Македонија
Честитка од министерот Спасовски по повод празникот Свети Климент Охридски
„Дозволете во мое име и во име на МВР, на сите православни верници да упатам честитки по повод големиот христијански празник – Св. Климент Охридски – Чудотворец, со желби за добро здравје и благосостојба.
Утрово, во Соборниот храм во македонската престолнина Скопје, кој го носи името на светителот, присуствував на Божествена литургија во служба на Архиепископот Охридски и Македонски г.г. Стефан.
Свети Климент е основоположникот на Македонска православна црква и на нашите писменост и култура. Тој претставува фигура која го осветли патот на Македонецот кон Бога, со зборови ги упатил народите во верата Божја, како прв македонски епископ, а како творец на познатата Охридска школа е најзначајниот македонски средновековен писател и педагог, кој стана заслужен не само за македонскиот народ туку и за целиот христијански свет, насочувајќи го кон идниот век.
Секогаш со посебен пиетет зборуваме за најпознатиот меѓу повеќето ученици на Светите браќа Кирил и Методиј, кој го трансформираше Охрид во лулка на словенската писменост и култура, грижливо го чуваше и негуваше христијанство на Балканот.
Како автор на многу дела, пофални слова на свети маченици и апостоли, како и поуки за големите христијански празници, нему му се припишуваат и опширните житија на Свети Кирил и Методиј, познати како Панонски легенди, кои се најзначајниот извор за проучување на животот и делото на светите браќа, но и силен доказ за правото на свој јазик, писменост и култура.
Изразувам најдлабока почит кон неговата заслуга за македонскиот народ, идентитет и култура, како светол пример на духовен водач кој се вградува во историјата на европската култура – подвиг кој ние ревносно го продолжуваме обезбедувајќи ги евроатлантските интеграции на нашата земја, како и мир и безбедност за сите наши граѓани.
Нека е за многу години празникот на Свети Климент Охридски!“ се вели во честитката упатена од минситерот за внатрешни работи, Оливер Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ѓорѓиевски и Тошковски на света литургија по повод еден век од осветувањето на црквата „Света Петка”
Градоначалникот Орце Ѓорѓиевски заедно со министерот за внатрешни работи Панче Тошковски присуствуваше на светата литургија по повод еден век од осветувањето на црквата Света Петка во Црниче, со која чиноначалствуваше Архиепископот Oхридски и Mакедонски г.г. Стефан и македонското свештенство. Црквата неодамна беше реновирана. Партерно е уредена, а освежена и е и фасадата.
-Еден век од осветувањето на црквата Света Петка во Црниче – нека е за многу години! Ми беше огромна чест да бидам дел од овој голем ден за сите православни верници, а уште поголема е честа да бидам дел од оваа приказна. Бог благослови да стогодишнината од постоењето ја дочекаме реконструиран храм Света Петка, партерно уреден и со освежена фасада.
Секогаш, колку што се моите можности ќе помагам и ќе се залагам за нашите македонски храмови, бидејќи токму во нив е мирот и сплотеноста на нашиот народ. Во преполниот храм, заедно со министерот за внатрешни работи Панче Тошковски присуствувавме на светата литургија со која чиноначалствуваше Архиепископот Oхридски и Mакедонски г.г. Стефан и македонското свештенство.Овој храм, кој се наоѓа во подножјето на планинита Водно,во населбата Црниче во Скопје, во 1904 е поставен камен темелник за изградба, посветен на преподобна Параскева-Петка. За 20 години бил изграден прекрасен Божји дом. Постои камен плоча на која може да се прочита дека храмот бил довршен и осветен на 3 септември 1923 година. Живописот и иконописот му биле доверени на последниот и најдобар зограф на тоа време Димитар Андонов Папрадишки. Во 1924 година, комплетно го завршил зографирањето и иконографијата на храмот. Црквата е молитвен дом на многу православни христијани кои преку верата во Бога и молитвите на Света Петка добиваат исцеление на многу душевни и телесни болести. Денес, 100 години подоцна, сведочиме на еден прекрасен јубилеј. Нека е за многу години и нека таму, во Божјите храмови се шири љубов и сплотува нашиот народ-изјави градоначалникот Орце Ѓорѓиевски.
Македонија
Љутков: Изградбата на Универзална е стопирана оти не се знае во чие владение е салата
Министерството за култура во минатата влада незаконски ја презело Универзална сала од Град Скопје затоа што по закон тоа не може да гради објект што е локална установа, рече на денешната прес-конференција, министерот за култура и туризам Зоран Љутков.
Тој најави дека против сите инволвирани ќе бидат поднесени кривични пријави „за сите криминали“ што се направени.
Тоа ќе се случи откако работните групи што се формирани ќе ги завршат своите анализи и ќе дадат извештај за целата постапка.
Љутков кажа дека изградбата засега е стопирана оти не се знае во чие владение е салата, но дека Скопје ќе има Универзална сала за 2028 кога ќе биде Европски град на културата.
„Ние ќе го запреме ваквото дивеење и незаконско работење, ќе ја вратиме постапката и најтранспарентен и на најлегален начин Скопје ќе биде Европската престолнина на културата со нова Универзална сала и ќе се гордее со неа затоа што ќе биде изработена законски“ изјави Љутков.
Македонија
Инженерите на ФЕРОИНВЕСТ и БРАКО со стручни трудови на јубилејот на Институтот по Мехатроника на Машинскиот факултет
Мехатронички решенија за управување со мали хидроелектрани, со електрични возила и со батериски системи, беа темите на кои инженерите на ФЕРОИНВЕСТ и БРАКО ги изложија последните достигнувања од инженерското работење на компанијата на настанот RE-MEMBER 2024, во организација на Машинскиот факултет во Скопје, со кој се одбележуваат 20 години од воведувањето на струдиската програма Мехатроника.
Инженер Војдан Андонов говореше за примената на PLC (програмабилен логички управувач) во управувањето на батериските системи за складирање на електрична енергија, што претставува последниот производ на Фероинвест, на кој компанијата работеше две години и кој претставува решение за вишокот електрична енергија произведена од фотоволтаици.
Инженер Филип Ташевски ги изнесе системите и управувањето на најновото електрично возило за чистење на Грин Машинс на БРАКО, моделот GM720ze, кое исто така е развивано во последните две години и е во постапка на сертификација од страна на германскиот институт ТУВ. Возилото има управување на сите четири тркала, како и други напредни решенија, и се очекува да предизвика значаен импакт на пазарите каде се бараат модерни и незагадувачки технологии.
Инженер Филип Андрески изложи стручна презентација за значењето на автоматизацијата при управување и мониторинг на малите хидроелектрани преку SCADA систем. Фероинвест е лидер во изградбата и одржување на мали хидроелектрани кај нас, а изведува проекти и за клиенти во други држави.
ФЕРОИНВЕСТ и БРАКО имаат континуирана стручна соработка со Машинскиот факултет во Скопје, работејќи на проекти за поддршка и развој, и на факултетот и на производните процеси во компанијата.
(ПР текст)