Спорт
„Мораме да ја пензионираме играта со илјада додавања“
Престижните шпански спортски медиуми жестоко ја критикуваат репрезентацијата по елиминацијата од Мундијалот во Катар. Мароко во пенал-рулетот ја елиминираше Шпанија. По 120 минути фудбал немаше голови, пенал-серијата Мароканците ја добија со 3:0.
„Ова е смрт за многу работи. Смрт на Шпанија на Светското првенство во Катар, веројатно крајот на ерата на Луис Енрике, но дали ова е смрт и на нашиот стил на игра? Шпанија си оди дома од две светски првенства по ред, играјќи два исти натпревари“, стои во коментарот на „Марка.
Шпанците калкулираа во групата, шпекулациите велат дека намерно загубија од Јапонија за во осминафиналето да одат на Мароко.
Медиумите од Пиринеите жестоко го критикуваат младиот тим на Луис Енрике, кој на стартот на турнирот ја демолираше Костарика со 7:0, но после тоа не покажа ништо.
Шпанците го контролираа натпреварот против Мароко, имаа повеќе од 900 точни додавања, но за 120 минути ниту еднаш не успеаја да шутираат директно кон голот.
„Тој ден небото се отвори и сè потоа беше стрмнина на која не се снајдовме. Заврши со смртоносен рулет против Мароко. Тоа не требаше да се случи. Повторно се загубивме во додавањата, и ова не е клише. Без удар кон голот“, пишува „Марка“.
Победникот беше решен со удари од пенали, кои Шпанците очајно ги шутираа, иако на почетокот на натпреварот тренерот Енрике истакна дека пеналите не се работа на среќа туку на тренинг.
„Не успеавме да постигнеме гол на овој натпревар, дури ни за време на изведувањето пенали. А Луис Енрике бараше од нив да повеќе од илјада пенали. Очигледно не а завршија својата домашна работа. Само двапати создадовме опасност. Мароко ја чекаше својата шанса и ја дочека“, стои во коментарот на „Мундо депортиво“.
„Збогум на Мундијалот, на ист начин како пред четири години во Русија, со истото чувство на удирање во ѕид. По првиот натпревар нè натераа да мислиме дека се кралеви, а на крајот испаднаа дека се просјаци. Шпанската игра од илјада додавања мора да замине во пензија. Ние се држиме до тој стил, додека другите поминуваат над нас“, пишува „АС“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола во Италија ја најде замената за Родри
Тренерот на Манчестер сити Пеп Гвардиола потврди дека сезоната е завршена за Родри (28). Фантастичниот играч за врска и еден од најдобрите фудбалери во светот ги скина предните вкрстени лигаменти на десното колено на премиерлигашкиот натпревар против Арсенал (2:2) одигран на 22 септември.
„Гардијан“ пишува дека Сити размислува да го доведе Самуеле Ричи (23) од Торино како замена за Родри. Станува збор за Италијанец способен да игра на неколку позиции во средниот ред.
Ричи е меѓу најголемите желби на Сити за зимскиот преоден рок. За да го доведат сопствениците на Манчестер сити ќе треба да платат околу 36 милиони евра, пишува „Гардијан“.
Спорт
(Видео) Погачар ја освои светската титула
Словенечкиот велосипедист Тадеј Погачар стана светски шампион, откако ја обезбеди титулата на шампионатот што се одржа во Цирих, Швајцарија.
Тој ја комплетираше „тројната круна“, бидејќи покрај оваа титула претходно беше победник на Тур Д’Франс и на Џиро Д’Италија.
Погачар оваа сезона собра вкупно 589 поени, што ја прави најдобра во историјата на велосипедизмот.
Досега најдобрите сезони, дури шест во периодот од 1969 до 1974 година, ги извезе Белгиецот Мерчк.
📊🇸🇮Pogačar 2024 is the best season in male pro-cycling ever according to @prestigelisten.
589 | 🇸🇮Pogačar’24*
585 | 🇧🇪Merckx’72
576 | 🇧🇪Merckx’73
548 | 🇧🇪Merckx’70
540 | 🇧🇪Merckx’71
511 | 🇧🇪Merckx’69
507 | 🇧🇪Merckx’74
440 | 🇮🇹Coppi’49
384 | 🇮🇪Roche’87— Cycling Statistics 📊 (@StatsOnCycling) September 29, 2024
Исто така, оваа година Погачар беше најбрз на престижните трки Лиеж-Бастоњ-Лиеж, Волта Каталуња и Страда Бјанка.
Словенецот славеше во Цирих со време од 6:27.30, што е за 34 секунди побрзо од второпласираниот Австралиец Бен О’Конор и бронзениот Метју ван дер Пол од Холандија.
Tadej Pogačar is World Champion 🤩🌈
Attacking with 100km to go, the Slovenian completes the triple crown of the Giro, Tour de France and Worlds in one season 👏#Zurich2024 pic.twitter.com/SkzXDXXNv9
— Eurosport (@eurosport) September 29, 2024
Спорт
Пандев за клупската телевизија ќе го коментира мечот Интер-Црвена звезда
Интер во вторник ќе ја пречека Црвена звезда во второто коло, во Лигата на шампионите. За клупската телевизија како стручен консултатнт натпреварот ќе го работи еден од најдобрите македонски фудбалери на сите времиња, Горан Пандев.
Звезда е неговата прва љубов, но со Интер ги доживеа најубавите моменти во кариерата. Нема да биде лесно да се одлучите на кого ќе навива.
„Да, тежок избор. Кога бев дете, речиси сите во Македонија ја поддржуваа Црвена звезда, но Интер ја одбележа мојата кариера, таму освоив се. Би сакал да биде добар натпревар, нека биде возбудлив и многу голови. од двете страни“, изјави Пандев за „Моцарт спорт“.
Интер е шампион на Италија, пред две сезони играше во финалето на Лигата на шампионите и јасно е дека е апсолутен фаворит во дуелот со црвено-белите.
„Интер не ја започнаа добро сезоната поради многу повреди во тимот, но влегуваат во ритам. Славеа на гостински терен против одличниот тим на Удинезе и се вратија на победничкиот колосек. Интер има одлични играчи на клупата што можат да направат разлика. Во Удине на местото на повредениот Барела играше Фратези скоро цел натпревар, дури и даде гол, но мислам дека Зјелински ќе стартува покрај Чалханоглу и Мхитаријан во редот за врска против Звезда. Од почеток треба да играат и Дамфрис и Павар кои одмараа“.
Пандев смета дека овој тим на Интер не може да се замисли без двајца фудбалери.
„Без Чалханоглу, овој тим е незамислив. Тој е лидер, а конечно во ритам влезе и Лаутаро со два гола против Удинезе. Тој е врвен напаѓач, само прашање на време беше кога повторно ќе почне да постигнува голови“.
Барела нема да игра прптов Црвена звезда поради повреда, а српскиот шампион на „Џузепе Меаца“ ќе биде без најдобриот играч Мирко Иваниќ, десниот бек Огњен Мимовиќ и веројатно без израелскиот голман Омри Глазер.
„Штета за Иваниќ, тој е одличен играч, но Звезда летово донесе квалитетни фудбалери како Круниќ и Силас, кои знаат да играат јаки натпревари. Имаат физички силен тим и ми се чини дека се добро подготвени. Ќе играат во Милано без притисок, немаат што да загубат. Од Интер се очекува да победи, но тоа не е секогаш лесно, особено не во Лигата на шампионите каде што сите играчи и тимови се желни. да се докажат“, рече Пандев.