Спорт
Мајсторски гол на Дјук, Австралија го победи Тунис
Австралија го победи Тунис со 1:0, во првиот натпревар од второто коло, во Б-групата, на Мундијалот во Катар. Победникот го реши голот на Дјук во 23.минута.
Австралија ја оствари првата победа во Катар, ова е трета во историјата на фудбалската репрезентација на Светските првенства. „Кенгурите“, со овој триумф ги задржаа шансите за пласман во нокаут фазата.
Овој пораз за Тунис во голема мерка значи и елиминација од СП, бидејќи имаат само еден бод, а во последното коло оваа селекција ќе игра против Франција.
Најдобриот период во играта, првите 20 минути, Австралија го круниса со гол. Мичел Дјук одлично реагираше на еден центаршут од десната страна.
Остатокот на натпреварот мина во доминација на Тунис, но селекцијата од северниот дел на Африка, не успеа да создаде некоја сериозна шанса за гол.
На 30.ноември, Австралија ќе игра против Данска, а Тунис ќе се соочи со Данска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Милан реши да го задржи Јовиќ
Српскиот напаѓач Лука Јовиќ и во наредната сезона ќе го носи дресот на Милан. Јовиќ на почетокот на минатата сезона пристигна на „Сан Сиро“ од Фиорентина, имаше добра сезона, поради што и доби нов едногодишен договор.
Тимот на Милан ќе претрпи одредени поромени во пресрет на новата сезона. Челниците решија Јовиќ повторно да ја има улогата на резервен напаѓач, Клубот допрва ќе бара напаѓач кој ќе дојде на местото на Оливие Жиру.
Прва желба на Милан е Џошуа Зиркзе, кој имаше одлична сезона во Болоња, со која избори пласман во Лигата на шампионите.
Спорт
„Газета дело спорт“: Мартин во Дукати наместо Бастианини
Хорхе Мартин возач на Прамак Дукати и лидер во светскиот шампионат во Мото ГП, ќе го замени Енеа Бастианини во фабричкиот тим на Дукати, објави во четвртокот „Газета дело Спорт“. Според овој извор соработката ќе започне во 2025 година.
Мартин пред две недели забележа двојна победа на Големата награда на Франција. Шпанецот најпрвин победи во спринтот, а потоа и во главната трка и ја забележа втората победа сезона.
„Сите возачи сакаат да си го најдат своето место. Со она што го направив и покажав мислам дека го заслужувам тоа. Но, што е најважно, заслужувам место таму каде што ме сакаат и каде што се борат за мене“, изјави Хорхе Мартин тогаш, очигледно малку исфрустриран од бавноста на носењето одлуки во Дукати.
Од тимот, по трката во Каталуња, на која победи Пеко Бањаја, најавија дека до крајот на неделата не бри требало да биде официјализирано ништо поврзано со вториот возач за наредната сезона, но со оглед на тоа дека шпекулациите се зголемуваат, Дукати сепак би можел да се огласи порано.
Хорхе Мартин се наоѓа пред клучната одлука во кариерата, бара тим кој ќе го препознае неговиот талент и кој ќе биде подготвен да го следи во борбата за титули.
„Трпелив сум, но решен да ја најдам вистинската средина“, изјави Мартин.
Спорт
Сојунџу ќе го пропушти ЕУРО 2024
Еден од капитените на фудбалската репрезентација на Турција, Чаглар Сојунџу ќе го пропушти континеталниот шампионат во Германија. Сојунџу е фудбалер на Атлетико Мадрид на позајмица во Фенербахче. Тој е еден од клучните дефанзивци во тимот на Винченцо Монтела.
Сојунџу се повреди на натпреварот од последното коло од турската Суперлига меѓу Фенербахче и Истанбулспор.
Првично Фенербахче објави дека повредата не е сериозна, но вчера Сојунџу не можел да го одработи тренингот. Дополнителните прегледи покажале дека поради повредата на бутниот мускул тој ќе мора да мирува еден месец.
Турската репрезентација на ЕУРО 2024 е во групата Ф со селекциите на Португалија, Чешка и Грузија, а првиот натпревар ќе го одигра на 18 јуни во Дортмунд против Грузија.
Сојунџу, тој досега во кариерата за Турција одиграл 55 натпревари и постигнал два гола.