ГФК Тиквеш го повлече од употреба дресот со број 16. Овој број во периодот додека настапуваше за ГФК Тиквеш го носеше Андреј Лазаров, кој настрада во пожарот во дискотеката „Пулс“ во Кочани.

Лазаров, на 16.март кога се случи пожарот кој однесе 59 животи им помагал на луѓето. Иако првичните информации беа дека неговата состојба е стабилна, тој им подлегна на повредите.

„Во чест и знак на благодарност за АНДРЕЈ ЛАЗАРОВ, фудбалер и голем херој кој со своите настапи многу придонесе за успесите на нашиот клуб, дресот со број 16кој тој го носеше во ГФК Тиквеш, трајно се повлекува од употреба и ќе остане како траен белег да ги краси клубските простории за негов вечен спомен.
Ангелите живеат вечно
Збогум Андреј“.

Почина Еди Џордан, првиот вистински успешен сопственик на независен тим во Формула 1. Тој имаше 76 години.

Еди Џордан во декември 2024 година објави дека му бил дијагностициран рак на простата, кој почнал да се шири на неговиот ‘рбет и карлицата.

„Со голема тага ја објавуваме смртта на Еди Џордан, поранешен сопственик на Формула 1 тим и телевизиски консултант. Тој почина мирно, опкружен со семејството во Кејп Таун во раните утрински часови на 20 март 2025 година“, соопшти неговото семејство.

Во автомобилските кругови, Џордан првпат стана познат како возач. Започна во Ирска да вози картинг, а потоа се пресели во Формула Форд во 1974 година. Тој се тркаше во Формула 3 и Формула Атлантик и накратко стигна до европската Формула 2. Беше тест возач за Мекларен во Формула 1.

Сепак, покажа дека тој има таленти за други работи, можеби дури и повеќе од само возење. Еди Џордан Рејсинг брзо изгради репутација. Во болид дизајниран од Гери Андерсон.

Во 1991 година Џордан гран при ги надмина сите очекувања и го освои петтото место меѓу конструкторите. Во првата сезона со болидот Џордан 191 дебито го имаше дебитираше Михаел Шумахер.

Шумахер наскоро ќе се пресели во тимот на Бенетон, а подоцна ќе стане седумкратен светски шампион.

Најголемиот успех на тимот беше на ГН на Белгија во 1998 година кога Дејмон Хил и Ралф Шумахер остварија „еден-два“ победа.

Најголемиот успех на тимот на крајот на сезоната дојде во 1999 година, кога Хил и Френцен го освоија третото место во генералниот пласман меѓу конструкторите.

Тој беше присутен во Формула 1 на овој начин до 2005 година, кога го продаде тимот, кој ги смени имињата, најпрвин во Мидленд, потоа Спајкер, па Форс Индија и Рејсинг Поинт, сега го носи името Астон Мартин.

Тој беше присутен и во медиумите, како една од омилените личности, а во 2023 година лансираше свој подкаст со Дејвид Култхард – „Формула за успех“.

💔😢😢😓 sleep well Eddie ! what a true Irish Legend 🇮🇪🫶🏻 Motorsports won’t be the same with out you #EddieJordan #EJf1 pic.twitter.com/YocoIH2YsR

— David Lamb (@Davidlamb2) March 20, 2025

Манчестер јунајтед се распрашува за помладиот брат Белингем, Џоб, инаку играч на Сандерленд.

Помладиот брат на Џуд Белингем, игра одлично во Чемпионшип за Сандерленд. За разлика од неговиот постар брат, Џоб е дефанзивен играч за врска, но оваа сезона постигна четири гола и додаде три асистенции.

И други клубови покажале интерес за Белингем, но Јунајтед во моментов е најконкретна опција.

Џоб ја започна својата кариера во Бирмингем, а пред две и пол години премина во редовите на „црните мачки“ за нешто помалку од два милиони евра. Сандерленд би можел да заработи голема сума од продажбата на помладиот Белингем чија моментална пазарна вредност се проценува на околу 18 милиони евра.

Белингем има уште три години од договорот со Сандерленд, што му дава простор на клубот да ја извлече посакуваната сума доколку реши да го продаде фудбалерот.