Спорт
Коментатор добил отказ дека го спомнал Хакан Шукур
Коментатор на турската државна телевизија, ТРТ, добил отказ на полувремето од натпреварот Мароко-Канада. Во текот на првиот дел коментаторот го спомнал името на Хакан Шукур, кого актуелната власт го обвини дека учествувал во пучот против претседателот Реџеп таип Ердоган во 2016 година. Турската влада го поврза Шукур со големиот сопреник на Ердоган, Фетулах Ѓулен.
Мароко ја победи Канада со 2:1 и се пласира во осминафиналето. Првиот гол Мароканците го постигнаа во четвртата минута преку Хаким Зијеш.
Коментаторот, Алпер Бакирчигил, ги потсетил гледачите дека во 2002 година, Хакан Шукур го постигна најбрзиот гол во историјата на Светските првенства. Второто полувреме го коментирал неговиот колега. Бакирчигил добил отказ на полувремето.
„Ме отпуштија од ТРТ, каде што гордо работев со години, по она што се случи додека го коментирав натпреварот Мароко-Камерун“, објави водителот на Твитер.
Хакан Шукур со семејството избега од Турција во 2017 година.
„Не ми остана ништо. Ердоган зеде сè: моето право на слобода, говор и право на работа“, изјави Шукур во 2020 година за германскиот весник „Welt Am Sontag“.
„Се чини дека никој не може да објасни каква требаше да биде мојата улога. Никогаш не сум направил ништо незаконско. Не сум предавник или терорист“, тврди поранешниот напаѓач.
Владата на Турција, едноставно го избриша Шукур. Ги избриша сите негови клупски и репрезентативни достигнувања. Исто така забранува да се изговори неговото име.
„Ја дадов статистиката дека Хакан Шукур го постигна најраниот гол во историјата на Светските првенства, на натпреварот меѓу Канада и Мароко. Коментарот на натпреварот, на полувремето, морав да му го препуштам на мојот пријател Џунејт Киран. ФЕТО е терорист организација. Никој да не смее да доведува во прашање нашиот патриотизам“, изјавил несреќниот коментатор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.