Спорт
ФИФА, конечно, со видео објасни зошто голот на Јапонија беше признат

ФИФА, конечно, објави официјално објаснување зошто вториот гол на Јапонија против Шпанија за 2:1 победата бил признаен и покрај тоа што многу фудбалски фанови сметаа дека топката беше излезена од игра пред акцијата.
Во еден од најконтроверзните моменти досега на СП во Катар, Каору Митома ја врати топката од аут-линијата за да му асистира на Танака за победничкиот гол. По ова следуваше долга ВАР- пауза по која голот беше признаен, но тоа не спречи долга дискусија на социјалните мрежи.
ФИФА објаснува дека топката едноставно не ја имаше целосно поминато линијата, објаснувајќи дека одредените агли од кои се снима можат да носат привид дека топката е излезена.
Japan’s second goal in their 2-1 win over Spain was checked by VAR to determine if the ball had gone out of play.
The video match officials used the goal line camera images to check if the ball was still partially on the line or not. pic.twitter.com/RhN8meei6Q
— FIFA.com (@FIFAcom) December 2, 2022
Other cameras may offer misleading images but on the evidence available, the whole of the ball was not out of play. pic.twitter.com/HKKEot0j1Y
— FIFA.com (@FIFAcom) December 2, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Бонифејс дојде во Милан ги заврши лекарските прегледи и се врати во Леверкузен

Нигерискиот напаѓач Виктор Бонифејс барем засега нема да потпише за Милан.
Иако се чинеше дека сè е завршено откако Милан и Баер Леверкузен се договорија за обештетување, а играчот ги доби посакуваните финансиски услови од италијанскиот клуб, росонерите ќе размислат дали а го птопишат напаѓачот.
За време на лекарските прегледи во Миланело, биле забележани неколку неправилности кај Виктор Бонифејс, што го исплаши медицинскиот тим, Масимилијано Алегри и остатокот од спортскиот сектор, па тие решија да го стопираат трансферот.
Бонифејс се врати во Леверкузен каде ќе чека на конечната одлука на Милан. Тие ја разгледуваат ситуацијата. Постои можност сепак да го потпишат, но сега шансите се намалени.
Миланезите ја следат ситуацијата околу напаѓачот на Спортинг Конрад Хардер, кој е наведен како алтернатива.
Спорт
Донарума се договорил со Манчестер сити

Трансфер „бомбата“ што ќе одекне на крајот од преодниот рок ќе биде трансферот на Џанлуиџи Донарума во Манчестер сити. Играчот веќе ги договорил личните услови, двата клуба сè уште треба да се договорат. Во моментот кога Пари Сен Жермен го отпиша италијанскиот голман, беше сосема сигурно дека Донарума ќе се пресели на „Етихад“.
Поранешниот голман на Милан веќе ги договорил личните услови, а останува двата клуба да се договорат за обештетувањето. Пари Сен Жермен сака најмалку 50 милиони евра.
Донарума беше еден од најважните фактори во походот кон титулата во Лигата на шампионите.
Во меѓувреме, Донарума одби да го продолжи договорот кој му истекува наредното лето, откако клубот не сакаше да ги прифати неговите услови.
Пари Сен Жермен практично го отпиша Донарума и двете страни притискаат за трансфер во овој преоден рок.
Пеп Гвардиола одлучи да не ја пропушти оваа можност, иако веќе има тројца голмани во својот состав. Тоа се Едерсон, Ортега и новодојдениот Џејмс Трафорд. Токму тој е стартер на голот на почетокот на сезоната, и не е тајна дека се Сити работи на заминувањата на Едерсон и Ортега.
Спорт
(Видео) Кремонезе го победи Милан

Фудбалерите на Кремонезе направија големо изненадување на стартот на сезоната во Серија А. Кремонезе на Сан Сиро со 2:1 го победи Милан. Во истиот термин Рома со минимален резултат ја победи Болоња.
Повратникот во Серија А, Кремонезе му го расипа дебито на Лука Модриќ во Серија А, прв пат во историјата успеа да го победи Милан на „Сан Сиро“.
Во 28-та минута, стоперот Федерико Баскирото им донесе предност на гостите со удар со глава, а во првата минута од судиското продолжение, Милан израмни на ист начин. Стрелец беше српскиот репрезентативец Страхиња Павловиќ.
Федерико Бонацоли беше најзаслужен за големото славје на тимот од Кремона, во 61-та минута постигна сепктакуларен гол.
Милан во следната рунда ќе игра против на гости против Лече, додека Кремонезе ќе го пречека Сасуоло.
Во дербито на колото, Рома на дебито на новиот тренер Џанпјеро Гасперини ја победи Болоња.
Единствениот гол на натпреварот во 53-тат минута го постигна десниот бек Весли, Бразилец кој пристигна во италијанската престолнина пред помалку од еден месец од Фламенго.
Во втората рунда, Рома ќе гостува во Пиза, додека тимот од „Ренато Далара“ Комо.
Foto/ EPA/MATTEO BAZZI