Спорт
Канело Алварез му се извини на Меси и на Аргентинците
Еден од најдобрите боксери на денешницата, Мексиканецот Саул „Канело“ Алаварез преку социјалните мрежи му се извини на Лионел Меси и на сите Аргентинци, откако претходно се закани дека ќе го „тепа“ Меси за наводното газење на мексиканскиот дрес.
По победата над Аргентина, се појави снимка од соблекувалната на Аргентина, а пред Меси беше дресот на мексиканскиот капитен Андрес Гвардадо, и при славењето, Меси го поттурна со своите нозе. Канело ова го сфати како непочитување кон Мексико и преку Твитер прати порака дека на Меси му е „подобро да не го сретне“. По ова многу од Мексиканците, вклучувајќи го и Гвардадо застанаа на страна на Меси, објаснувајќи дека во фудбалските соблекувални дресовите секогаш се на подот пред да ги носат на перење. Гвардадо, кој беше ривал на Меси додека двајцата играа во Шпанија, исто така посочи дека го познава Меси и дека тој никогаш не би направил таков гест на недостаток на респект кон ривалот.
По сите овие пораки, Канело се јави на Твитер.
„Последните денови се занесов од страста и љубовта која ја чувствувам за мојата земја и коментирав работи кои не беа на место, за што се извинувм на Меси и на луѓето од Аргентина. Секој ден учиме нешто ново, и овој пат беше мој ред да научам“, напиша Канело.
Estos últimos días me dejé llevar por la pasión y el amor que siento por mi país e hice comentarios que estuvieron fuera de lugar por lo que quiero disculparme con Messi y la gente de Argentina. Todos los días aprendemos algo nuevo y esta vez me tocó a mí.
— Canelo Alvarez (@Canelo) November 30, 2022
Гвардадо контра Канело за заканата кон Меси: Молчи, кога не знаеш што се случува во соблекувалната
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мурињо заработи жолт картон поради лаптопот
Фудбалерите на Фенербахче како гасти славеа над Аланија со 2:0. По овој натпревар Фенербагхче се вторио на табелата со 16 поени, три помалку од Галатасарај.
Натпреварот го обележа Жозе Мурињо кој смисли нов начин како да го испровоцира главниот судија и да добие жолт картон.
Во 78.минута, незадоволен од една судиска одлука, темпераментниот Португалец, пред една од камерите на лаптоп ја пушти според него спорната ситуација.
Главниот судија Џихан Ајдин, веднаш му покажа жолт картон.
Фенербахче победи со головите на Душан Тадиќ во 63. минута и Кевин Талисон (автогол) во 81. минута.
Jose Mourinho got booked for showing the TV Cameras the referee’s bad decision on his laptop pic.twitter.com/JLCKTsb0M7
— Troll Football (@TrollFootball) September 29, 2024
Спорт
(Видео) Лудница во дерби „Мадрилењо“ – Кореа во 95.минута не дозволи Реал да слави над Атлетико
Фудбалерите на Атлетико и Реал одиграа 1:1 во градското дерби во во осмото коло од шпанската Ла Лига.
Ниту еден од тимовите не го искористи на најдобар можен начин вчерашниот пораз на Барселона од Осасуна.
Актуелниот шампион сега е на втората позиција со 18 бодови, три помалку од Барса, додека Атлетико е трет со 16 бодови на своето конто.
Вечерва во „мадрилењо“ имаше бууквално се. Натпреварот се играше во високо темпо, Реал беше за нијанса поконкретен, но играчите на Карло Анчелоти сите добри шанси ги имаа кога шутираа надвор од шеснаесетникот. Атлетико добра шанса имаше во раната фаза од натпреварот, кога ударот на Алварез го одбрани Куртоа, а потоа во последните десетна минути домаќинот креираше неколку опасни акции.
Дербито за малку ќе го решеше Едер Милитао во 64. минута, со гол кој пристигна по акција од сомнително досуден слободен удар. Пет минути по постигнатиот гол судијата ги испрати играчите во соблекувалната.
Домашните навивачи паднаа на малата провокација од голмаот Куртоа (во кариерата има одиграно 111 натпревари за Атлетико). Тие фрлаа со запалки кон голманот на Реал.
Madrid derby suspended because Atletico Madrid fans were throwing objects at Courtoispic.twitter.com/BK0fhUQwif
— Total Football (@TotalFootbol) September 29, 2024
Делириум на „Сивитас Метрополитано“ предизвика голот на Анхел Кореа во 95.минута. Голот најпрвин беше поништен, но од ВАР собата потврдија дека Аргентинецот не бил во офсајд.
Кореа како и Милитао го постигна својот прв гол во градските пресметки. Интересно, ова е негов 55. гол во дресот на Атлетико, а кога тој бил стрелец „јорганџиите“ никога не загубиле натпревар.
На крајот во последниот напад на Реал црвен картон доби Маркос Љоренте поради грб старт врз Фран Гарсија.
Спорт
(Видео) Ѓоковиќ играше тенис на Кинескиот ѕид
Новак Ѓоковиќ одигра рекреативен меч на Кинескиот ѕид. Ѓоковиќ пристигна во Кина каде од следната недела ќе игра на Мастерсот во Шангај.
Локалните медиуми јавуваат дека Ѓоковиќ бил дел од настапот на Кинескиот ѕид како дел од промоцијата на брендот „Лакост“, чиј заштитно лице е. Во текот на денот Ѓоковиќ им се обрати на навивачите во Кина.
Nole playing tennis on the Great Wall of China 😍pic.twitter.com/Ttf9cF44IN
— ᖴᖇᗩᑎI (@frani2312) September 29, 2024
„По пет години сум во Кина, ми недостигавте. Многу, многу ми е жал што не се видовме на аеродром, ме однесоа на спореден излез, но се надевам дека ќе видам многу од вас или во Пекинг или во Шангај. Многу сум возбуден што сум овде во Кина, пред се поради вас кои ми пруживте неверојатна љубов сите овие години“, изјави Ѓоковиќ.
Мастерсот во Шангај ќе се игра од 2 до 13 октомври.
yibo couldn’t stop smiling when novak djokovic said that his match with him is the most unforgettable and he kept praising him 🥹🥹🫶🏻 pic.twitter.com/7nTmSH7NUA
— rach (@ybaizhan) September 29, 2024