Свет
Илјадници пеликани во Перу починаа поради птичји грип
Повеќе од 5.500 пеликани починаа во последните недели во Перу поради појава на птичји грип, јавува Би-би-си. Неколку плажи се преполни со трупови на мртви животни, а некои се пронајдени во заштитени подрачја.
Биолозите велат дека повеќе од 13.000 птици се убиени од вирусот на птичји грип – Х5Н1. Перуанските власти прогласија здравствена тревога за да спречат ширење на вирусот.
Bird flu.@AFP’s Carlos Mandujano photographs dead pelicans on a beach in Lima. The birds are suspected to have died from H5N1 avian influenza.
Peru has issued a health alert for 180 days after confirming three cases of the highly contagious avian influenza in pelicans pic.twitter.com/yMWA5yqTgh— AFP News Agency (@AFP) November 25, 2022
Х5Н1 може многу брзо да се шири меѓу птиците преку нивниот измет и плунка. Вирусот може да се прошири и на луѓето ако се во близок контакт со заразена птица, но научниците велат дека сегашниот вид се чини дека претставува мал ризик за тоа.
#Perú
Health alert for avian influenza. Do not approach or handle pelicans or other marine life, dead or alive. pic.twitter.com/wjt0YhacEO— 𝐹𝑟𝑒𝑒𝑊𝑜𝑟𝑙𝑑🍀 (@FreeWorld109) November 27, 2022
Перуанските власти ги предупредија луѓето да не допираат диви птици или нивните трупови. Од луѓето исто така се бара да ги известат здравствените власти доколку забележат мртви птици.
Покрај избувнувањето во Перу, во моментов бран птичји грип има и во Европа и во САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден пристигна на Флорида: Се проценуваат штетите од ураганот Милтон
Американскиот претседател, Џо Бајден, денеска отпатува за Флорида за да ги согледа штетите од ураганот Милтон, второто невреме што ја погоди американската сојузна држава во последните неколку недели, бидејќи зголемените поплави, недостигот на гориво и прекинот на електричната енергија го отежнуваат чистењето.
Милтон, усмрти најмалку 17 луѓе, а струја и гориво сè уште нема во многу области, објави „Ројтерс“.
Бајден утринава слета во Тампа на воздушна обиколка на погодените области на пат за Санкт Петербург, каде што ќе биде информиран за ситуацијата од федералните, државните и локалните власти на плажата Сент Пит.
Градоначалниците на Тампа и Санкт Петербург, заедно со другите локални претставници, го поздравија Бајден, кој исто така ќе се сретне со службите за итни случаи и локалните жители пред да зборува.
Иако Милтон не беше толку деструктивен како што првично предвидуваа официјалните лица, аналитичарите проценија дека осигурените загуби се меѓу 30 и 60 милијарди долари
Администрацијата на Бајден одобри федерална помош за да им помогне на жителите и локалните власти да ги покријат трошоците, но рече дека на Федералната агенција за управување со вонредни состојби ќе и треба дополнително финансирање од американскиот Конгрес.
Регион
Мајката на едно од убиените деца во „Рибникар“: Момчето-убиец имаше безизразно лице, како возрасните не го забележаа тоа?
Мајката на Андрије Чикиќ, момчето кое лани во мај го уби Коста К. во основното училиште „Владислав Рибникар“ во Белград, даде интервју за ТВ Прва.
Сузана Станковиќ Чикиќ во својата исповед зборуваше за нејзината потрага по смисла по трагедијата што ја доживеа. Немам повеќе деца и се обидувам да најдам начин и причина зошто постојам на овој свет по трагедијата“, рекла мајката, пренесува Блиц.
„Човек бара причина зошто дише, зошто живее. Немам повеќе деца и се обидувам да најдам причина. Не можам да го вратам син ми, но ќе направам се’ да не настрада и друго дете“, рече Сузана.
Мајката на убиеното момче зборуваше за прашањето за одговорноста во случајот со масакрот во белградското училиште.
„Како е можно никој да не одговара за 10 изгубени животи?! Мора под итно да промениме нешто во нашиот систем за да не се повтори тоа“, рече Чикиќ.
Таа се залага за промени кои ќе спречат слични трагедии, нагласувајќи ја важноста на натпреварот што го носи името на нејзиниот син Андрија Чикиќ. Нејзината борба за правда и одговорност е длабоко поврзана со болката што ја носи.
„Свесни сме дека насилството стана премногу присутно во нашето општество. Ми се чини дека по трагедијата насилството ескалира, кога малолетниците сфатија дека не се одговорни. Мислам дека намалувањето на старосната граница на кривична одговорност на 12 години би било корисно. Малолетниците треба да бидат свесни за последицата од нивните постапки. Мислам дека родителите во голема мера се одговорни за тоа што се случи. Како е можно никој да не забележал дека детето има проблеми? Сега после трагедијата слушам од некои негови врсници дека бил чуден. Децата велат дека немал израз на лицето, се забележувало. Како е можно возрасните да не го забележале тоа?“, прашува мајката на убиениот ученик.
Чикиќ посочува дека многу се зборува за правата на децата, но не и за одговорноста.
„Правата водат до одговорност. Верувам дека само со текот на времето ќе сфатиме како функционирало тоа семејство и како тоа родителско однесување влијаело на децата“, изјави Чикиќ за ТВ Прва, а пренесува Блиц.
Регион
Славен, но празен: Егзодус на грчки остров, нема деца, училиштата се затворени
Кога ќе пристигне зимата на Антикитера, и онака малото население на изолираниот грчки остров уште повеќе се намалува.
„Ние сме дваесетина, нема деца, нема пекара“, вели началникот Јоргос Хархалакис, кој прави се што може за да го оживее малиот остров во Егејското Море. „Не се откажувам“, изјави тој за АФП, птенесе „Индекс“.
Антикитера, остров помеѓу Китера и Крит, како и многу други рурални региони во Грција, страда од сериозна депопулација. Островот е со големина на хрватскиот Вир и има 39 жители според пописот од 2021 година. Пред Втората светска војна имал илјада.
Хархалакис (37) сè уште се сеќава на своите први години во основно училиште во 1990-тите, пред неговото семејство, како и многу други, да биде принудено да се пресели на копното поради финансиски проблеми. Во тоа време, островот бил дом на фармери, рибари и сточари, рече тој. Денеска е населено само пристанишниот град Потамос.
Во карпестите височини на Антикитера сè уште се видливи сувите ѕидови на терасовите полиња меѓу напуштените и урнати куќи. Единствената врска на островот со надворешниот свет е бродот до Китера и Крит.
Поради егзодусот на жителите, основното училиште беше затворено на крајот на минатиот век, но накратко беше отворено во 2018 година за само тројца ученици, децата на Деспина и Диониз Андроникос, брачен пар кој се врати на островот од Атина.
„Кога мојата најстара ќерка заврши основно училиште во 2021 година, моравме повторно да заминеме за да може да оди во средно училиште во Китера“, рече Диониз Андроникос.
Училиштето беше принудено повторно да се затвори. На почетокот на оваа учебна година иста судбина имаа уште десет училишта низ Грција поради недостиг на ученици. Стапката на фертилитет во Грција е 1,43, што е под просекот на ЕУ од 1,53 деца, покажуваат податоците на агенцијата на ЕУ Евростат. Неодамнешното истражување на Грчкиот институт за демографски истражувања (ИДЕМ) покажа дека секоја трета општина во земјата има помалку од 10 раѓања годишно.Институтот ова го припишува на стареењето на населението во Грција, но и на „екстремно нерамномерната распределба на населението“.
Повеќе од една третина од Грците живеат во Атина. Со повеќе од една петтина од населението на возраст од 65 и повеќе години, Грција е на четвртото место меѓу земјите-членки на ЕУ со најголем број стари лица. Само Италија (23,8 отсто), Португалија (23,7 отсто) и Финска (23,1 отсто) се повисоко рангирани, според Евростат. За да бидат работите уште полоши, повеќе од половина милион млади луѓе ја напуштија земјата за време на финансискиот колапс во последната деценија.
Хархалакис вели дека главниот проблем во Антикитера е недостатокот на инфраструктура.
„Државата мора да понуди стимулации за изградба на куќи и продавници“, рече тој. Во зима, на островот има само едно кафуле, кое исто така е мала продавница. Со него управува човек на возраст од осумдесет години.
„Локалната популација старее и иднината на островот е доведена во прашање“, вели Кетрин Дехосал, пензионирана Французинка која времето го поминува меѓу островот и нејзината татковина. Оваа година Владата воведе стимулации за новороденчињата за борба против демографскиот колапс. Но, експертите предупредуваат дека зголемувањето на бројот на раѓања не е единствениот одговор.
„Стапките на смртност и имиграцијата играат важна улога и не треба да се минимизираат“, рече Вирон Коцаманис. Хархалакис се надева дека планираната опсерваторија за климатски промени на островот ќе создаде работни места.
Антикитера веќе ужива голема слава во научниот свет. Таму, на почетокот на 20 век, нуркачите со сунѓери пронајдоа астролошки часовник од вториот век во бродолом од римската ера, за кој се верува дека е најстариот компјутер во светот.