Лорковски на 8 јули доаѓа да го презентира извештајот пред македонските парламентарци.