Спорт
„Тепачка“ на тренингот на Белгијците
![](https://makfax.com.mk/wp-content/uploads/2022/11/belgijci.jpg)
Сите се прашуваат зошто Белгијците играат под сите очекувања и не изгледаат како целина на овој Мундијал, а одговорот доаѓа од најновиот тренинг на „црвените ѓаволи“.
На него се случила физичка пресметка меѓу Кевин де Брујне, Еден Азар и Јан Фертонген. Не биле разменети „тупаници“, но имало туркање и некои остри зборови, пренесува белгиски „РТЛ“.
Ромелу Лукаку беше човекот кој ја разделил „завојуваната“ група, но тензиите остануваат.
Белгиските медиуми пишуваат за лоши односи во репрезентативниот табор. Селекторот Роберто Мартинез неодамна призна дека ситуацијата во соблекувалната не е најдобра, па токму тука се наоѓа клучот за проблемот кој е видлив на теренот.
Тибо Куртоа и Кевин де Брујне не разговараат со години, а причината е што поранешната девојка на ѕвездата на Сити реши да го изневери со голманот на Реал. Мичи Батшуаји и Ромелу Лукаку не се во добри односи, исто како и Еден Азар и Леандро Тросар. Тоа е премногу за секој тим.
Белгијците освоија три бода на Светското првенство во Катар тесно победувајќи ја Канада со голот на Мичи Батшуаји. Во второто коло беа поразени од Мароко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Англиските Ирци и пресудија на Република Ирска
![](https://makfax.com.mk/wp-content/uploads/2024/09/1725726879-GettyImages-2170696921.jpg)
Англија со победа над Ирска во Даблин ги започна натпреварите во Б дивизијата во Лигата на нации. Победата на Англија и ја донесоа Ирците, кои решија во сениорска конкуренцијата да го носат дресот на „гордиот албион“.
Деклан Рајс и Џек Грилиш во Дабил беа пречекани со транспарент кој ги споредува со змии. Двајцата постигнаа по еден гол, Рајс не го прослави за разлика од Грилиш.
🐍"YILANLAR GERİ DÖNDÜ"
İrlandalı taraftarların İngiltere maçında Declan Rice ve Jack Grealish'e gösterdiği tepki ters tepti.
🔔DEVRE: İrlanda 0-2 İngiltere
⚽11' Declan Rice
⚽26' Jack Grealish 🅰 Declan Rice pic.twitter.com/fayUiaY0HG— Sporx Ekstra (@sporxekstra_) September 7, 2024
Рајс, пред да дебитира за Англија во 2019 година, одигра три натпревари за Ирска. Сега постигна гол на стадионот на кој во 2018 година играше во дресот на Ирска против САД. Грилиш играше за младинските селекции, У18 и У21 на Ирска. Неговата мајка е од Ирска, но тој реши го прифати повикот од Англија.
Спорт
Анчелоти за помошник донесе тренер од англиската Трета лига
Карло Анчелоти (65), според англиските медиуми, повлече шокантен потег. Искусниот Италијанец во својот стручен штаб го донесе помошникот тренер во англискиот третолигаш Стокпорт Каунти.
Станува збор за 38-годишниот Енди Менген, кој беше член на стручниот штаб на над 300 натпревари во третото, четвртото и петтото ниво на англискиот фудбал.
Менген е поранешен напаѓач, кој ја заврши својата кариера во 2018 година. Настапуваше за десет клубови, а во кариерата одигра 425 натпревари и постигна 118 гола.
Никогаш во кариерата не играч на повисоко ниво од Третата лига.
Англиските медиуми пренесуваат дека Менген е близок пријател со Давиде Анчелоти (35), синот на Карло Анчелоти, кој исто така е дел од стручниот штаб на Реал Мадрид.
Тие двајца заедно ги земаа тренерските лиценци, па освен што се пријатели се и поранешни школски другари. Кога Менген ќе ја добие работната дозвола за Шпанија, ќе му се приклучи на стручниот тим на Реал.
Спорт
Гризман. Бевме ужасни против Италија
![](https://makfax.com.mk/wp-content/uploads/2024/09/Untitled-1-17.jpg)
Французите се разочарани од играта што ја прикажаа нивните најдобри играчи на натпреварот против Италија на стартот од Лигата на нации.
„Аѕурите“ сосема неочекувано победија со 3:1 во Париз.
Триколорите поведоа веќе во 14. секунда со голот на Баркола, но во преостанатиот дел од натпреварот Димарко, Фратеси и Распадори целосно го свртеа резултатот.
Еден од најискусните репрезентативци на Франција, 33-годишниот Антоан Гризман заигра по 136-ти пат во дресот на „триколорите“ и не памети вакво лошо издание.
„Ништо не беше во ред. Како репрезентација мора да продолжиме да работиме напорно и да го анализираме овој натпревар. Не бевме добри ниту во напад, ниту во пресинг, ниту во одбрана. Им честитам на Италијанците, овојпат беа подобри“, изјави Антоан Гризман за француските медиуми.
Во следниот натпревар, во понеделник на 9 септември Франција ја пречекува Белгија во Лион, додека истиот ден Италија гостува во Будимпешта против Израел.