Спорт
„Марка“: Роналдо има нов клуб и најголем договор во историјата на фудбалот
![](https://makfax.com.mk/wp-content/uploads/2022/11/2779667_profimedia0641441710_share.jpg)
Мадридска „Марка“ тврди дека Кристијано Роналдо е блиску до договор со саудиски Ал Наср. Португалецот, кој среде сезона беше исфрлен од Манчестер Јунајтед по низата скандали што ги предизвика, во Саудиска Арабија би заработувал по 200 милиони евра по сезона.
Според „Марка“, Саудијците за Роналдо подготвиле две и пол годишен договор.
„Роналдо нема избор. Ниту еден европски тим не може финансиски да се доближи до понудата на Ал Наср, а не можат ниту клубовите од МЛС“, пишува „Марка“.
„Марка“ наведува дека менаџерот Жорге Мендеш и Роналдо веќе ја прифатиле оваа понуда.
Ал Наср, клуб од главниот град Ријад, го предводи поранешниот тренер на Рома, Руди Гарсија, а најголеми ѕвезди на тимот се голманот Давид Оспина и поранешниот играч на Виљареал, Алваро Гонзалес.
Ал Наср, заедно со Ал Хилал, неговиот градски ривал, е најтрофејниот саудиски клуб.
Роналдо, кој е петкратен добитник на „Златната топка“, се врати во Јунајтед минатата година.
По разочарувачката сезона минатото лето, тој сакаше да го напушти клубот, но на крајот остана во Манчестер, а потоа се скара со тренерот и го критикуваше клубот во едно интервју.
Претходно играше и за Спортинг, Реал и Јувентус.
Трансферот на Кристијано Роналдо во Ал Наср би претставува фудбалска револуција.
Во моментов Килијан Мбапе, заработува најмногу на планетарно ниво. Според „Њујорк тајмс“, челниците на Пари Сен Жермен според договорот склучен летово му плаќаат по 83.000.000 евра по сезона, а потоа следуваат Нејмар со 48.996.000 и Лионел Меси (40.500.000).
Никој во историјата на фудбалот никогаш не ја преминал границата од 100.000.000 евра плата, а Кристијано Роналдо би можел да го удвои тоа и да постави рекорд кој, од оваа перспектива, тешко ќе биде соборен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Среќата е на негова страна
![](https://makfax.com.mk/wp-content/uploads/2024/06/1639321549-Max-Verstappen-scaled-e1639321570945.jpg)
Актуелниот трикратен светски шампион во Формула 1, Холанѓанецот Макс Ферстапен изјави дека и следната сезона ќе вози за Ред Бул.
„ Да, работиме на болидот за следната сезона. А кога сте фокусирани на тоа, значи дека возите за тој тим“, изјави Ферстапен.
Холандскиот возач има договор со Ред Бул до 2028 година.
Некои медиуми објавија дека Ферстапен следната година би можел да го замени Луис Хамилтон во тимот на Мерцедес, кој на крајот од сезоната се сели во Ферари.
„Се разбира, луѓето кажуваат секакви работи, но најважно е што имаме многу конкурентен болид за иднината. Работиме и се фокусираме на следната сезона за да се обидеме повторно да бидеме конкурентни“, изјави возачот на Ред Бул.
Ферстапен моментално е на првото место во генералниот пласман на возачи со 219 бодови. Следната трка во Ф1 шампионатот ќе се вози на 30 јуни за Големата награда на Австрија.
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.